Kawkanta 112:3 - Hay halitá nin Diyos hay kawkanta boy kawkahalita-an (The New Testament Psalms and Proverbs)

³ Hay pamilya na ay mag-inomay boy yomaman, boy hay kahampatan na ay manatili nin ayin angga.

Kawkanta 112:3 Iomraidhean Croise

Kawkanta 111:10

Hay ona nin gaw-en emen domonong ay igalang ya Pangino-on; kaganawan anhomonol ha an-ipanogò na ay ampagkama-in pangingintindi. Hiya ay dapat poriyen nin ayin angga.

Kawkanta 111:3

Ponò karangalan boy kagandawan ya gawgawà na boy ayin anggay kahampatan na.

Kawkanta 112:9

Hiya ay mabibi-iyen ha manga-irap ya ampipanga-ilangan, boy ayin anggay kahampatan na. Hiya ay parangalan boy igalang.

Kawkanta 34:10

Hay aw-oybon liyon ay ampagkakolang boy angkabitlan, piro hay angkahabek ha Pangino-on ay ahè ampagkakolang ha bawbagay ya mangaganda ya ikahampat la.

Kawkanta 34:11

Hikawoy aw-anak, pakarani kawo kongko ta toro-an katawon gomalang ha Pangino-on.

Kawkahalita-an 15:6

Hay tawtawoy mangahampat ay bastanti ya kamama-in, piro hay angkapakinabang nin tawtawoy mangala-et ay kagolowan.

Kawkahalita-an 21:20

Hay tawoy maronong, hay bali na ay ma-in manga-alagà ya kahangkapan boy mangalahap ya pamamangan, piro hay tawoy tangah ay sigisigi ya paggastos na.

Kawkahalita-an 3:16

Hay karonongan ay ampakapakarà biyay; habayti ay ampambin kayamanan boy karangalan.

Matiyo 6:33

Hay onawen tamo nin hangaren ay Diyos ya mamo-on kontamo boy mamiyay tamo nin kompormi ha kalabayan na, biha na igwà kontamo ya kaganawan nin habayti ya bawbagay ya angka-ilanganen tamo.

2 Korinto 6:10

Malakè ya an-ikalelè nawen piro pirmi kayin maliga. Ma-irap kayi piro malhay ya tambay nawen ha kalak-an. Ayin kayi nin maski anya, piro ikon nawen ya kaganawan ikon nin Diyos.