Rudu 3:12 - Maktub gə́ To gə Kəmee

¹² Tɔgərɔ ya, ma lé m’to gə́ njenoji ləi gə́ pər gə́ njekaa dɔi ya nɛ yeḛ gə́ raŋg gə́ kojikəi kɔl undam-ma si gən ɓəi.

Rudu 3:12 Iomraidhean Croise

Matiyo 7:12

Néje lai gə́ seḭ wɔjije mba kar mar síje ra d’ar sí lé ndá maji kar sí-seḭ nja raje sə dee kédé, yee ɓa gə́ gin godndu ka̰ Ala lé ləm, gə gin ta lə njéteggintaje ləm tɔ.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

Rudu 2:20

Naomi ula məmeeje lé pana: Maji kar Njesigənea̰, yeḛ gə́ oo kəmtondoo lə deḛ gə́ d’isi kəmba to gə́ yeḛ ra mbata lə deḛ gə́ d’wəi mba̰ lé tɔr ndia dəa’g ya. Tɔɓəi yeḛ ulá pana: Dəw neelé to njenoji lə sí gə́ pər ya, yeḛ to dəw gə́ mbuna deḛ gə́ njekoo goo síje-je lé ya.

Rudu 3:11

Ɓasinè lé, ŋgonəm, maji kari ɓəl el, m’a ra səi néje lai to gə́ i pa lé mbata dəwje ləm gə́ d’isi tarəwkɔgje’g lé deḛ lai gəri gə́ dené gə́ njemeemaji ya.

Rudu 3:13

Loo dum yaa̰ ɓa nee ndá i to nee ya ɓoŋ. Bèlè ɓa ɓó lé yeḛ neelé ndigi ra səi gə goo noji gə́ wɔji dɔ njekaa dɔi lé ndá maji karee ra ya. Nɛ ɓó lé yeḛ ndigi ra səi bèe el ndá ma nja m’a ra səi né gə́ kəm ra lé ya, Njesigənea̰ to Njesikəmba ya! Maji kari to nee ya saar kar loo àr ɓa.

Rudu 4:1

Boaj lé ḭ aw tarəwkɔg’d lə ɓee lé ɓa si naŋg keneŋ. Ndá aa oo, yeḛ gə́ to gə́ njenoji lə dee gə́ pər gə́ askəm kaa dɔ dee gə́ Boaj pata ləa kédé lé a gə dəs. Boaj ulá pana: I lé tel ree si nee! Bèe ɓa yeḛ tel ree si naŋg ya tɔ.

Rudu 4:4

Yee ɓa ma m’pana ma k’ulai taree kari oo ndá maji kari ndogo səa kəm dəw-mee-ɓeeje’g ləm, gə kəm ŋgatɔgje’g lə dəwje ləm tɔ. Ɓó lé i ndigi ndogo səa ndá, ndogo səa ya, nɛ ɓó lé i ndigi el tɔ ndá ulam təsərə gə mba karm m’gər tɔ. Mbata dəw gə́ raŋg gə́ to ta ləa mba ndogo godo nɛ i nja ɓa ma lé m’to njekorè gooi. Yeḛ tel ilá keneŋ pana: M’a ndogo ya.