Rudu 3:9 - Maktub gə́ To gə Kəmee

⁹ Boaj un ta dəjee pana: See i to nawa. Yeḛ ilá keneŋ pana: To ma Rudu, kura ləi gə́ dené lé ya, maji kari un ta kubu ləi ila dɔ kura ləi gə́ dené’g lé mbata i ya to njenoji lə sí gə́ pər gə́ njekaa dɔ sí lé ya tɔ.

Rudu 3:9 Iomraidhean Croise

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Lugu 14:11

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

Rudu 2:20

Naomi ula məmeeje lé pana: Maji kar Njesigənea̰, yeḛ gə́ oo kəmtondoo lə deḛ gə́ d’isi kəmba to gə́ yeḛ ra mbata lə deḛ gə́ d’wəi mba̰ lé tɔr ndia dəa’g ya. Tɔɓəi yeḛ ulá pana: Dəw neelé to njenoji lə sí gə́ pər ya, yeḛ to dəw gə́ mbuna deḛ gə́ njekoo goo síje-je lé ya.

Rudu 3:10

Boaj ilá keneŋ pana: Némbaaje, maji kar Njesigənea̰ tɔr ndia dɔi’g ya. Gelgodo ləi gə́ gogo neelé ɔr gin néraije gə́ kédé lé njai ya, mbata i aḭ goo ŋgan basaje’d gə́ to gə́ njéndooje əsé gə goo dee-deḛ gə́ njénékiŋgaje’g el.

Rudu 3:12

Tɔgərɔ ya, ma lé m’to gə́ njenoji ləi gə́ pər gə́ njekaa dɔi ya nɛ yeḛ gə́ raŋg gə́ kojikəi kɔl undam-ma si gən ɓəi.

Rudu 3:8

Dan loo bab ndá diŋgam neelé ndilee uree bal, tɔɓəi yeḛ tel rəa was ndá yeḛ oo to gə́ dəw gə́ dené to naŋg gə́ gɔlee’g.

Rudu 4:4

Yee ɓa ma m’pana ma k’ulai taree kari oo ndá maji kari ndogo səa kəm dəw-mee-ɓeeje’g ləm, gə kəm ŋgatɔgje’g lə dəwje ləm tɔ. Ɓó lé i ndigi ndogo səa ndá, ndogo səa ya, nɛ ɓó lé i ndigi el tɔ ndá ulam təsərə gə mba karm m’gər tɔ. Mbata dəw gə́ raŋg gə́ to ta ləa mba ndogo godo nɛ i nja ɓa ma lé m’to njekorè gooi. Yeḛ tel ilá keneŋ pana: M’a ndogo ya.

Rudu 4:6

Yen ŋga njekaa dɔ dee gə́ gəd lé ilá keneŋ pana: Ma m’askəm ndogo dɔ naŋg neelé gə́ ka̰ ma el, nà banelə ma tuji nénduba ləm mbad, maji kari-i ya taa torm gə mba to njekaa dɔ dee lé.

1 Samel 25:41

Yeḛ ḭ unda barmba dəb kəmee naŋg ndá yeḛ pana: Aa ooje, ma kura ləi gə́ dené m’a to ɓər mba togo gɔl kuraje lə mbai ləm ya.