Rudu 1:5 - Maktub gə́ To gə Kəmee

⁵ Tɔɓəi Malo̰ deḛ gə Kiljo̰ lé kara d’wəi joo bɔr tɔ ndá Naomi lé nai gə karee ba ɓəgə lal ŋganeeje gə́ diŋgam gə́ joo lé ləm, gə lal ŋgabeeje ləm tɔ.

Rudu 1:5 Iomraidhean Croise

Esai 49:21

Bèe ɓa seḭ a paje meḛ sí’g pana: See na̰ ɓa oji dee ar sí wa. Mbata jeḛ n’lalje ŋganje. Jeḛ n’toje kawkadje. D’wa sí gə́ ɓər ɓa tuba sí. See na̰ ɓa odo dee wa. Jeḛ j’isije gə kar sí ba. See loo gə́ ra ɓa ŋganje neelé d’ḭ keneŋ wa.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Lugu 7:12

Loo gə́ deḛ d’unda dɔ ɓee dəb ndá d’aa loo d’oo dəwje d’un nin gə́ to ŋgon kára lə ko̰ gə́ kea̰je to gə́ njekəisiŋga lé ɓəgəgə, d’aw səa gə mba dubee, koso-dəwje gə́ mee ɓee’g neelé d’aw gə ko̰ ŋgonje lé na̰’d tɔ.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

Rudu 1:2

Ri diŋgam neelé lə Elimelek, ri dené ləa lə Naomi, ŋganeeje gə́ diŋgam gə́ joo lé ri dee lə Malo̰ gə Kiljo̰. Deḛ lé to gə́ ginkoji’g lə Eprata gə́ d’isi Betlehem, dɔ naŋg gə́ Juda. Loo gə́ deḛ ree ɓee gə́ Moab ndá ra ɓee keneŋ tɔ.

Rudu 1:4

Ŋganeeje neelé taa denéje gə́ ginkoji gə́ lə Moab, yeḛ gə́ kára ria lə Ɔrpa, yeḛ gə́ raŋg ria lə Rudu tɔ, ndá deḛ d’isi sə dee na̰’d mee ɓee’g neelé as ləb dee dɔg.

Rudu 1:6

Togə́bè Naomi gə məmeeje-je lé d’ḭ gə mba kya̰ ɓee gə́ Moab lé mbata loo gə́ yeḛ si Moab ɓəi lé yeḛ oo to gə́ Njesigənea̰ ila kəmee dɔ dəwje’g ləa ar dee ne nésɔ tɔ.