Rudu 2:11 - Maktub gə́ To gə Kəmee

¹¹ Boaj tel ilá keneŋ pana: D’ulam goo néje lai gə́ i ra gə məmije goo kwəi’g lə ŋgabije ləm, gə ta lə bɔbije gə kɔinje gə ɓee-kojii gə́ i uba dee ya̰ dee gə mba kaw rɔ dəwje’d gə́ i gər dee kédé’g el lé ləm tɔ.

Rudu 2:11 Iomraidhean Croise

2 Samel 21:11

Deḛ d’ula Dabid né gə́ Rispa, ŋgolə Aja gə́ dené gə́ to gamla-dené lə Sawul lé ra.

Pakɔsje 45:10

Ŋgalə mbaije gə́ ma̰də lé To gə́ mbuna deḛ gə́ i unda dee dan kəmi’g, Dené lə mbai lé si dɔ jikɔli’g, Ɗɔi rəa gə larlɔr gə́ d’ḭ ne Opir.

Lugu 14:33

Togə́bè ɓa nana ɓa mbuna sí’g gə́ uba néje ləa lai ya̰ el ndá yeḛ askəm to njekwakilam el tɔ.

Lugu 5:11

Togə́bè loo gə́ deḛ ndɔr toje lé d’unda dee tudu ndá deḛ tal turu raga d’ya̰ néje lə dee bura d’ɔm na̰ gée’g tɔ.

Lugu 5:23

See yee gə́ ra ɓa a to kəm pa ɓəi wa, kaiya ləi ɔr dɔi’g əsé ḭta njaa ɓa kəm pa ɓəi wa.

Rudu 1:11

Nɛ Naomi tel ula dee ya tɔɓəi pana: Ŋganəmje gə́ dené, maji kar sí telje awje ya. See seḭ a kawje səm gə mba ɗi tɔɓəi wa. See ŋganje gə́ diŋgam nai məəm’gən mba tel to gə́ ŋgaw síje lé nja ɓəi wa.

Rudu 2:10

Togə́bè Rudu oso naŋg bəbərə unda barmba nea̰’g ulá pana: See mbata ɗi ɓa ma gə́ m’to dəw gə́ dɔ ɓee’g nee ya i ila kəm toro’g ləm, i ə̰ji dɔm’g ləm tɔ bèe wa.

Rudu 2:12

Maji kar Njesigənea̰ wa səi noji godə maree’g ləm, maji kar nédɔji ləi bura ḭ rɔ Njesigənea̰’g, Yeḛ gə́ to Ala lə Israɛlje ləm, Yeḛ gə́ i ree mba kula dɔi gel bagee’g lé ləm tɔ.

Rudu 3:10

Boaj ilá keneŋ pana: Némbaaje, maji kar Njesigənea̰ tɔr ndia dɔi’g ya. Gelgodo ləi gə́ gogo neelé ɔr gin néraije gə́ kédé lé njai ya, mbata i aḭ goo ŋgan basaje’d gə́ to gə́ njéndooje əsé gə goo dee-deḛ gə́ njénékiŋgaje’g el.

Rudu 4:15

Ŋgon neelé a kari tel idi pug-pug ləm, yeḛ a to njegədi loo gə́ i a ɓuga jɔ-jɔ ləm tɔ, mbata məmije gə́ undai dan kəmee’g lé ɓa ojee ya, ndá Rudu lé to ŋgonkəmi unda ŋganje gə́ diŋgam gə́ siri ɓəi.