Иаков 3:17 - Сибэтиэй Биибилийэ кинигэлэрэ

¹⁷ Оттон үөһэттэн түһэр муударас, бастатан туран, ыраас, ол кэннэ эйэ дэмнээх, сэмэй, истигэн, өрүүтүн амарах, өрүүтүн үтүөнү оҥорор, кырдьыгы тутуһар, истиҥ-иһирэх буолар.

Иаков 3:17 Iomraidhean Croise

Аман өһө 2:6

Тоҕо диэтэххэ, муудараһы Айыы Тойон биэрэр, билэр-көрөр, өйдүүр дьоҕур эмиэ Киниттэн кэлэр.

Матфей 23:28

Тас көрүҥҥүтүнэн көнө дьон курдук көстөҕүт, искит буоллаҕына тобус-толору кубулҕат санаа, быртах быһыы буолбут.

Матфей 5:8

Ыраас сүрэхтээхтэр алгыстаахтар: кинилэр Таҥараны көрүөхтэрэ.

Матфей 5:9

Эйэни тэрийээччилэр алгыстаахтар: кинилэр Таҥара уолаттара диэн ааттаныахтара.

Лука 21:15

Мин эһиэхэ утарылаһааччыларгыт тугу да булан утары эппэт, самнарбат тылларын, муударай өйдөрүн биэриэҕим.

Лука 6:36

Онон, Аҕаҕыт амараҕын курдук, эһиги эмиэ амарах буолуҥ.

Иоанн 1:14

Тыл Киһи буолан Киниэхэ толору баар илгэлээх үтүөнэн, кырдьыгынан сыдьаайан, биһигини кытта олорбута, онон биһиги Кини кэрэмэн килбиэнин, Аҕа Төрөппүт соҕотох Уолун килбиэнин, көрбүппүт.

Иоанн 1:47

Иисус Киниэхэ кэлэн иһэр Нафанаилы көрөн этэр: «Бу туох да албына-көлдьүнэ суох дьиҥ чахчы Израиль киһитэ».

Апостоллар 11:24

Кини Сибэтиэй Тыыны уонна итэҕэли толору ылыммыт үтүөкэн киһи этэ, онон бэрт элбэх киһи Айыы Тойоҥҥо кэлбитэ.

Апостоллар 9:36

Иоппияҕа биир Тавифа (Серна) диэн ааттаах үөрэнээччи дьахтар баара, кини өрүү үтүөнү оҥороро, дьадаҥыларга көмөлөһөрө.

Рим христианнарыгар 12:18

Эһиги өттүгүтүттэн кыаллар буоллаҕына, дьону барытын кытта эйэ-дэмнээх буолуҥ.

Рим христианнарыгар 12:9

Тапталгыт истиҥ буоллун; куһаҕантан тэйэ туттуҥ, үчүгэйи тутуһуҥ.

Рим христианнарыгар 15:14

Бырааттарыам, эһиэхэ бары үтүө, бары билии барыта толору баар, онон эһиги бэйэ-бэйэҕитин хайа баҕарар үөрэтиһэр-өйдөтүһэр кыахтааххыт диэн мин испэр бүк эрэнэ саныыбын.

1 Коринф христианнарыгар 12:8

Биир киһиэхэ Тыын муударай тылы этэр дьоҕуру, иккискэ эмиэ ол Тыын билиини тиэрдэр дьоҕуру,

2 Коринф христианнарыгар 10:1

Мин, Павел, эһиги «аттыбытыгар сылдьан сэмэй, оттон ыраатта да биһигини утаран хорсунугар түһэр» диир киһигит, Христос көнө-көрсүө майгытын, үтүө санаатын туһугар, бу эһиэхэ туһаайан этэбин.

2 Коринф христианнарыгар 6:6

Таҥара дьиҥ үлэһиттэрэ буоларбытын ыраас сигилибитинэн, билиибитинэн, киэҥ көҕүспүтүнэн, үтүө санаабытынан, Сибэтиэй Тыынынан, истиҥ тапталбытынан,

2 Коринф христианнарыгар 7:11

Таҥара туһуттан санаарҕааҥҥыт, көрбөккүт дуо, төһөлөөх кыһалынныгыт-мүһэлиннигит! Төһөлөөх бырастыы гыннаран элэ-была тылгытын эттигит, буруйдаах киһиэхэ кыһыйдыгыт-абардыгыт! Төһөлөөх куттанныгыт, төһөлөөх миигин көрсүөххүтүн баҕардыгыт, айманныгыт, буруйдааҕы накаастыаххытын төһөлөөх күүскэ баҕардыгыт! Инньэ гынан, эһиги бу дьыалаҕа ырааскытын көрдөрдүгүт.

2 Коринф христианнарыгар 9:10

Ыһыҥ диэн сиэмэ, аһааҥ диэн килиэп биэрэр Таҥара, эһиги ыспыт сиэмэҕитин өлгөмнүк үүннэрэн, оҥорор үтүөҕүт үүнүүтүн үксэтиэҕэ;

Эфес христианнарыгар 5:9

тоҕо диэтэххэ, бары үчүгэйи-үтүөнү, көнө быһыыны уонна кырдьыгы Тыын үөскэтэр.

