Rudu 2:16 - Maktub gə́ To gə Kəmee

¹⁶ Esé dɔ koje gə́ boi maji ya kara, loo gə́ na̰je lé ya̰je goo sí’g areeje wa ne ɓuru ɓó ndaŋgeeje dɔ’g el tɔ.

Rudu 2:16 Iomraidhean Croise

Pakɔsje 112:9

Yeḛ ya̰ meḛ jia tag wa ne noji gə njéndooje pə-pə ləm, Meekarabasur ləa to saar gə no̰ ləma, Rɔnduba lé d’a kula dəa’g ləm tɔ.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Njé gə́ Rɔmə 12:13

Laje gə deḛ gə́ to gə kəmee dɔ néje gə́ deḛ d’aw ndòo dee ləm, waje dəwje mbá bur-bur ləm tɔ.

Piləmɔ̰ 1:7

Tɔgərɔ ya, nojikwa ləi ar məəm lelm yaa̰ ar məəm oso ne naŋg po̰ ya, mbata mbɔl dɔi-i ŋgokɔm lé ɓa meḛ deḛ gə́ to gə kəmee lé oso ne naŋg po̰ tɔ.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

Rudu 2:15

Yee ɓa loo gə́ yeḛ ḭta aw gə mba kwa ɓuru lé ɓəi ndá, Boaj lé un ndia ar kuraje ləa pa pana: Mbɔr kó gə́ d’ɔm dɔ na̰’d ya kara ya̰je loo areeje wa ɓuru keneŋ ɓó jɔgeeje el.

Rudu 2:17

Togə́bè ɓa Rudu wa ne ɓuru mee ndɔ’g lé saar kàrkemetag ndá yeḛ swa ɓuru gə́ yeḛ wa lé. Kandə kó-ɔrj gə́ yeḛ iŋga lé nai lam ba karee as nékwɔji kwɔi-lə-né rɔ-munda.