Luku 11:2 - LAWA A BOO SONBORE 2011

² Yezu pɛ ǹ nɛ: – Bɛ̀ ka tá Lawa nyankoe, ka pɛ kɛnɛn: «Díi, toa n tɔ gole kɔ, toa n kiibaa daa.

LAWA A BOO SONBORE

² Yezu pɛ ǹ nɛ: – Bɛ̀ ka tá Lawa nyankoe, ka pɛ kɛnɛn: «Díi, toa n tɔ gole kɔ, toa n kiibaa daa.

Luku 11:2 Iomraidhean Croise

Kiin1 8:43

a bɛ́ re màn mɛn tumaa nyankoe n la, n too kɔ a lon n giã ǹ bǎã lɛ nɛ, n bɛ kɔ la. Màn mɛn bɛ́ toɛ kanaa a tɔrɔn tumaa dɔ̃, ǹ nə n guguru kɔ, ka n zaman Izirayeli minin bɛ́ zɛnɛɛ lɔn. Ka bɛ dɔ nɛ, ǹ dɔ̃ mà kion ke masɛ dɔ, mà n din tɔ n la.

Kiin2 19:19

Sɛnɛ nsɛ Dɛnaa Lawa ke wɔsɛn Lawa lɛa, wɔsɛn kanbaa Senankeribu ganaa. Dɛnaa, gánan tumaa á die doɛ̃ kəni mà n dinsɔɔ̃ n Lawa lɛa.»

KZS2 20:6

Á pɛ: – Dɛnaa Lawa, wɔ digolon Lawa, n din ni lon, n nə́ tán a gána tumaa mìi la. Kakabaa ka pàã nə n wɔ lɛa. Min kɔn ba boe la a n gòãn dii n ganaa wa.

Loen 103:20

Kasɛn lon a dia dí-a wolen lɛn, ka barka da Dɛnaa Lawa nɛ. Lon màn pàãdɛnan mɛnɛn bɛ́ a dí-pɛ tamaɛ, bɛ̀ á boo da lɔn, ka a bɔlɔ si, ka barka da nɛ.

Loen 108:5

A giala, n kɔn-narɛɛ gole kɛ n yui yǎa lon mìi la, n bǐɛ̃ duduu kɛ dɔ n doe labaran ganaa.

Loen 11:4

Sɛnɛ, Dɛnaa Lawa tá a giã ǹ bǎã sonbore kɛ nɛ. A tá a kiibaa ǹ bǎã kɛ-n lon, a yii tá min tumaa ganaa, á giɛ minbuiinin zɛnaa ǹ sii ganaa.

Loen 57:11

A giala, n kɔn-narɛɛ gole kɛ n yui yǎa lon, n bǐɛ̃ duduu kɛ dɔ n doe labaran ganaa.

Boo-laakalaali 5:2

Sonbore, taasiɛ gigiã n die ka narɛɛ nɛ. Boo gigiã n min biɛ baãnaa lɛa.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Ezekieli 36:23

Ká ma tɔ ziziɛ̃ tɔrɔ kɔsɔn bii, ká sìi da ma ganaa. Sɛnɛ, ma á re nyɛɛ bɛn manɛ, maa ma din nə Lawa gole sonbore lɛa. Man die dí nyɛɛ ká ka dinin lɛn nɛ, ma maa Lawabaa lɛ nyaa ǹ nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa. Ma din Dɛnaa Lawa a da ǹ boo ne.

Danayeli sɛ́wɔ 2:28

Sɛnɛ, Lawa goon tá lon, á n sii-duriin nyɛɛ. Sii mɛn bɛ́ nyɛɛn die, bɛa Lawa lɛ na á saalɛlɛ á bɛ nyaa n nɛ. N bɛ́ waa-n tán, n narɛɛ mɛn lɛ wɔ, ń siin mɛnɛn yɛ, bɛn man ka kɛn nɛ:

Danayeli sɛ́wɔ 2:44

Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Danayeli sɛ́wɔ 7:18

Bɛ kio, kiibaa lɛ á re doe lon a Lawa gole a zaman ganaa, á re goɛ̃ ǹ gɔn miɛ̃ yǎa duduu.»

