Yowane 13:8 - Yaubada wasana: Buka Hauhauna tupwana

⁸ Petelo ye wane, “Tabu kaegu ta ku deudeulidi.” Yesu ye hededebui ye wane, “Na ena taba nige kaem ne ya deulidi, mamohoi, meta kowa nige gonowana yogu tamowai hesau.”

Youbada wasana: Buka Houhauna tupwana

⁸ Petelo ye wane, “Tabu kaegu ta ku deudeulidi!” Yesu ye hededebui ye wane, “Na ena taba [kaem ne] nige ya deulidi, meta kowa nige gonowana yogu tamowai.”

Yowane 13:8 Iomraidhean Croise

Mataiyo 16:22

Kabo Petelo Yesu ye woyahesuwala na ye dilai ye wane, “Guiyau, teina ginauli ta taba tabu se tubutubu kalimyena.”

Mataiyo 21:29

Ye wane, ‘Taba nige ya lau.’ Iyamo muliyena nuwana ye bui ede ye lau ye paisowa.

Mataiyo 26:33

Petelo ye hededebui ye wane, “Ena kagu kahao ta maudoidi se wasabugabaego, na yau taba nige.”

Mataiyo 26:35

Na kabo Petelo ye hedehededeꞌuyo ye wane, “Ena kowa to yau bena kabo ta boita, iyamo yau taba nige ya uhalaeigo!” Hinage hekahekatao hekadi wa yodi hedehedede meta gonogonowana.

Yowane 13:6

Huyana ye laoma Petelo unai, ede Petelo ye hededelau unai ye wane, “Guiyau, kabo kaegu ta hinage ku deulidi?”

Yowane 13:9

Petelo ye wane, “Guiyau, besi, nige kaegu ta se bom, na nimagu yo kulugu hinage ku deulidi.”

Yowane 3:5

Yesu ye hededelau unai ye wane, “Ya hededemamohoi kalimwai, ena tamowai hesau nige labasi helabuina ye hai waila yo Yaluwa udiyedi, meta taba nige ye lusolalau Yaubada yona basileiya unai.

Apostolo 22:16

Unai saha ku nayanayai, ku lau ku babatiso na Yesu ku sunumaei na yom yababa ye deuligabaedi.’

Kolose 2:18

Tamowai hekadi kadi kao se ginaulidi doha taunuwadobidobi, yo se tabaꞌohu anelu udiyedi. Se hedede meta nige gonowana yomi kainauya kwa hai. Tabu kwa lapulapulau udiyedi! Siya tautau udiyedi ginauli maudoidi se kitadi meta se hedehededehemasalahadi, na nuwadiyao ne tanoubu nuwanuwatudi udiyedi se mwayau ede se henuwasaesaedi.

Kolose 2:23

Laugagayo ne kadi kao doha sonoga, matawuwuna ede se hededehemasalaha meta idohagi bena ta tabaꞌohu Yaubada unai, yo idohagi bena ta nuwadobidobi, yo idohagi bena tauda ta hekamkamna na unai kabo yoda laulau se dudulai. Laugagayo maudoidi ta nige yodi namwa hesau, kaniyona ede tamowai yodi buluma gadosisidi nige gonowana se hekaiyawasidi.

Taitasi 3:5

meta ye gilihaida. Nige yoda laulau dudulaidi debadiyena, na yona katekamkamna debanaena ye gilihaida, meta ye labasiꞌuyoida na unai ye deulida, yo Yaluwa Tabuna unai mauli hauhauna ye leyama.

Hebelu 10:22

Tenem nuwatu maudoidi ta debadiyena taba kwa laoma ta sigi ta lau Yaubada unai ma nuwamamohoida yo ma sunumada. Matawuwuna yoda nuwatu yabayababadi Keliso kwasinana unai ye lausibusibuyeidiko na ye heꞌaꞌada, yo tauda waila aꞌana unai ye deulidiko.