Иаков 3:14 - Сибэтиэй Биибилийэ кинигэлэрэ

¹⁴ Оттон сүрэххитигэр бэрт былдьаһар хара санааны иҥэринэн, киҥҥит-хааҥҥыт холло сылдьар буоллаҕына, хайҕана барымаҥ, кырдьыгы балыйан сымыйалаамаҥ.

Иаков 3:14 Iomraidhean Croise

Аман өһө 14:30

Киэҥ-холку киһи чэгиэн-чэбдик буолар, оттон ордугумсах, күнүүһүт – доруобуйатын айгыратар.

Аман өһө 27:4

Уордаах киһи дьулаан, киҥнээх киһи суостаах, ол эрээри күнүүһүт барыларыттан кутталлаах.

Матфей 27:18

Иисуһу ордугурҕуур санааттан туттарбыттарын Пилат билэр этэ.

Иоанн 16:2

Эһигини синагогалартан үүртэлиэхтэрэ; оннооҕор эһигини өлөрөр ким баҕарар манан Таҥараҕа туһалыыбын дии саныыр кэмэ кэлэн иһэр.

Апостоллар 13:45

Норуот мустубутун көрөн, иудейдар ордук санааннар, тыл быраҕан, үөҕэн, Павел этэрин барытын утарсан барбыттара.

Апостоллар 26:9

Мин эмиэ Иисус Назорей аатын утаран элбэҕи оҥоруохтаахпын дии саныырым.

Апостоллар 5:17

Архиерей уонна кинини кытта бииргэ сылдьар саддукей бөлөҕүн дьоно ордугургуу санаан

Апостоллар 7:9

Биһиги өбүгэлэрбит ордук санаан, Иосибы Египеккэ атыылаабыттар; ол гынан баран, Таҥара кинини кытта бииргэ буолан,

Рим христианнарыгар 1:29

кинилэр араас аньыыга, содур, куһаҕан быһыыга, харам санааҕа, өһүөҥҥэ, ордук санаһыыга хам ылларбыттара, ол иһин кинилэр өлөрсөллөр, атааннаһаллар, албынныыллар, куһаҕан майгыннаналлар,

Рим христианнарыгар 13:13

Күнүскү кэм сиэринэн – дэлэй-былас көччүргээбэккэ, арыгылаабакка, имэҥирбэккэ, содурҕаабакка, иирсибэккэ, ордук санаспакка – үтүө быһыылаахтык сылдьыаҕыҥ;

Рим христианнарыгар 2:17

Оттон эн иудейбын дэнэҥҥин, Сокуоҥҥа эрэнэҕин, Таҥараҕа чугаскынан хайҕанаҕын;

Рим христианнарыгар 2:8

оттон бэйэлэрин эрэ билинэр, кырдьыкка бас бэриммэт, аньыыны батыһар дьэбир дьоҥҥо уорун-кылынын биллэриэҕэ.

1 Коринф христианнарыгар 13:4

Таптал тулуурдаах, амарах санаалаах, таптал ордугурҕаабат, таптал арбаммат, улаханнык санаммат,

1 Коринф христианнарыгар 5:2

Итинник быһыыламмыт киһини бэйэҕит эйгэҕититтэн таһаарар, ытыыр-кэмсинэр оннугар, эһиги өссө улаханнык санана сылдьаҕыт.

1 Коринф христианнарыгар 5:6

Эһиги тугунан да хайҕанар кыаххыт суох. Кыра аһытыыттан тиэстэ бүтүннүүтэ көтөҕүллэрин ама билбэт үһүгүт дуо?

2 Коринф христианнарыгар 12:20

Мин бииртэн дьиксинэ саныыбын: арай биһиги эһиэхэ тиийэн кэлбиппит, хайабыт да – эһиги да, мин да – хардарыта эрэммиппититтэн чыҥха атын буолан хаалыыбыт. Арай эһиги ортоҕутугар иирсээни, күнүүнү, киҥи-наары, ордук санаһыыны, баһааҕырдыһыыны, хобу-сиби, бэрдимсийиини, үрэй-сарай барыыны булан ылыым;

Галатия христианнарыгар 5:15

Оттон бэйэ-бэйэҕитин тырыта тыытыһа, сиэһэ сылдьар буоллаххытына, сэрэниҥ эрэ, имири эстээйэҕит.

Галатия христианнарыгар 5:20

эмэгэттэргэ сүгүрүйүү, ап-хомуһун, өстөһүү, иирсээн, ордук санаһыы, уордайыы, киҥнэнии, тыл тылга киирсибэт буолуу, хайдыһыы,

Галатия христианнарыгар 5:21

абааһы көрсүү, өлөрсүү, арыгылааһын, үүнэ-тэһиинэ суох барыы, онтон да атын. Урут сэрэппитим курдук билигин да сэрэтэбин: итинник быһыыланааччылар Таҥара Саарыстыбатыгар тиксибэттэр.

Галатия христианнарыгар 5:26

Бэрдимсийэр, бэйэ-бэйэбитин кыынньыыр, ордук санаһар буолумуоҕуҥ.

Галатия христианнарыгар 6:13

Быһыллааччылар бэйэлэрэ да Сокуону тутуспат эрээри, эһигинэн хайҕанан кэпсэнээри, эһиги быһыллыаххытын баҕараллар.

Филиппы христианнарыгар 1:15

Чахчытын эттэххэ, сорох-сорохтор Христос туһунан ыраас сүрэхтэриттэн буолбакка, илин былдьаһар, мөккүһэр кэтэх санааларыттан үөрэтэн, мин хандалыбын өссө ыаратан биэриэхтэрин баҕараллар. Атыттар дьиҥ үтүө санааларыттан,

Филиппы христианнарыгар 2:3

Тугу даҕаны илин былдьаһар, бэрдимсийэр санааттан оҥорумаҥ, сэмэй буолуҥ, бэйэ-бэйэҕитин үрдүктүк санааҥ;

1 Тимофейга 2:4

Кини дьон барыта быыһаныан, кырдьыгы билэр кыахтаныан баҕарар.

1 Тимофейга 6:4

ол бэйэтин улаханнык сананар, тугу даҕаны билбэт; кини араас тыл суолтатыттан сылтаан мөккүһэр-аахсар дьаллыкка сутуллубут. Итинтэн ордугурҕааһын, хайдыһыы, үөхсүү, куһаҕаҥҥа уорбалаһыы,

Титкэ 3:3

Хаһааҥҥыта эрэ биһиги эмиэ им балай, өһөс, муна-тэнэ сылдьар дьон этибит, араас аньыылаах баҕа санаа, бары кыдьык кулуттара буоларбыт, хара санааҕа, ымсыыга быһа сиэтэн олорбуппут; биһигини абааһы көрөллөрө, биһиги эмиэ бэйэ-бэйэбитин абааһы көрсөрбүт.

Иаков 1:18

Таҥара биһигини, Кини саҥа айымньыларыттан бастакылара буоларбыт туһугар, кырдьыктаах тыл көмөтүнэн төрөппүтэ.

Иаков 3:16

Ханна ордугурҕааһын, киҥнэнии баар да, онно хайаан да сатарыйыы, бары куһаҕан барыта баар буолар.

Иаков 5:19

Бырааттарыам! Өскөтүн эһигиттэн хайаҕыт эрэ кырдьыктан туораабытын ким эмэ көнө суолугар төнүннэрдэҕинэ,