Danayeli sɛ́wɔ 7:27

Bɛa biikoo li, kiibaa mɛn tumaa á ke bǎã woo bǎã nɛ kanaa kɛ gɔ́ɔ̃ nɛ, bɛn tá re n koe lon a Lawa gole a minin lɛn la. Ǹsɛn kiibaa lɛ na a tan yǎa duduu, goledɛnan tumaa á re dí nyɛɛ ǹ nɛ, ǹ nə ǹ bɔlɔ si.»

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Lawa a wúlu-bɔlen 10:3

Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

Lawa a wúlu-bɔlen 22:23

Dii ni, sère ne ka bòe ne, ta ǹ mɛn paǹ mɛn na a siĩn wa, hinlaa a gùn man nə́ nyaabaa kɔn ganaa, min tá boe la, a foo kɔɔ̃nbaa ǹ wúlu bɔ nɛ. Sɛnɛ, bɛ̀ lɛ kɔ Lawa la ǹ wúlu màn nɛ, Lawa a lɛ koe a ganaa wa.

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Matiə 10:32

Bɛ̀ min mɛn lɛ kɔ min tumaa yɔrɔ-a mà an masɛ wɔ lɛa, masɛ dɔ á die lɛ koe ma Di Lawa yɔrɔ-a máa bɛa dɛnaa n masɛ wɔ lɛa sonbore.

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Luku 11:1

Ǹ kɔ́n pinaa Yezu na á goã Lawa nyankoe bǎã kɔ́n nɛ. A bɛ́ á nya, a kialandɛnaa goon pɛ: «Dɛnaa, wɔsɛn daraa Lawa nyankɔ ganaa, ka Zaã bɛ́ á goã a ná a kialandɛnan daraa-a lɔn.»

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Rɔmu minin 8:15

Ka doamaa bie ka nyɛ́ɛ baa doo wa. Lawa ná a din Yiri kɔ ka la. Bɛ n nyɛɛ mà ka ba bɛ̀rɛn lɛa wa, sɛnɛ, ka na a nɛnyaanan lɛa. Bɛ̀ wɔ á n lɛ dii Lawa ganaa wáa «Wɔa Díi!»,

Korɛnti1 1:3

Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Korɛnti2 1:2

Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Galaasi minin 1:4

Yezu Krita lɛ na á n din kɔ wɔa sii baraan lɛa, màn mɛn bɛ́ toɛ, a wɔ kirisibaa sisia a kanaa babaraa kɛ ganaa. Bɛ na á n zɛnaa, á kɔnpɛ wɔ Di Lawa din foo sii ni.

Efɛɛzi minin 1:2

Wɔ Di Lawa laanka wɔa Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Filipi minin 1:2

Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Filipi minin 4:20

Tɔ golebaa die a goã wɔ Di Lawa wɔ lɛa yǎa duduu. A n miɛ̃.

Kolɔɔsi minin 1:2

Lawa a minin kɛn la Kolɔɔsi kiwi, kasɛn mɛnɛn bɛ́ wɔ dɔɔ̃n bɔlɔgoondɛnan lɛa, Krita wɔ gɔ́ɔ̃ nɛ. Wɔa Díi Lawa die a bǐɛ̃ zɛnaa ka nɛ, a là nyantoro kɔ ka la.

Tesaloniki1 1:1

Masɛ Pooli ni, ka Silaasi laanka Timote ne, wɔ n sɛ́wɔ kɛ diɛ Tesaloniki a Lawa a sɔmɔ minin la. Kasɛn mɛnɛn bɛ́ Díi Lawa laanka Dɛnaa Yezu *Krita wɔn lɛa, Lawa die a bǐɛ̃ zɛnaa ka nɛ, a là nyantoro kɔ ka la.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»

Sii-nyaan 19:6

Má ma doo ka zaman gole lɛn nə boe, a wuu n boe ka mu bɛ́ n toe màn nɛ lɔn, ka la a paraa bɛ́ lɔn, á goã pii: «Aleluya! Lawa tɔ bɔ! A giala mà wɔa Dɛnaa Lawa Pàãyiidɛnaa n kiibaa ǹ pàã la!

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.