Ebrəə 5:9 - LAWA A BOO SONBORE 2011

⁹ A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

LAWA A BOO SONBORE

⁹ A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Ebrəə 5:9 Iomraidhean Croise

Loen 45:17

N nɛnyaanan tá re giɛ̃ n digolon kii dankan la, ǹ kɔn pinaa. N tá re ǹ koɛ kii lɛa, gána lɛ paǹ tumaa nɛ.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Loen 51:8

Bɛ lɛ na á goã durii-n ma ganaa, sɛnɛ, ń bɛ nyaa ma nɛ. Yiitibaa gɔ́ɔ̃ nɛ, bɛ̀ min tá sonbore doɛ̃, bɛ lɛ n kɔɔ̃nɛ n ganaa.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Zakarii 6:15

Min mɛnɛn wɔlɔ bɛ́ sɔsɔɔ, bɛn tá re die n doe Dɛnaa Lawa a kion lɛ a dɔlen lɛ. Ka bɛ-n kəni, ka á re doɛ̃ mà Dɛnaa Lawa Pàãyiidɛnaa na á masɛ Zakarii dia ka li Lawa a boo gii-dali lɛa. Bɛ n die yɔrɔ yii bɛ̀ kaa Dɛnaa Lawa ka Lawa bɔlɔ sii sonbore.

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Luku 13:32

Yezu pɛ mà ǹ wo pɛ bɛa basaã-kɔle kɛ nɛ mà á ke, mà asɛ n nɔ̀ɔnɔn lui, a n busulən kaka koe pelo laanka biɛ̃ nɛ, mà a lɛawaa sɔɔbaa ǹ wɔ pinaa mà asɛ a dí á re nyɛɛ.

Zaã a sɛ́wɔ 19:30

Yezu bɛa duvɛ̃ pipiã lɛ mi lɔn, á pɛ: «A tumaa lɛ pã kəni!» Bɛ kio á n mìi kuməə, a piɛ̃ nya.

Nya ǹ dín 3:15

Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa.

Nya ǹ dín 4:12

Kirisibaa ba yii bǎã kɔn nɛ wa yǎa Yezu din ni. A giala, kanaa gɔ́ɔ̃ nɛ, bɛ̀ á n bɔ a din tɔ nɛ, Lawa tɔ kɔsɔ kɔ minbuiinin la, màn mɛn bɛ́ boe la a wɔ kirisibaa wa.

Nya ǹ dín 5:32

Wɔsɛn dinin man bɛa siin kɛn lɛn siéren lɛa, wɔsɛn laanka Yiri Fu kɛ nɛ, Lawa din nə ǹ mɛn kɔ a bɔlɔ-silin la.»

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 10:16

Sɛnɛ, min tumaa golee Boo Tii Kɔɔ̃n lɛ li wa. Sonbore, Izayii pɛ bɛ wɔ gɔn la: «Dɛnaa, die na á golee wɔsɛn boo diɛ li?»

Rɔmu minin 15:18

Masɛ a re n foo taɛ̃ ma màn kɔ́n boo da wa, bɛ̀ á n bɔ Krita din nə ǹ mɛnɛn zɛnaa ma gɔn, á tɔrɔ kɔsɔn bíi, á ǹ kaa Lawa bɔlɔ-sii ganaa. A na á bɛa di lɛ nya maa boo laanka maa sii-zɛnaan barka nɛ,

Rɔmu minin 2:8

Sɛnɛ, min gialakunun kɛn, Lawa á re a foo-busii gole kɛ nyɛɛ bɛn manɛ, min mɛnɛn bɛ́ n taasɛ ka ǹ dinin sii dinsɔɔ̃ nɛ, ǹ ba koe sonbore lɛ wa yǎa kɔkɔrɔbaa.

Rɔmu minin 6:17

Ka daa wɔ barka da Lawa nɛ. Ka n ká goã sii baraa a bɛ̀rɛn lɛa lɛlɛ, sɛnɛ, daraa ke á n kɔ ka la, sii yɔrɔ sonbore mɛn bɛ́ a nɛ, ká bɛ si ka ka foo din tumaa nɛ.

Korɛnti2 10:5

Min mɛn tumaa a din gole kɔ bɛ́ a la yii ni, n dinin koɛ Lawa-doɛ̃ ganaa, wɔ ǹ bɛn tumaa gisĩ. Wɔ n min tumaa a taasiɛ kuĩ wɔ á golee ne, yǎa ǹ dɔn nə Krita a boo sii.

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 11:40

A giala, Lawa na á màn sonbore kɔ́n yɔrɔ bɔ wɔsɛn wɔ lɛa. A goã giɛ li, mà bɛa minin kɛn lɛn nə min lɛ-piɛ̃n baa wɔsɛn baã wa.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Ebrəə 9:12

Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Ebrəə 9:15

Bɛ lɛ taman yii ni, Krita lɛ á lɛ kɔ kɔn la dii a zɛlɛ lɛa. Sii baraan mɛnɛn nə n zɛnaa lɛ kɔ kɔn la zizi a biikoo li, asɛ na á gã á minin si bɛn la, màn mɛn bɛ́ toɛ, Lawa din min mɛnɛn bíi, á n lɛ kɔ ǹ la ka bǐɛ̃ nyabaã wole ne, bɛn nə bɛ yɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zude 1:21

Lawa bɛ́ ka narɛ ke, ka toa ka goã bɛ gɔ́ɔ̃ nɛ, ka n yii da, wɔa Dɛnaa Yezu Krita bɛ́ re die a bǐɛ̃baa gole kɛ gɔ́ɔ̃ nɛ, a n die nyin nyabaã koe ka la.