Rudu 3:3 - Maktub gə́ To gə Kəmee

³ Bèe ndá maji kari ndogo mán ləm, ndəm ubu gə́ ə̰də sululu ɓa ula kubu gə́ maji rɔi’g ndá ḭ aw loo-kunda-kó’g lé. Nɛ ar kəm dəw neelé oso dɔi’g el saar njen loo gə́ yeḛ sɔ né ləm gə ai né mba̰ ləm ɓa.

Rudu 3:3 Iomraidhean Croise

2 Samel 12:20

Yen ŋga Dabid uba naŋg ḭta. Yeḛ aw ndogo mán ləm, yeḛ ndèm ubu ləma, yeḛ ula kubuje gə́ raŋg rəa’g ləm tɔ ndá yeḛ aw mee kəi’g lə Njesigənea̰ aw unda barmba naŋg. Gée gə́ gogo yeḛ tel ree kəi ləa ndá yeḛ dəji dee mba kar dee d’aree nésɔ ndá yeḛ sɔ tɔ.

2 Samel 14:2

Ndá yeḛ ula kula Tekoa ar dee saŋg dené kára gə́ to njekəmkàr aree ree rəa’g ndá Joab ulá pana: Maji kari ra rɔi asəna gə njekwa ndòo yoo bèe. I a kula kubu-kwa-ndòo rɔi’g ləm, i a ndəm ubu el asəna gə dené gə́ wa ndòo yoo ləw ba bèe ləm tɔ.

Este 5:1

Ndɔ gə́ njekɔm’g munda lé Este ula kubu-mbai rəa’g ndá aw aar ne mee gadloo’g mee kəi’g lə mbai, no̰ kəi’g lə mbai. Mbai lé si dɔ kalimbai ko̰ɓee’g ləa mee kəi-mbai’g no̰ loo kandə kaw mee kəi’g.

Pakɔsje 104:15

Gə mán-nduú mba kar rɔ dəw lelee ne ləm, Gə mba kar rəa ndɔḭ ne unda ubu ləma, Gə muru gə mba kar siŋgá to ne ləm tɔ.

Njekillamber 9:8

Gə ndɔje lai lé ar kubuje ləi ndá kələw-kələw ləm, Lal kwa dɔi gə ubu el ləm tɔ.

Ejekel 16:9

Neḛ n’ulai dan mán’g n’tɔgi n’ar məs gə́ rɔi’g lé ɔr ndɔs-ndɔs ləm, neḛ ndèmi ubu ləm tɔ.

Matiyo 6:17

Nɛ i lé loo gə́ i ɔg məəi ɓoo lé ndá togo kəmi ləm, ndèm ubu dɔi’g ləm tɔ

Rudu 3:2

Ɓasinè lé Boaj, yeḛ gə́ i aw gə kuraje ləa gə́ dené na̰’d loo kinja kó’g lé see yeḛ to njenoji lə sí gə́ pər el wa. Aa oo, loondul gə́ nee lé yeḛ a gə k’aw tó kó-ɔrj gə́ to loo-kunda-kó’g ləa lé.

Rudu 3:4

Loo gə́ yeḛ a kaw gə mba kaw toɓi ndá tən loo gə́ yeḛ a gə to keneŋ lé maji. Tɔɓəi aw gée’g ndá, un kubu dɔ gɔlee’g ya̰ to keneŋ ɓa yeḛ nja a kulai né gə́ kəm kari ra ɓəi.