Marki 1:14 - LAWA A BOO SONBORE 2011

¹⁴ Zaã kũ a da kòso-n kio, Yezu woo Galilee gána nɛ, á goã Lawa a Boo Tii Kɔɔ̃n laakalɛɛ,

LAWA A BOO SONBORE

¹⁴ ZAÃ kũ a da kòso-n kio, Yezu woo Galilee gána nɛ, á goã Lawa a Boo Tii Kɔɔ̃n laakalɛɛ,

Marki 1:14 Iomraidhean Croise

Matiə 11:2

Zaã, *batɛmu-dali bɛ́ kòso-n ǹ mɛn waáraa, á Yezu a nya ǹ dín lɛn boo ma. Zaã tɔ́n a kialandɛnan kɔnɔn dia,

Matiə 14:2

Á tɔ́n pɛ a dí-nyalin manɛ: «Zaã, *batɛmu-dali ni, a din lɛ yii na á wusoo á kaa á n bɔ geren bii. Bɛ lɛ na á toa, kaãbaa ǹ sii zɛnaa ǹ pàã tá a lon.»

Matiə 4:12

Yezu bɛ́ á ma mà ǹ nə́ Zaã kũ ǹ nə́ da kòso-n, á n zɔ̃ á woo Galilee gána nɛ.

Matiə 4:17

A kũ a da Galilee biikoo lɛ ganaa, Yezu ná a giala kɔ á Boo Tii Kɔɔ̃n pɛ. A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔsɛn bii sisia.»

Matiə 4:23

Yezu na á goã n bibiĩ Galilee gána din tumaa nɛ, bɛ̀ a minin daraa Zuifun lɛsɔkɔn kionən ne. Á goã lon a kiibaa ǹ Boo Tii Kɔɔ̃n lɛ pii. A na á goã minin busu tɔrɔ din tumaa nyɛɛ bɛ̀ a bɔ ǹ ganaa.

Matiə 9:35

Yezu goã n bibiĩ kiwi dadaran laanka kiwi bisinin ni; a na á goã minin darɛɛ ǹ lɛsɔkɔn kionən ne, bɛ̀ a lon a kiibaa ǹ Boo Tii Kɔɔ̃n pɛ, bɛ̀ a busu tɔrɔ din tumaa nya bɛ̀ a bɔ minin ganaa.

Luku 3:20

A bɛ́ re màn diɛ a sii baraan li, á Zaã kũ á ná a lɛ tã kòso-n.

Luku 8:1

Bɛ kio, Yezu woo kiwi dadaran laanka a bɔnboɛɛnɛn nɛ. A na á goã *Lawa a kiibaa ǹ Boo Tii Kɔɔ̃n pii. A min fulupaa mɛn bɔ, bɛn nə́ goã kun ni,

Nya ǹ dín 20:25

Ma á doɛ̃, má a kũ sisia ganaa, kasɛn mɛnɛn tumaa bɛ́ má *Lawa a kiibaa ǹ dí kɛ boo da ka nɛ, ka yii a re ma yii doo wa.

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Efɛɛzi minin 2:17

Kasɛn tɔrɔ kɔsɔn mɛnɛn nə goã sɔsɔɔ Lawa ganaa, ka Zuifun mɛnɛn nə goã kunu a ganaa, Krita na á daa là nyantoro yɛ ǹ Boo Tii Kɔɔ̃n kɛ pɛ ka nɛ, ka bɛa yɔrɔ kɛ nɛ.