Azee 1:4 - LAWA A BOO SONBORE 2011

⁴ «Kaa giã kaa kion siĩnin kɛn nɛ biikoo na á dɔ ka yii li, a da yaa masɛ dɔ wɔ n ziziɛ̃-n tán ka yɔrɔ-a? Á kɔnbɔ ka giã kion siĩnin kɛn nɛ ka nyaǹ kaa ǹ gɔ́ɔ̃ nɛ, masɛ wɔ n kɛbɔlɔ biɛ?»

LAWA A BOO SONBORE

⁴ «Kaa giã kaa kion siĩnin kɛn nɛ biikoo na á dɔ ka yii li, a da yaa masɛ dɔ wɔ n ziziɛ̃-n tán ka yɔrɔ-a? Á kɔnbɔ ka giã kion siĩnin kɛn nɛ ka nyaǹ kaa ǹ gɔ́ɔ̃ nɛ, masɛ wɔ n kɛbɔlɔ biɛ?»

Azee 1:4 Iomraidhean Croise

Samayeli2 7:2

Ǹ kɔn pinaa, á pɛ Lawa a boo gii-dali Natan nɛ: «Ga, masɛ bɛ́ giã-n kion mɛn nɛ, maǹ nə́ bɛ dɔ ka da kaka gɔn nɛ. Sɛnɛ, Lawa a *lɛ kɔ kɔn la ǹ goo kɛ bɛ́ koa-n bǎã mɛn nɛ, mɔnaa kion ne. Ma n wàa taasɛ?»

Kiin2 5:26

Sɛnɛ Yiliizee nə́ n toa a ganaa: «Giĩ goon bɛ́ gisĩ fufuu n boe a wotoro la, die n diɛ n lɛ, masɛ n ma bɛ yɛ sii nyaa-n wa? Wɔrɔ yɛ n biikoo n ka kɛ nɛ ń nə́ boe la ń nə́ mɔnaan pii ni, *olivie dan nɛ, *rezɛ̃ dan nɛ, sèren laanka diin ni, bɛ̀rɛgiĩn laanka bɛ̀rɛlɔn nɛ?

Loen 102:14

N Zeruzalɛmu kiwi lɛ narɛɛ taman yii, n die n yoo, taãn pɛ á soɛ, makara bɔ a ganaa biikoo dɔ. Sonbore, a biikoo dɔ.

Loen 74:7

Ǹ nə́ tɛ da n din a Kion sonbore kɛ ganaa. Ǹ nə́ n din a giã ǹ bǎã kɛ dɛ, ǹ nə́ kaa, ǹ nə́ *gɔ̀ lɔ a ganaa.

Boo-laakalaali 3:3

Gɛ̀-dɛ biikoo tan, da gòã-diɛ biikoo tan. Màn-wurii biikoo tan, màn-doe biikoo tan.

Zeremii 22:14

Ma nə n taasɛ: Man die kii kion gole doe, sanabolo dadaran lɛa, a kion nɛn nə́ dadara, ma fenɛtərən bɔ a ganaa, ma *sɛdrə gɔn kɔ a kungɔnɔn lɛ, ma a gɔ̀nɔn lɔ, a goã tã.

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Zeremii 26:6

Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»

Zeremii 33:10

Dɛnaa Lawa n kɛ pii: – Kasɛn Zudaa minin, ka ǹ pii: «Gána lɛ n diə lɛa, minbuiin nɛn ba a-n wa, tɔɔn ba a-n wa. Sonbore ne, Zudaa laanka Zeruzalɛmu, kaa kiwin lɛn kooromaa nɛ. Min goon din ba kaa ziin la wa. Haalɛ tɔɔ din.

Zeremii 33:12

Dɛnaa Lawa Pàãyiidɛnaa n kɛ pii doo: «Kɛa gána ziziɛ̃ kɛ lɛ nɛ, muibuiin laanka tɔɔ din ná a ba a-n wa, bǎãn tá re yii, kiwin tumaa nɛ, tɔɔn-lɛduə̃lin nə ǹ sèren laanka ǹ bòen lɛduə̃ ǹ nɛ.

Zeremii 52:13

Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.

Busii pɛ 2:7

Dɛnaa Lawa nə n piã ka a *wúlu bɔ ǹ bǎã nɛ. Á n la bɔ a bǎã sonbore kɛ ganaa. Á ǹ kion sonboren wɔ ǹ zɔ́ɔn gɔn, Ǹ zɔ́ɔn lɛn manə n lɛ dii Lawa a kion, ka zɔ́n pinaa bɛ́ lɔn.

Busii pɛ 4:1

Wui! Sana lɛ a tɛ pii doo wa. Sana sonbore lɛ tɛ pɛ lɛ da. Lawa a kion a kɔlɔn kɛn, a n siɛ lɔn bɛn tá pɛsiɛ̃-n bǎã tumaa nɛ zii gialaa.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Lawa a wúlu-bɔlen 19:25

A lɛ̀ soorobaa ǹ wɔ kəni, ka á boe la ka na, ka na a nɛ bii. Bɛ̀ ka zɛnaa miɛ̃, bɛ lɛ n die toɛ, màn nə mɛ kaa da a nɛ kɔ li a woo. Masɛ din Dɛnaa Lawa n kaa Lawa lɛa.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Azee 1:3

Bɛ lɛ nɛ, Dɛnaa Lawa a boo gii-dali Azee tɔ́n Dɛnaa Lawa a boo kɛ da ǹ nɛ:

Azee 1:5

Kanna kəni masɛ Dɛnaa Lawa Pàãyiidɛnaa n pii: Sii mɛn bɛ́ ka yii, ka ǹ taasɛ bɛ-a taãnɛ.

Azee 1:9

Ka yiri na á goã màn gigiã ganaa, sɛnɛ ka n ka màn boɛɛn yɛ. Ka màn mɛn yɛ ka kaa dɔǹ nɛ, má piɛ̃ pɛ a ganaa a yii papaã. Wàa na á baa má bɛ zɛnaa miɛ̃? Dɛnaa Lawa Pàãyiidɛnaa n nɔ̀n diɛ. A giala ka ǹ giɛ ka dinin kionən walan, maa kion lɛ n kɛbɔlɔbaa nɛ.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Filipi minin 2:21

Gialakun kɛ tumaa nə n taasɛ ka ǹ dininmaan siin ni, ǹ ba n taasɛ ka Yezu Krita wɔn nɛ wa.