Ebrəə 3:6 - LAWA A BOO SONBORE 2011

⁶ Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

LAWA A BOO SONBORE

⁶ Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 3:6 Iomraidhean Croise

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Ezekieli 46:10

Goledɛnaa lɛ dɔ n die we kun ka zaman lɛ nɛ, bɛ̀ ǹ tá soe ǹ mɛn waáraa, a dɔ soo kunun ǹ ni.

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Matiə 24:13

Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Rɔmu minin 11:22

N yiri kɔ sii màn paa kɛ li: Lawa a bǐɛ̃baa kɛ laanka a kakaarɛbaa kɛ nɛ. A n kakaarɛ a piãman wolen ganaa, a n bǐɛ̃ zɛnɛɛ nsɛ dɔ nɛ. Sɛnɛ, yǎa n goɛ̃ bɛa bǐɛ̃ kɛ lɛ nɛ, bɛ bie wa, á re n dɔ kuri a n daa.

Rɔmu minin 12:12

Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 5:2

A giala, a na á zii bũ wɔ nɛ, wɔ́ boo la wɔ́ n mɔrɔ Lawa a bǐɛ̃baa lɛ ganaa. Wɔ n wɔ́ lɛ kɔ bɛa bǐɛ̃ lɛ ganaa, golee Yezu li barka nɛ, wɔ na a din bǐɛ̃ kɛ lɛ gɔ́ɔ̃ nɛ, haalɛ ka pelo yii ni. Sisia kəni, wɔ foo á kɔɔ̃nɛ, a giala, wɔ á waa-n la, wáa Lawa á re toɛ wɔ wɔa wɔ gii yɛ a din a gugurubaa kɛ nɛ.

Korɛnti1 3:16

Táa ka dinin tá doɛ̃ mà ka ǹ Lawa a Kion lɛa, Lawa a Yiri Fu n ka gɔ́ɔ̃ nɛ.

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Korɛnti2 6:16

Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Galaasi minin 6:9

Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Efɛɛzi minin 3:12

Wɔ bɛ́ kun ka Krita nɛ, wɔ́ n golee-n a din li, nyɛ́ɛ baran wɔ kũ doo wa. Wɔ á boe la wɔ wo Lawa yɔrɔ-a ka foo tãbaa nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Tesaloniki1 5:16

Ka n nyɛnyɛɛ biikoo tumaa li.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Timote1 3:15

Sɛnɛ, bɛ̀ má belebɔ ma a die wa, n doamaa bɛ́ nɛ n dí mɛn nya Lawa a kion minin bii, sɛ́wɔ kɛ lɛ á re toɛ n bɛ dɔ̃. Bɛa kion lɛ n Lawa yiikoonaa a sɔmɔ lɛa, sonbore koa ǹ bǎã laanka a tamaa ǹ bǎã nɛ, ka yírəə bɛ́ we-n kion li lɔn, á n kuĩ koɛ lon.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.

Ebrəə 10:19

Bɛ lɛ taman yii, dɔɔ̃nɔn lɛn, foo-doa tá wɔ lon, wɔ wɔ Bǎã Sonbore Sonbore kɛ nɛ ka Yezu mà kɛ barka nɛ, mà ke á kaa wúlu màn lɛa.

Ebrəə 10:21

Wúlu-bɔlen kiã tá wɔ lon, a n giã-n lon, Lawa a kion mìi la.

Ebrəə 10:23

Wɔ baran talaa wa, wɔ bɛ́ pii wáa wɔ́ lɛ kɔ foo-doa mɛn ganaa, ka daa wɔ wo nyɛɛn bɛ gɔ́ɔ̃ nɛ, a giala, Lawa mɛn nə n lɛ kɔ, bɛ á bɔlɔgoondɛnaa lɛa.

Ebrəə 10:35

Haya, ka baran toa ka n gɔn bɔ kaa foo-doa kɛ ganaa wa, a saraa ǹ màn tá gole.

Ebrəə 11:1

Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Ebrəə 6:11

Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Ebrəə 7:19

Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 4:17

Sonbore, kiri lɛ a wɔ giala-kɔ biikoo dɔ, a n die n giala koe Lawa a zaman lɛ din ganaa. Haya, bɛ̀ á re n giala koe wɔ dinin ganaa, minin mɛnɛn bɛ́ n piɛ̃ ka Lawa a Boo Tii Kɔɔ̃n lɛ nɛ, ǹ nə́ ǹ ba golee li wa, bɛn wɔa giala-nyɔmiɛ á die baraa koe!

Sii-nyaan 2:18

Sɛ́wɔ kɛ kiɛ̃ n dia Tiatiirin Lawa a sɔmɔ a lon a dia dí-a wole la: Masɛ Lawa a Nɛgiĩ a boo n ke, masɛ mɛn bɛ́ ma yii nànan nə́ ka tɛ buə̃ bɛ́ lɔn, ma gòãn nə́ tɛ pii ka zan nɛ ǹ nə́ zɔnɔ, man pii n ni:

Sii-nyaan 2:25

Sɛnɛ, sii mɛn bɛ́ ka gɔn, ka kũ kaka parsiini, yǎa maa daa doe.

Sii-nyaan 2:26

Min mɛn bɛ́ re gɔ̀lɔ̀ biɛ, a ma foo sii zɛnaa a dɔ a giala-nyɔmɔɔ ganaa, maa Díi Lawa bɛ́ á pàã mɛn kɔ ma la, ma á re bɛ koe ǹ dɛnaa la: ma á re gánan tumaa a lɛduə̃ ǹ pàã koe la, a á re ǹ lɛduĩ ka kiibaa ǹ fɔlɔ bàlà nɛ, a nə ǹ yɔyɔrɛ, ka ǹ bɛ́ tii dɔn yɔyɔrɛ lɔn.

Sii-nyaan 3:11

Ma á die sisia. Pàã boɛɛn mɛn bɛ́ n gɔn, a kũ ka parsii ni, min nyan gɔ̀lɔ̀baa ǹ kii bafolo kɛ si n la wa.