Rudu 2:8 - Maktub gə́ To gə Kəmee

⁸ Yen ŋga Boaj ula Rudu pana: Ŋgonəm gə́ dené, tuga mbii oo ne ta ləm: maji kari aw mee ndɔ gə́ raŋg’d mba kwa ɓuru keneŋ el ŋga ləm, gə́ ya̰ mee ndɔ nee gə goo ŋgalee el ləm tɔ, nɛ i a nai gə kuraje ləm gə́ dené nee ya.

Rudu 2:8 Iomraidhean Croise

2 Mbaije 5:13

Nɛ kuraje ləa d’aw pər gə́ rəa’g d’ulá pana: Bɔm, ɓó lé njetegginta ulai gə mba kari ra né gə́ kədərə ya kara see i a ra el wa. Ŋga ɓəd ɓəi ɓa see loo gə́ yeḛ ulai pana: Aw ula rɔi mán ar rɔi àr ŋgad-ŋgad lé ɓəi wa.

Ləbije 19:9

Loo gə́ seḭ a kinjaje kó mee ɓee’g lə sí ndá seḭ a kya̰je kil ndɔ lə sí lal kinja kó keneŋ ləm, yee gə́ nai gə́ kəm kwa ɓuru lé kara seḭ a kwaje ləm-ləm el ləm tɔ.

Matiyo 9:2

Aa ooje, deḛ ree gə njerɔko̰ rəa’g, to diŋgam gə́ dəb rəa wəi wɔ, ar dee d’unee gə twa-rɔko̰ ləa bura. Loo gə́ Jeju oo meekun lə dee ndá yeḛ ula dəw gə́ dəb rəa wəi lé pana: Ŋgonəm, nda məəi kaḭ-kaḭ, kaiya ləi ɔr dɔi’g.

Matiyo 9:22

Jeju ɔm rəd ndá ulá pana: Ŋgonəm, ndá məəi kaḭ, meekun ləi taa né ari aji ne ya. Léegəneeya, rɔ dené lé to kari péd-péd.

Njé gə́ Pilibə 4:8

Ŋgakɔmje, ges ta gə́ nai lé ɓa nee: Ta gə́ rara gə́ to gə́ kankəmta ləm, əsé riɓar gə́ maji gə́ rara ləm, əsé né gə́ rara gə́ to gə dɔ najee ləm, əsé né gə́ rara gə́ àr ŋgad-ŋgad ləm, əsé né gə́ rara gə́ taa kəm dəwje ləm, əsé né gə́ rara gə́ kəm ndigi sə dee dɔ’g ləma, əsé néje lai gə́ maji dum gə́ kəm kiŋga pidi ləm tɔ lé maji kar sí waje meḛ sí dɔ’g bururu ya.

Rudu 2:7

Yeḛ lé dəji sí pana: Neḛ n’ra ndòo rɔ sí’g mba kar sí j’ya̰ loo j’ar neḛ gə mba kar neḛ n’wa ɓuru ləm, gə n’wa dɔ-siŋga koje mbɔr koje gə́ d’ɔm dɔ na̰’d goo njékinjakoje’g ləm tɔ. Loo gə́ yeḛ ree lé k’aaree gə aar tar gə ndɔ ba ya saar ɓasinè ndá k’wa ya kara yeḛ wa rəa naŋg gəd el ləm tɔ.

Rudu 2:9

Maji kari ɔree kəmi sḭ dɔ loo gə́ d’inja kó keneŋ ndá aw goo dee’g. Mbata ma m’un ndum mba kar kuraje ləm gə́ diŋgam jɔgi el. Loo gə́ kṵdaman a tɔli ndá i a kaw loo gə́ duraje to keneŋ mba kai mán gə́ kuraje ləm tɔ d’ɔm keneŋ lé ya.

1 Samel 3:16

Nɛ Eli ɓar Samel pana: Ŋgonəm Samel! Yeḛ ndigi təa’g pana: Yḛ̀ m’aar nee!

1 Samel 3:6

Njesigənea̰ tel ɓar Samel gogo ya ɓəi. Ndá Samel ḭ aw rɔ Eli’g pana: Yḛ̀ m’aar nee, mbata i ɓarm. Eli ilá keneŋ pana: Ŋgonəm, ma m’ɓari el. Tel aw to naŋg.