Rudu 3:10 - Maktub gə́ To gə Kəmee

¹⁰ Boaj ilá keneŋ pana: Némbaaje, maji kar Njesigənea̰ tɔr ndia dɔi’g ya. Gelgodo ləi gə́ gogo neelé ɔr gin néraije gə́ kédé lé njai ya, mbata i aḭ goo ŋgan basaje’d gə́ to gə́ njéndooje əsé gə goo dee-deḛ gə́ njénékiŋgaje’g el.

Rudu 3:10 Iomraidhean Croise

Gḭ-Néje 24:31

Ndá yeḛ pana: Gə́ ree, i gə́ Njesigənea̰ tɔr ndia dɔi’g lé! See ban ɓa i aar raga wa. Ma m’gɔl mee kəi mba̰ ləm, m’gɔl loo mbata lə jambalje lé mba̰ ləm tɔ.

Rudu 1:8

Yen ŋga Naomi ula məmeeje-je gə́ joo neelé pana: Ŋganəmje, telje awje, nana kara tel aw mee kəi lə kea̰je ya. Maji kar Njesigənea̰ ra sə sí meemaji to gə́ seḭje kara raje ne gə deḛ gə́ d’wəi lé ləm, raje ne səm ma bèe ya ləm tɔ.

Rudu 2:11

Boaj tel ilá keneŋ pana: D’ulam goo néje lai gə́ i ra gə məmije goo kwəi’g lə ŋgabije ləm, gə ta lə bɔbije gə kɔinje gə ɓee-kojii gə́ i uba dee ya̰ dee gə mba kaw rɔ dəwje’d gə́ i gər dee kédé’g el lé ləm tɔ.

Rudu 2:20

Naomi ula məmeeje lé pana: Maji kar Njesigənea̰, yeḛ gə́ oo kəmtondoo lə deḛ gə́ d’isi kəmba to gə́ yeḛ ra mbata lə deḛ gə́ d’wəi mba̰ lé tɔr ndia dəa’g ya. Tɔɓəi yeḛ ulá pana: Dəw neelé to njenoji lə sí gə́ pər ya, yeḛ to dəw gə́ mbuna deḛ gə́ njekoo goo síje-je lé ya.

Rudu 2:4

Aa oo, Boaj lé ḭ Betlehem ree tɔ ndá yeḛ ula njékinjakoje lé pana: Maji kar Njesigənea̰ nai sə sí. Deḛ tel d’ilá keneŋ pana: Maji kar Njesigənea̰ tɔr ndia dɔi’g tɔ.

Rudu 3:9

Boaj un ta dəjee pana: See i to nawa. Yeḛ ilá keneŋ pana: To ma Rudu, kura ləi gə́ dené lé ya, maji kari un ta kubu ləi ila dɔ kura ləi gə́ dené’g lé mbata i ya to njenoji lə sí gə́ pər gə́ njekaa dɔ sí lé ya tɔ.

1 Samel 15:13

Samel aw rɔ Sawul’g ndá Sawul ulá pana: Maji kar Njesigənea̰ tɔr ndia dɔi’g! Ma m’aa dɔ ta lə Njesigənea̰ kər-kər ya.