Ebrəə 4:12 - LAWA A BOO SONBORE 2011

¹² Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

LAWA A BOO SONBORE

¹² Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

Ebrəə 4:12 Iomraidhean Croise

Loen 110:2

Dɛnaa Lawa n die n pàã lɛ boe li, a bɔ *Siɔn, ń giɛ, nsɛ tá goɛ̃ gole n zɔ́ɔn bii.

Loen 119:130

N boon lɛn doɛ̃ tá min yiri fúli. A tá yiri koe yiriwɛɛnaa la.

Loen 139:2

N tá maa waa tán laanka maa yoo doɛ̃. N din nə n toɛ sɔsɔɔ n tá maa taasiɛ doɛ̃.

Loen 149:6

Ka n lɛn saa lon, ka barka da Lawa nɛ, gɔya sa lɛ paanan bɔle kɛ ń ka gɔn.

Loen 45:3

N tá siĩni, ń la minbuiin nɛ tumaa nɛ, boo bǐɛ̃ n boe n lɛ-n. Á ke, Lawa barka da n ganaa yǎa duduu.

Suusun 5:4

Sɛnɛ, a nə n gɔn nyɔmiɛ̃ kɔɔsɛ ka sèwò bɛ́ lɔn. A n baraa ka gɔya sa lɛ bɔle bɛ́ lɔn.

Boo-laakalaali 12:11

Sii-dɔ̃lin boon man ka tɔɔn loo ǹ kiɛn bɛ́ lɔn, man ka tɔɔn gama walan wolen gɔnɔn dere tán nɛ, tɔɔ-lɛduə̃li goon dinsɔɔ̃ na á ǹ wɔ.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 49:2

Á maa boo baa gɔya sa lɛ-bɔle lɛa, Á ma duru a gɔn wúlu li. Á ma baa kiɛ lɛ pɛpɛnɛ lɛa, á ma duru a kòã nɛ.

Izayii 55:11

A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 23:29

«Maa boo kɛ bie ka tɛ bɛ́ lɔn wa? A bie ka yele bɛ́ lɔn gɛ̀fu yui wa?» Dɛnaa Lawa a da ǹ boo ne

Luku 8:11

Yezu mà boo giməə lɛ giala n ka kɛ nɛ: «Màn tɔrɔ lɛ, Lawa a boo kɛ n ka bɛ nɛ.

Zaã a sɛ́wɔ 12:48

Bɛ̀ min mɛn nə́ n piã ka masɛ nɛ, a ná a lɛ kɔ maa boo kɛ dɔ-a wa, bɛa dɛnaa a kiri-wɔle tan. Ma boo mɛn da, bɛ lɛ n die kiri kuri la kanaa a nya pinaa.

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Nya ǹ dín 2:37

Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Nya ǹ dín 4:31

Ǹ bɛ́ ǹ nə́ Lawa nyankɔ ǹ nə́ nya, ǹ lɛ bɛ́ soe-n kɔn bǎã mɛn nɛ, bɛa bǎã lɛ bìn da, Lawa a Yiri Fu gisĩ ǹ tumaa la. Ǹ nə́ Lawa a boo da ka foo-doa nɛ.

Nya ǹ dín 5:33

Kiri-wɔlen lɛn bɛ́ ǹ nə́ bɛa boon kɛn ma, ǹ foo yoo. Maǹ nə́ goã giɛ li ǹ dia dí-a wolen lɛn dɛ ǹ gã.

Nya ǹ dín 7:38

A din ni, zaman lɛ bɛ́ soe-n kɔn don bii ǹ mɛn waáraa, á golee wɔsɛn digolon lɛn laanka lon a dia dí-a wole lɛ bii ni, lon a dia dí-a wole mɛn bɛ́ á goã n toɛ Sinayii kele lɛ la a n boo diɛ nɛ. A din Muizu lɛ nɛ, sii-zɛnaan mɛnɛn bɛ́ wɔsɛn kiɛ yiikoonaabaa taãn-taãn kɛ nɛ, á bɛn boon si á ǹ kɔ wɔ la.

