Kawkanta 46:1 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹ Hay Diyos ay dipinsa tamo boy hiya ya ampambi kontamo nin kakhawan. Hiya ay pirmin handà nin manambay ha oras nin kagolowan.

Kawkanta 46:1 Iomraidhean Croise

Kawkanta 14:6

Ampagsistiyan nin mangala-et ya pawplano nin aw-apih, piro hay aw-apih ya ma-in pamahimalà ha Pangino-on ay an-i-atap na.

Kawkanta 142:5

Pangino-on, andoma-ing ako komo nin tambay. Hikan bongat ya protiksyon ko, boy hika ya kaganawan ha biyay ko bayri ha babon lotà.

Kawkanta 145:18

Hiya ay marani ha kaganawan ampangingat kona nin leseb ha nakem.

Kawkanta 42:1

No pangno nin angkahabek ya oyha nin minom nin malay-ep ya lanom hapà ay ombayro itaman ya pagkahabek ko komo, Diyos ko.

Kawkanta 46:11

Hay Pangino-on ya Pinakamakapangyariyan ay anti kontamo; hay Diyos ya pinahimala-an ni Hakob ay ampangidipinsa kontamo.

Kawkanta 46:7

Hay Pangino-on ya Pinakamakapangyariyan ay anti kontamo; hay Diyos ya pinahimala-an ni Hakob ay ampangidipinsa kontamo.

Kawkanta 48:1

Hay Pangino-on ay ahè mapantayan, boy hiya ay nararapat poriyen ha siyodad nin Diyos tamo ya anti ha masagradoy bakil.

Kawkanta 66:1

Kaganawan tawo bayri ha babon lotà ay mibobo-angaw nin mipagtowà ha Diyos.

Kawkanta 84:1

Pagkagandan bali mo, Pinakamakapangyariyan ya Pangino-on.

Kawkanta 85:1

Pangino-on, hay dogal mo ay pinolalagan mo, boy pina-inomay mon oman ya aw-inalalak ni Hakob.

Kawkanta 87:1

Hay pinanggawa-an nin Diyos nin siyodad na ay ha masagradoy bakil.

Kawkanta 9:9

Hay Pangino-on ay mapahimala-an ya dipinsa; kayà hay tawtawoy angka-apih ay ampakarani kona.

Kawkahalita-an 14:26

Hay tawoy anggomalang ha Pangino-on kateng pamilya na ay ampagkama-in makhaw ya pamahimalà ha Pangino-on.

Kawkahalita-an 18:10

Hay ngalan nin Pangino-on Diyos ay bilang ha matibay ya kobliyan; bayro ay ma-arì pa-ikobli ya mahampat ya tawo emen ya malibri.

Lokas 13:34

Hapa-eg, naghalità et hi Apo Hisos, ya wana, “Tawtawo ha Hirosalim, hikawo ya ampamati nin pawpropita boy ambatowen moyo baytoy inhogò bahen komoyo. Ongnoy bisis katawon labay kopkopen nin bilang ha pangopkop nin to-an manok ha sawsisiw na, piro agmoyo labay nin pakopkop kongko.

Hibriyo 6:18

Ma-in loway bagay ya panigorowan tamo ha pangakò nin Diyos. Ona, hay Diyos ay ahè ampagbongkok; ikalwa ay ampanompa-an nay pangakò na. Kayà hitamoy nakatanggap kona nin kalibriyan ha kasalanan ay masyadon ampahimalà ha pan-o-omasa tamo ya hay impangakò kontamo ay matanggap tamo lano.