Kawkanta 119:81 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁸¹ Pangino-on, masyado koynan angkahabek ha pangilibri mo, boy an-omasa ko ha Halità mo.

Kawkanta 119:81 Iomraidhean Croise

Kawkanta 119:114

Hiko ay ahè mapangno ta anti ka kongko ya ampangi-atap kongko; an-omasa ko ha Halità mo.

Kawkanta 119:20

Hiko ay pirmin ma-in ka-apehan nakem nin lalò matanda-an ya pawpanogò mo.

Kawkanta 119:40

Hay pawpanogò mo ay angkahabekan ko. Banà ha kahampatan mo ay bayowen moy biyay ko.

Kawkanta 119:41

Pangino-on, dayi ay ipatanam mo kongko ya ingangalo moy ma-in panlalabi ha pangilibri mo kongko kompormi ha pangakò mo.

Kawkanta 119:42

Ha ombayro ay matobay ko ya ampanginsolto kongko ta ampahimalà ako ha Halità mo.

Kawkanta 119:43

Agmo payagan nin ma-intoloyan nin ma-alih kongko ya Halità moy peteg, ta an-omasa ko ha pawpanogò mo.

Kawkanta 119:74

Dayi, hay ampipanggomalang komo ay magtowà pamakakit la kongko, ta hiko ay an-omasa ha Halità mo.

Kawkanta 119:77

Dayi ay ingalowan mo ko emen ako et mabiyay, ta an-ikaliga koy pawpanogò mo.

Kawkanta 130:5

Angkahabek ako ha pangantì ko komo, Pangino-on, ta an-omasa ko ha pangakò mo.

Kawkanta 73:26

Hay nakem ko boy nawini ko ay angkomapey, piro Diyos ya ampamakhaw kongko boy hiya ya kaganawan ha biyay ko.

Kawkanta 84:2

Masyado koynan angkahabek nin mako bayro ha bali nin Pangino-on, ta annakemen kon ma-ilobos ko ya pamakilamo ko kona, boy ma-in akon katowa-an nin magkanta ha Diyos ya angkabiyay.