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Korɛnti1 1:24

Sɛnɛ, Lawa min mɛnɛn bɔ, ta Zuifu ni, ta tɔrɔ kɔsɔ nɛ, Krita lɛ n Lawa a pàãyiidɛnaabaa lɛa, ka a sii-doɛ̃ nɛ bɛn yii li.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Efɛɛzi minin 5:13

Sɛnɛ, bɛ̀ bɛa siin kɛn lɛn nə́ n kaa wɔlɔ fúlu li, ǹ bɛ́ màn mɛn lɛa taãnɛ, bɛ nə n nyɛɛ foaãnɛ.

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Efɛɛzi minin 6:17

Bɛ din tumaa kio, ka lɛ kɔ Lawa a minin kirisibaa kɛ ganaa, ka bɛ baa ziabaa ǹ bafolo lɛa. Yiri Fu bɛ́ Lawa a boo mɛn diɛ ka nɛ, ka bɛ baa gɔya sa lɛa.

Tesaloniki1 2:13

Wɔ dɔn barka da Lawa-n baraabaraa mìi n ke doo. Wɔ bɛ́ wɔ́ Lawa a boo mɛn pɛ ka nɛ, ka n ká n too kɔ a ganaa, ká si, ka bie ká si minbuiinin boo lɛa wa, sɛnɛ, ka n ká si Lawa a boo lɛa. A n bɛ lɛ lɛa taãn-taãnɛ, a din lɛ n dí nyɛɛ kasɛn golee Lawa li wolen lɛn foo ne.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Ebrəə 13:7

Ka n yiri kɔ kaa lɛlɛ a nyɛɛnaandɛnan kɛn nɛ, ǹ mɛnɛn nə Lawa a boo lɛ pɛ ka nɛ. Ka ga ǹ tá kanaa a tɔ-wɔ ǹ gɔn kɛ laanka ǹ gɛ̀-wɔ ǹ gɔn kɛ ganaa, ka toa ka ǹ golee Lawa li lɛn zɔɔ̃.

Ebrəə 6:5

Ǹ nə́ yɛ ǹ dinin foo ne, mà Lawa a boo á kɔɔ̃nɛ, mà pàã tá *Lawa a kiibaa lɛ nɛ.

Zaaki 1:18

A na á kɔɔ̃n kɔ Lawa ganaa, a yiikoonaabaa dii kɔ wɔ la ka boo sonbore kɛ barka nɛ, màn mɛn bɛ́ toɛ, a bɛ́ re min kɔsɔn mɛnɛn dɔn yii miɛ̃, wɔ bɛn nyɛɛnaandɛnan baa.

Piɛrɛ1 1:23

Sonbore, ka ǹ ká yɛ gunyin paa, ka bie ka yɛ díi gã wolen la doo wa, ka ǹ ká yɛ díi kɔ́n la, a n màn tɔrɔ gãbaã wole lɛa, bɛ n ka Lawa a boo yiikoonaa kɛ nɛ, a kiɛ̃ duduu wa.

Sii-nyaan 1:16

Leere sɔbaa na a gusin a gɔn nɛ, gɔya sa lɛn paanan lɛbɔle n soe a lɛ-n. A yɔrɔ goã tɛ pii ka penleen a wasa bɛ́ lɔn.

Sii-nyaan 19:15

Gɔya sa lɛbɔle-a n soe a lɛ-n, a n die tɔrɔ din tumaa dii ka bɛ nɛ. A n die ǹ lɛduĩ ka fɔlɔ bàbàla nɛ, a foo-yoo gole kɛ gɔ́ɔ̃ nɛ, a n die tɔrɛ ǹ la, ká ǹ bɛ́ rezɛ̃ tɔrɛ yala-n lɔn.

Sii-nyaan 19:21

Gɔya sa mɛn bɛ́ soe sùi fudɛnaa lɛ lɛ-n, bɛ na á ǹ zia-baali gialakunun kɛn dɛ. Bàanan tumaa nə́ ǹ mui ǹ nə́ kã.

Sii-nyaan 2:16

Wusoo n sii baraan kio. Bɛ̀ bɛ bie wa, ma á re die n tɔwɛɛ sisia, ma zia baa bɛa minin kɛn lɛn ganaa ka gɔya sa kɛ-n soe ma lɛ-n.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.

Sii yɔrɔ-bɔlen 3:16

Ewuudu gɔya sa kɔn zɛnaa, a lɛn paanan nə́ lɛ boe, a sasabaa n mɛtərə talɛɛ. Á bɛ lɛ da a mɔnaa giulun, a gusin a gisi ganaa.