Rudu 3:2 - Maktub gə́ To gə Kəmee

² Ɓasinè lé Boaj, yeḛ gə́ i aw gə kuraje ləa gə́ dené na̰’d loo kinja kó’g lé see yeḛ to njenoji lə sí gə́ pər el wa. Aa oo, loondul gə́ nee lé yeḛ a gə k’aw tó kó-ɔrj gə́ to loo-kunda-kó’g ləa lé.

Rudu 3:2 Iomraidhean Croise

Gḭ-Néje 50:10

Loo gə́ deḛ ree loo-kunda-kó gə́ Atad gə́ to kel turá, gir baa gə́ Jurdɛ̰ lé ndá deḛ no̰ gə meeko̰ yaa̰ keneŋ d’ar ndu dee ɓar yaa̰ keneŋ tɔ. Jisəb lé no̰ yoo bɔbeeje keneŋ as ndəa siri.

Rudu 2:1

Ŋgoko̰ ŋgaw Naomije kára si gən. Yeḛ to dəw gə́ boo gə́ to bao tɔ, dəw neelé to njenoji lə Elimelek gə́ ria lə Boaj.

Rudu 2:8

Yen ŋga Boaj ula Rudu pana: Ŋgonəm gə́ dené, tuga mbii oo ne ta ləm: maji kari aw mee ndɔ gə́ raŋg’d mba kwa ɓuru keneŋ el ŋga ləm, gə́ ya̰ mee ndɔ nee gə goo ŋgalee el ləm tɔ, nɛ i a nai gə kuraje ləm gə́ dené nee ya.

Rudu 3:1

Naomi gə́ to məəm Ruduje lé dəjee pana: Ŋgonəm, see m’a saŋg loo kari wa rɔi keneŋ ləm, kari si ne dan maji’g ləm tɔ el wa.

Rudu 3:3

Bèe ndá maji kari ndogo mán ləm, ndəm ubu gə́ ə̰də sululu ɓa ula kubu gə́ maji rɔi’g ndá ḭ aw loo-kunda-kó’g lé. Nɛ ar kəm dəw neelé oso dɔi’g el saar njen loo gə́ yeḛ sɔ né ləm gə ai né mba̰ ləm ɓa.