Rudu 2:7 - Maktub gə́ To gə Kəmee

⁷ Yeḛ lé dəji sí pana: Neḛ n’ra ndòo rɔ sí’g mba kar sí j’ya̰ loo j’ar neḛ gə mba kar neḛ n’wa ɓuru ləm, gə n’wa dɔ-siŋga koje mbɔr koje gə́ d’ɔm dɔ na̰’d goo njékinjakoje’g ləm tɔ. Loo gə́ yeḛ ree lé k’aaree gə aar tar gə ndɔ ba ya saar ɓasinè ndá k’wa ya kara yeḛ wa rəa naŋg gəd el ləm tɔ.

Rudu 2:7 Iomraidhean Croise

Gosota-Kəmkàrje 13:4

Dəw gə́ njedab ndiŋga néje Gə́ yeḛ askəm kiŋga el, Nɛ dəwje gə́ rɔ dee wɔilɔ loo kula’g lé D’a kiŋga né gə́ as dee nag-nag.

Gosota-Kəmkàrje 15:33

Ɓəl Njesigənea̰ ɓa ndoo dəw kəmkàr, Tɔɓəi kula dɔ kédé ɓa rɔnduba orè gée ɓəi.

Gosota-Kəmkàrje 18:23

Njendoo lé ra ndòo ɓa kwɔi ne né, Nɛ bao lé ila ta’g gə ta gə́ kədərə.

Gosota-Kəmkàrje 22:29

Ɓó lé i oo dəw gə́ gər gosokula ləa maji ndá Yeḛ a kaar no̰ dəwje gə́ kari ba’g el.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Matiyo 5:3

Deḛ gə́ d’ula dɔ dee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Njé gə́ Rɔmə 12:11

Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije.

Njé gə́ Galati 6:9

Ar sí j’arje rɔ sí wɔi sí ndiŋ-ndiŋ dɔ néra gə́ maji’g lé el mbata ɓó lé meḛ sí a kila kas dɔ’g el ndá naḭyee ndá j’a kiŋga née ya.

Njé gə́ Epesə 5:21

Tədjekag na̰ ɓəlje ne Kristi.

Rudu 2:2

Rudu gə́ dené gə́ Moab lé dəji Naomi pana: See a k’ya̰ loo kam m’aw m’wa ɓuru mee ndɔ’g lə yeḛ gə́ a kila kəm toro’g el wa. Ndá Naomi ilá keneŋ pana: Aw ya, ŋgonəm.

Rudu 2:21

Rudu ila ta’g lə məmeeje lé pana: Yeḛ kara ulam mba karm m’nai gə kuraje ləa saar kar dee tɔl kula kinja kó ləa lé bém ɓa.

Rudu 2:6

Kura gə́ njekaa dɔ njékinjakoje lé ilá keneŋ pana: To ŋgoma̰də gə́ Moab, yeḛ gə́ ḭ gə Naomi mee ɓee gə́ Moab ɓa ree səa na̰’d lé ya.

Rudu 2:8

Yen ŋga Boaj ula Rudu pana: Ŋgonəm gə́ dené, tuga mbii oo ne ta ləm: maji kari aw mee ndɔ gə́ raŋg’d mba kwa ɓuru keneŋ el ŋga ləm, gə́ ya̰ mee ndɔ nee gə goo ŋgalee el ləm tɔ, nɛ i a nai gə kuraje ləm gə́ dené nee ya.