Rudu 2:3 - Maktub gə́ To gə Kəmee

³ Togə́bè ɓa yeḛ ɔd aw wa ne ɓuru mee ndɔ’g goo njékinjakoje’g lé tɔ. Tɔɓəi né unda maji ar ndɔ neelé to ka̰ Boaj, yeḛ gə́ to njenoji lə Elimelek lé.

Rudu 2:3 Iomraidhean Croise

2 Samel 1:6

Ndá basa gə́ njekulá taje neelé tel ilá keneŋ pana: Ma m’aar dɔ mbal gə́ Gilboa ndá aa oo, Sawul man rəa dɔ niŋga-ndəi’g ləa tɔɓəi aa oo, pusu-rɔje gə njérɔ gə kundaje ree gə́ rəa’g.

2 Samel 20:1

Lée neelé dəw gə́ njemeeyèr kára si keneŋ ria lə Seba, ŋgolə Bikri, dəw gə́ Bḛjami. Yeḛ lé im to̰to̰ ndá yeḛ pana: Jeḛ lé né lə sí kára kara to rɔ Dabid’g el ləm, Nédɔji lə sí to rɔ ŋgolə Isai’g el ləm tɔ! Seḭ Israɛlje lé maji kar nana kara tel aw kəi-kubu’g ləa-ləa ya.

2 Mbaije 8:5

Nɛ loo gə́ yeḛ si ula mbai né gə́ Elije ra ar ŋgon gə́ wəi tel si ne kəmba lé ndá dené gə́ Elije ar ŋgonee tel si kəmba lé ree ra ndòo rɔ mbai’g lé mbata lə kəi ləa gə ndɔ ləa lé. Ndá Gehaji pana: Ǝi mbai ləm, aa oo dené lé ləm, gə ŋgonee gə́ Elije aree tel si kəmba ləm tɔ lé ɓa nee.

Matiyo 10:29

See deḛ ndogo tḭtḭje joo kəm sisi el wa. Ɓó lé bɔ síje lé mée ndigi el ndá tḭtḭ kára kara a koso naŋg el.

Lugu 10:31

Njekinjanéməs gə́ kára bèe gə́ aw gə rəw neelé gə́ kaw lé loo gə́ yeḛ ree ɔs dəa rɔ dəw’g neelé ndá yeḛ ga̰ gə ŋgəŋgərə rəw unda loo ləa tar gaŋg aw.

2 Njé gə́ Tesalonikə 3:12

Deḛje neelé, jeḛ m’ɓar dee ndəji dee gə ri Mbaidɔmbaije Jeju Kristi mba kar dee d’wa kula lə dee peb ra ɓó gə d’usɔ kée.

Rudu 2:2

Rudu gə́ dené gə́ Moab lé dəji Naomi pana: See a k’ya̰ loo kam m’aw m’wa ɓuru mee ndɔ’g lə yeḛ gə́ a kila kəm toro’g el wa. Ndá Naomi ilá keneŋ pana: Aw ya, ŋgonəm.

Rudu 2:4

Aa oo, Boaj lé ḭ Betlehem ree tɔ ndá yeḛ ula njékinjakoje lé pana: Maji kar Njesigənea̰ nai sə sí. Deḛ tel d’ilá keneŋ pana: Maji kar Njesigənea̰ tɔr ndia dɔi’g tɔ.