Yowane 6:2 - Yaubada wasana: Buka Hauhauna tupwana

² Na yona kabalau maudoidi ne udiyedi meta bodalakilaki se hemuhemuliwatani, matawuwuna ede kabikabi gigigigibwalidi ye ginaulidi taukasikasiyebwa udiyedi wa se kitadiko.

Youbada wasana: Buka Houhauna tupwana

² Na yona kabalau maudoidi ne udiyedi meta bodalakilaki se hemuhemuliwatani, matawuwuna ede laulau gigigigibwalidi ye ginaulidi taukasikasiyebwa udiyedi wa se kitadiko.

Yowane 6:2 Iomraidhean Croise

Mataiyo 12:15

Yesu yodi nuwatu wa kabina ye kata, unai magai wa ye laugabaei. Bodalakilaki iya se hemuliwatani, na yodi taukasikasiyebwa maudoidi ye henamwanamwadi.

Mataiyo 13:2

Kabo bodalakilaki se tupagogoima iya unai, ede ye gelu waga hesau unai na ye tuli, na boda maudoidi se totolo nagali wa unai.

Mataiyo 14:14

Na huyana Yesu ye dunasae meta bodalakilaki ye kitadi se nayanayaei. Na boda wa ye katekamkamnaedi ede taukasikasiyebwa maudoidi ye henamwanamwadi.

Mataiyo 8:1

Yesu kuduli wa unai ye lauhekatagehe ede maiyana hekahekatao se lidi se dobi. Na boda se laoma se hemuliwatani.

Maleko 1:45

Na tamowai wa ye pesa ede ye lau wasana wa ye hededehemasalaha yo ye helaki. Unai Yesu nige gonowana ye taumasalaha magai udiyedi, na balabalagaibu udiyedi ye miya. Na teha maudoina tamowaidi se laoma iya unai.

Maleko 6:33

Yodi kabalau ne meta tamowai gwaudi se kitayako yo se kitalobaidiko. Unai magai maudoidi se laugabaedi na se heloi na se lagebaguna Yesu yona kabalage wa unai.

Yowane 11:47

Ede taukaitalasam tauwoyaidi yo Paliseya tamowaidi Sunedeli koigogona se heyoga. Se laomagogoi na se henahenamaiꞌuyoidi se wane, “Teina tamowai ta meta kabikabi gigigigibwalidi gwaudi ye ginaulidi. Na saha kabo ta ginauli?

Yowane 12:18

Na tamowai gwaudi kabikabi gigigigibwalina ye ginauli wa wasana se lapui, ede se lau Yesu se hailobai.

Yowane 12:37

Yesu kabikabi gigigigibwalidi gwaudi ye ginaulidi Dius tamowaidiyao matadiwai, na iyamo nige se kawamamohoiyei.

Yowane 2:11

Teina ta meta laulau gigigigibwalina bagubagunakalilina teha Galili unai magai hesana Kana unai Yesu ye ginauli. Na teina laulau ta unai iya kana kao saesaena mamohoina ye hemasalaha, unai yona hekahekatao iya se sunumai.

Yowane 2:23

Huyana Yesu iya Yelusalema unai Taukiuli Henuwaisinina hesabana na menai laulau gigigigibwalidi ye ginaulidi wa meta tamowai gwaudi se kitadi, ede iya hesana unai se sunuma.

Yowane 20:30

Yesu kabikabi gigigigibwalidi gwaudi ye ginaulidi yona hekahekatao wa matadiwai, na teina buka ta unai nige maudoidi ya kulidi.

Yowane 3:2

Boniyai hesau unai ye lau Yesu kalinawai na ye wane, “Taulauhekata, kabim ka kata meta kowa taulauhekata Yaubada unai ku laoma. Laulau gigigigibwalidi ku ginaulidi wa nige tamowai hesau gonowana ye ginaulidi. Teina unai ye hemasalaha meta Yaubada iya maiyam.”

Yowane 6:14

Na kabikabi gigigigibwalina Yesu ye ginauli tamowai wa se kita ede se wane, “Mamohoi, peloweta ta nayanayaꞌusei bena kabo ye laoma tanoubu ta unai wa iya ede teina.”

Yowane 6:22

Mala ye tom ede boda se laugabaeꞌuseidi Galili Gabwana hali tanakawasina ne unai wa se nuwatulobai meta meimeilahi wa unai waga kesega mo se kita menai, na Yesu yona hekahekatao se bom mo waga wa unai se gelu se lau, na Yesu nige maiyadi.

Yowane 6:26

Yodi henamai wa Yesu ye bui ye wane, “Ya hededemamohoi kalimiuwai: Kwa wasewaseneigau ta meta nige laulau gigigigibwalidi kwa kitadi wa debadiwai, na pwalawa kwa kaidi na bogamiu se sese wa debadiwai.

Yowane 6:30

Na se henamaiꞌuyo se wane, “Kabikabi gigigigibwalina saha ku ginauli ka kita na unai kabo ka kawamamohoiyego? Saha kabo ku ginauli?