Филиппы христианнарыгар 1:11

Иисус Христос көмөтүнэн кырдьык өлгөм үүнүүтүн ылан, Таҥараны албан аатырдаргыт, айхаллатаргыт туһугар үҥэбин.

Филиппы христианнарыгар 4:8

Онон, бырааттарыам, тугу дьиҥнээх, чиэһинэй, үтүө, ыраас, кэрэ, биһирэбиллээх диэбиккитин эрэ саныыр буолуҥ.

Колосс христианнарыгар 1:10

Эһиги Таҥараны үөрдэр курдук, оҥорор үтүөҕүтүгэр барытыгар ситиһиилээх буоларгыт, Кинини билэргит дириҥээн, Айыы Тойон үрдүк аатыгар дьүөрэлээх дьоһуннаах олоҕу олороргут,

1 Фессалоника христианнарыгар 2:7

Христос Апостолларабыт диэн улаханнык дархаһыйан тиийиэхпитин сөп этэ да, ийэ эмиийдиир оҕотугар уйаҕастык кыһалларын курдук, эһиэхэ бэрт чуумпутук, сэмэйдик сылдьыбыппыт.

1 Тимофейга 5:21

Таҥара иннигэр, Айыы Тойон Иисус Христос уонна талыллыбыт Аанньаллар көрөн турдахтарына, эн кими да чорбоппокко, кимин-тугун көрбөккө бу ыйбыппын-кэрдибиппин тутуһаргар ыҥырабын.

2 Тимофейга 2:24

Айыы Тойон кулута кими да кытта иирсибэккэ, киһиэхэ барытыгар эйэҕэстик сыһыаннаһыахтаах, үөрэтэр кыахтаах, тулуурдаах буолуохтаах,

Титкэ 1:15

Ыраас дьон санаатыгар туох барыта ыраас, оттон буорту буолбут, итэҕэлэ суох дьоҥҥо, өйдөрө-суобастара кирдээх буолан, ыраас диэн туох да суох.

Титкэ 3:2

кими да куһаҕаннык саҥарбатыннар, этиһиини-иирээни иилээбэтиннэр, чуумпутук сырыттыннар, дьоҥҥо-сэргэҕэ барытыгар өрүү үтүө, сымнаҕас сыһыаннаах буоллуннар.

Еврейдэргэ 12:11

Дьарыллыы маҥнай утаа кими да үөрдүбэт, хомотор эрэ гынан баран, дьарыллан көммүт дьон кэлин кырдьыктаах, эйэлээх олох өлгөм үүнүүтүн хомуйаллар.

Еврейдэргэ 12:14

Дьону барытын кытта эйэ-дэмнээх буоларга, сибэтиэй олохтонорго кыһаллыҥ; сибэтиэй олохтоммокко сылдьан, ким да Айыы Тойону көрүө суоҕа.

Иаков 1:17

Сиргэ баар бары үтүөнү, эҥкилэ суох үчүгэй бэлэҕи барытын күнү, ыйы, сулустары айбыт Аҕа Таҥара бэлэхтиир; Кини хаһан да кубулуйбат, Киниэхэ уларыйыы күлүгэ да түспэт.

Иаков 1:5

Өскөтүн эһигиттэн хайаҕыт эмэ муудараһа тиийбэт буоллаҕына, ону кини Таҥараттан көрдөстүн, оччоҕо барыларыгар дьэллэмник, сэмэтэ-суҥхата суох биэрэр Таҥара киниэхэ муударай өйү биэриэҕэ.

Иаков 2:13

Амараҕа суох дьон бэйэлэрэ амараҕа суохтук дьүүллэниэхтэрэ; оттон амарах быһыы дьүүлгэ турбат.

Иаков 2:4

искитигэр араарсыыны таһааран, мөкү судьуйалыы быһыыланаҕыт буолбатах дуо?

Иаков 3:15

Ол үөһэттэн түһэр муударас буолбатах, сирдээҕи өй, киһи муудараһа, абааһы өйө.

Иаков 4:8

Таҥараҕа чугаһааҥ, оччоҕо Таҥара эһиэхэ эмиэ чугаһыа. Аньыылаахтар, илиигитин ыраастаныҥ, халбаҥнааччылар, сүрэххитин көннөрүнүҥ.

1 Петр 1:22

Онон, бырааттарыам, кырдьыкка Тыын көмөтүнэн истигэн буолан, дууһаҕытын ыраастанан, бырааттыы дьоҥҥутун өрүү ыраас ис сүрэххититтэн таптааҥ.

1 Петр 2:1

Онон бары өс санааны, уодаһыны, сирэй көрбөх быһыыны, ордук санаһыыны, холуннарсыыны киэр анньан,

1 Петр 2:18

Эһиги, үлэһиттэр, үтүө, сымнаҕас тойотторгутун эрэ буолбатах, хаҕыстары эмиэ ытыктаан, кинилэргэ бас бэриниҥ.

1 Иоанн 3:18

Оҕолоруом! Кыһыл тылбытыгар, кэпсээммитигэр эрэ таптыыр буолумуоҕуҥ, дьиҥнээхтик таптыырбытын олорор олохпутунан көрдөрүөҕүҥ.

1 Иоанн 3:3

Киниэхэ итинник эрэллээх киһи Кини ырааһын иһин, бэйэтин ыраастанар.