Marki 1:32 - LAWA A BOO SONBORE 2011

³² Wasa yii a sã kio, minin nə́ daa Yezu li ka busulən tumaa nɛ ka nɔ̀ɔndɛnan nɛ.

LAWA A BOO SONBORE

³² Wasa yii a sã kio, minin nə́ daa Yezu li ka busulən tumaa nɛ ka nɔ̀ɔndɛnan nɛ.

Marki 1:32 Iomraidhean Croise

Matiə 4:24

Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Matiə 8:16

Wasa bɛ́ á mɛ, minin nə́ daa nɔ̀ɔn babaraa dɛnaa gigiã kɔ Yezu la. Yezu bɛa nɔ̀ɔnɔn lɛn loo ka boo lɛ yii goon ne, á busulə din tumaa dɔ a busu nya.

Matiə 8:17

A ná a zɛnaa màn mɛn bɛ́ toɛ Lawa a boo gii-dali Izayii boo mɛn da, bɛ lɛ lɛ pã: «Wɔ dinin busun man nə́ goã a mìi ni, a na á wɔa fuun si a din ganaa.»

Marki 1:21

Yezu laanka a kialandɛnan nə́ woo Kafaranaamu kiwi. *Susu ǹ pii pinaa Yezu woo Zuifun lɛsɔkɔn kion, a ná a giala kɔ á minin daraa.

Marki 1:31

Á n zɔ̃ á dɔ a li, á kũ a gɔn-a, á saa á da a giala la. A gɔ̀nɔn-wɛ̃ lɛ nya, á yoo á màn-bii zɛnaa á kɔ ǹ la.

Marki 3:2

Min mɛnɛn bɛ́ ǹ nə́ goã walan, bɛn man nə́ goã giɛ Yezu gɔn li sɔnbɔraanɛ, bɛ̀ á die giĩ lɛ a busu nyɛɛ *susu ǹ pii pinaa, ǹsɛn nə́ dɔ̃. A giala, maǹ giɛ a zɛ̀rɛbaa ǹ gɔn li.

Luku 4:40

Wasa a yii sã kio, busulən nə goã min mɛnɛn tumaa li, busu tɔrɔ gigiã nə́ ǹ ganaa, ǹ nə́ daa ǹ nɛ Yezu li. Á n gɔn da ǹ gogoonmaa la, á ǹ busu nya.

Luku 4:41

Nɔ̀ɔnɔn dɔn nə́ goã n boe gigiã ganaa, bɛ̀ ǹ nə́ n lɛ dii Yezu ganaa: «Ma n Lawa a Nɛ lɛa!» Sɛnɛ, Yezu goã sɛ̀ pii ǹ-a, a goã toɛ ǹ boo kɔsɔ da wa, a giala nɔ̀ɔnɔn lɛn nə́ goã Yezu lɛ doɛ̃ Minin Nyin-sili lɛ lɛa.