Ebrəə 7:1 - LAWA A BOO SONBORE 2011

¹ Mɛlkizedɛki lɛ na á goã Salɛmu kiwi a kii lɛa, a na á goã Lon a Lawa Gole a wúlu-bɔle lɛa. Abrahamu bɛ́ á woo zia da kiin ganaa á boo ǹ la, a bɛ́ n bɔyɛɛ, Mɛlkizedɛki lɛ na á woo n da lɛ, á Lawa bǐɛ̃ bíi li.

LAWA A BOO SONBORE

¹ Mɛlkizedɛki lɛ na á goã Salɛmu kiwi a kii lɛa, a na á goã Lon a Lawa Gole a wúlu-bɔle lɛa. Abrahamu bɛ́ á woo zia da kiin ganaa á boo ǹ la, a bɛ́ n bɔyɛɛ, Mɛlkizedɛki lɛ na á woo n da lɛ, á Lawa bǐɛ̃ bíi li.

Ebrəə 7:1 Iomraidhean Croise

Loen 57:2

Makara bɔ ma ganaa, Lawa! Makara bɔ ma ganaa. A giala, man má n din lɛ bɔ duru ǹ bǎã lɛa. Ma nə n duri n din li, ka koon nɛ bɛ́ lɔn ǹ dan nyàa giulun, yǎa nɔmaa kɛ kiɛ̃.

Loen 76:2

Lawa nə́ n din nyaa Zudaa gána nɛ, ǹ nə́ dɔ̃. A tɔ á gole Izirayeli gána nɛ.

Loen 78:35

Ǹ yiri n gisĩ a nɛ mà Lawa nə ǹsɛn tamaali lɛa, mà Lon a Lawa Gole nə ǹsɛn zia gii dali lɛa.

Loen 78:56

Bɛ tumaa kio, Izirayeli tɔrɔn nə́ n gòãn dii Lawa ganaa, ǹ nə́ n da Lon a Lawa Gole kɛ gɔ́ɔ̃ li, ǹ kɔ a da ǹ boon lɛ wa.

Danayeli sɛ́wɔ 4:2

Ǹ kɔn pinaa tèlò-n, ma bɛ́ nyuù ni, má narɛɛ kɔn wɔ, á nyɛ́ɛ da ma ganaa parsiini. Ma siin mɛnɛn yɛ, ǹ nə́ ma yiri lɔlɔkɔn parsiini.

Danayeli sɛ́wɔ 5:18

Kii, Lawa mɛn bɛ́ lon sɔsɔɔ, á goã á kiibaa kɔ ǹ di Nebukadenezɔɔrɔ la, golebaa nɛ, ka gugurubaa laanka zín ni.

Danayeli sɛ́wɔ 5:21

Ǹ nə́ loo ǹ nə́ bɔ minbuiinin bii. A taasiɛ nə́ n bɔyaa á n baa ka tɔɔn wɔ bɛ́ lɔn. A na á goã kun ka don dundunun ni, buu soɛ̃ ka dii wɔ bɛ́ lɔn, pele goã piɛ̃ a ganaa. A na á goã bɛ lɛ gɔ́ɔ̃-n miɛ̃, yǎa a bɛ́ á dɔ̃ ǹ mɛn pinaa, mà lon a Lawa n minbuiinin kiibaa mìi la, mà a bɛ́ li a kɔ min mɛn la, mà a n koe bɛa dɛnaa la.

Misee 6:6

Wɔ n die woe golee Dɛnaa Lawa yɔrɔ-a ka wàa nɛ? Wɔ n die woe lon a Lawa guguru koe ka wàa nɛ? Wɔ n die woe ka lɛ̀ goon diin nɛn nɛ, wɔ bɛn baa *wúlu màn tiɛ̃ lɛa kəni?

Marki 5:7

á n lɛ dɛ kɔsɛkɔsɛ á pɛ: «N wàa dí n masɛ ganaa, Yezu, Lawa gole a Nɛ? Ma nə n gòã kuĩ ka Lawa tɔ nɛ, n nyan fuu nyaa ma-n wa.»

Nya ǹ dín 16:17

A na á goã koe wɔ kio lɛ, wɔ laanka Pooli ni, bɛ̀ a nə́ n lɛ dii: «Minin kɛn man Lon a Lawa Gole a dí-nyalin lɛa. Maǹ kirisibaa ǹ zii boo pii ka nɛ.»

Ebrəə 6:20

Yezu na á woo walan, wɔ nyɛɛnɛ, wɔ dinin lɛa. A din na á wúlu-bɔlen kiã baa yǎa duduu, a ná a lɛa ka Mɛlkizedɛki bɛ́ lɔn.

Ebrəə 7:2

Abrahamu màn mɛn tumaa yɛ zia la, a na á bɛa talɛɛ fùbaa ǹ wɔ bɔ, á kɔ a din lɛ la. Mɛlkizedɛki tɔ lɛ giala, mà "Kii Sii Pepere-Zɛnaali". Ka bɛ dɔ-n doo, a n Salɛmu kii lɛa, bɛ giala, mà "Kii Là Nyantoro-Kɔle".

Ebrəə 7:3

Bɛa Mɛlkizedɛki lɛ, Lawa a boo ba màn kɔ́n diɛ a díi wɔ gɔn la wa, ká a náa nɛ, ká ǹ digolon ne, a màn kɔ́n diɛ a giala-koe laanka a giala-nyɔmiɛ pinaa wɔ gɔn la wa. A n kɔnboe ka Lawa a Nɛgiĩ lɛ nɛ, a n wúlu-bɔle lɛa yǎa duduu.

Ebrəə 7:6

Mɛlkizedɛki goã Levii tɔrɔ lɛa wa, sɛnɛ, Abrahamu màn mɛn tumaa si zia la, á bɛa talɛɛ fùbaa ǹ wɔ kɔ la. A dɔ́ Lawa bǐɛ̃ bíi Abrahamu li, Abrahamu mɛn bɛ́ Lawa nə́ n lɛ kɔ la ke lɛn.