Njé gə́ Rɔmə 4:1 - Maktub gə́ To gə Kəmee

¹ See j’a pa ban dɔ Abrakam gə́ to ka síjeḛ gə́ wɔji dɔ darɔ sí lé wa. See ɗi ɓa yeḛ iŋga wa.

Njé gə́ Rɔmə 4:1 Iomraidhean Croise

Esai 51:2

Oreeje kəm sí ndəŋ dɔ Abrakam gə́ to bɔ síje ləm, Gə dɔ Sara gə́ to gə́ ko̰ síje gə́ njekoji lə sí lé ləm tɔ, Mbata yeḛ nja kára ba ɓa m’ɓaree, M’tɔr ndum dəa’g ləm, M’ar ŋgakeaje bula digi-digi ləm tɔ.

Matiyo 3:9

ɓó ulaje rɔ sí pajena: Jeḛ lé Abrakam ɓa to gə́ bɔ síjeḛ, maji kar sí paje togə́bè el! Mbata ma m’ula sí təsərə, Ala askəm tel kɔr mbalje gə́ to neelé gə́ ŋganje kar Abrakam ya.

Lugu 3:8

Ɓó lé seḭ waje ndòo rɔ sí dɔ kaiya’g lə sí ndá teḛje gə kée gə́ raga ɓó pajena Abrakam ɓa gə bɔ síje, paje bèe el! mbata ma m’ula sí təsərə ya, kɔr mbalje gə́ nee ya Ala lé askəm tel dee gə́ ŋganje kar Abrakam ya.

Tagə́maji gə́ Ja̰ ndang 8:33

Jibje tel d’ilá keneŋ pana: Jeḛ lé n’toje gə́ ŋgaka Abrakam’g ɓó jeḛ n’ra ɓər lə dəw kára kara bèe el. Bèe ŋga see ban ɓa i pana: A bɔr kúla dɔ sí’g mbɔji wa.

Tagə́maji gə́ Ja̰ ndang 8:53

See i lé to dəw gə́ boo ur dɔ bɔ síje Abrakam gə́ wəi lé wa. Njéteggintaje kara d’wəi tɔ. See i oo rɔi gə́ dəw gə́ banwa.

Tagə́maji gə́ Ja̰ ndang 8:56

Bɔ síje gə́ Abrakam lé yeḛ al rəa mbata a gə koo ndɔ ree ləm-ma, yeḛ oo mba̰ ar rəa lelee ne tɔ.

Néra Njékaḭkulaje 13:26

Ŋgakɔmje gə́ dəwje gə́ toje ŋgaka Abrakam ləm, gə seḭ gə́ ɓəlje Ala lé ləm tɔ lé ta kaji neelé d’ula ne d’ar sí-seḭ ya.

Njé gə́ Rɔmə 1:3

To ta lə Ŋgonee gə́ gəd-gəd gə́ d’ojee ginka Dabid’g, yeḛ ɓa wɔji dɔ darəa,

Njé gə́ Rɔmə 3:5

Nɛ ɓó lé néra sí gə́ gə dɔ najee el lé a kila meekarabasur lə Ala lé kɔd ndá see ta ɗi ɓa j’a pa wa. Ala lé loo gə́ yeḛ kila oŋg ləa gə́ raga ndá see a to njera né gə́ to gə dɔ najee el wa. (Ma m’pa gə goso tapa lə dəwje ya.)

Njé gə́ Rɔmə 4:16

Togə́bè ɓa meekun ɓa dəwje d’a to ne njékiŋga nédɔjije ɓəi mba karee to gə́ nénoji lə Ala ya. Yee ɓa gə mba kar ndukun lé to ne njaŋg mbata lə ŋgaka Abrakamje lai ɓó a kwɔji dɔ deḛ gə́ to gə́ ŋgakeaje gin godndu’g goo kára ba el nɛ a kwɔji dɔ deḛ gə́ d’ɔm meḛ dee dɔ Ala’g to gə́ Abrakam yeḛ gə́ to bɔ síjeḛ lai bèe tɔ, to gə́ deḛ ndaŋg mee maktub gə́ to gə kəmee pana:

Njé gə́ Rɔmə 6:1

See j’a pa ba̰ dɔ ta’g nee wa. See j’a nai gin kaiya’g ɓa gə mba kar noji ḭ ne dɔ maree’g gə́ kédé-kédé wa.

Njé gə́ Rɔmə 7:7

See j’a pa ban tɔɓəi wa. See godndu lé to kaiya wa. Wah! bèe el. Né ɓó lé godndu godo ndá kəm a kinja dɔ kaiya’g el. Mbata ɓó lé godndu pana: I a ra kəmkəḭ dɔ né’g lə mari el, ndá m’a koo loo gər nékəmkəḭ el tɔ.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

2 Njé gə́ Kɔrḭtə 11:22

See deḛ to Ǝbrəje wa. Ma kara ma m’to Ǝbrə ya tɔ. See deḛ to Israɛlje wa. Ma kara m’to Israɛl nja tɔ. See deḛ to ŋgaka Abrakam lé wa. Ma kara m’to ŋgoka Abrakam ya tɔ.

Ǝbrəje 12:9

Tɔɓəi, to gə́ bɔ síje gə́ d’oji darɔ sí lé d’wɔji sí kəmkàr ɓa j’ila ne ŋgonkoji dɔ dee’g, nɛ ɓəd ɓa see j’a koso kul no̰ Bɔ ndil sí’g mba si ne kəmba el wa.