Rudu 1:2 - Maktub gə́ To gə Kəmee

² Ri diŋgam neelé lə Elimelek, ri dené ləa lə Naomi, ŋganeeje gə́ diŋgam gə́ joo lé ri dee lə Malo̰ gə Kiljo̰. Deḛ lé to gə́ ginkoji’g lə Eprata gə́ d’isi Betlehem, dɔ naŋg gə́ Juda. Loo gə́ deḛ ree ɓee gə́ Moab ndá ra ɓee keneŋ tɔ.

Rudu 1:2 Iomraidhean Croise

Gḭ-Néje 35:19

Rasel wəi ndá deḛ dubee rəw gə́ aw gə́ Eprata gə́ to Betlehem.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Njéga̰g-Rəwtaje 17:7

Basa kára gə́ to Ləbi si Betlehem gə́ ka̰ Judaje. Yeḛ to gə́ gel bɔ’g lə Juda ndá yeḛ si mee ɓee’g neelé gə́ mbá.

Njéga̰g-Rəwtaje 3:30

Mee ndəa’g neelé Moabje d’ula dɔ dee no̰ Israɛlje’g. Bèe ɓa ɓee to ne lɔm as ləb rɔ-jinaijoo tɔ.

Rudu 1:3

Tɔɓəi loo gə́ Elimelek gə́ to ŋgaw Naomije lé wəi ndá Naomi lé nai gə ŋganeeje gə́ diŋgam gə́ joo lé ya ba tɔ.

Rudu 1:5

Tɔɓəi Malo̰ deḛ gə Kiljo̰ lé kara d’wəi joo bɔr tɔ ndá Naomi lé nai gə karee ba ɓəgə lal ŋganeeje gə́ diŋgam gə́ joo lé ləm, gə lal ŋgabeeje ləm tɔ.

Rudu 2:1

Ŋgoko̰ ŋgaw Naomije kára si gən. Yeḛ to dəw gə́ boo gə́ to bao tɔ, dəw neelé to njenoji lə Elimelek gə́ ria lə Boaj.

Rudu 4:9

Yen ŋga Boaj ula ŋgatɔgje gə dəwje lai lé pana: Ɓogənè lé seḭ toje njékɔrgootareeje to gə́ néje lai gə́ to ka̰ Elimelek, gə́ to néndubaje lə Kiljo̰, gə ka̰ Malo̰ lé ma m’ndogo gə Naomi mba̰.

1 Samel 1:1

Dəw kára bèe to dəw gə́ Ramatayim-Sopim, ɓee gə́ to dɔ mbal’g lə Eprayim, dəw neelé ria lə Elkana. Yeḛ to ŋgolə Jeroham, gə́ to ŋgolə Elihu, gə́ to ŋgolə Tou, gə́ to ŋgolə Sup, yeḛ neelé to gə́ ginkoji’g lə Eprata.

1 Samel 17:12

Dabid lé to ŋgolə Isai, dəw gə́ Eprata gə́ si Betlehem dɔ naŋg gə́ Juda gə́ ŋganeeje jinaijoo. Mee ndəa’g lə Sawul lé Isai lé ləbee bula yaa̰ aree ɓuga yaa̰.

1 Samel 17:21

Israɛlje gə Pilistije d’ɔr rɔ d’aw gə kudu dee kudu dee mba rɔ na̰.