Njé gə́ Rɔmə 12:3 - Maktub gə́ To gə Kəmee

³ Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

Njé gə́ Rɔmə 12:3 Iomraidhean Croise

Gosota-Kəmkàrje 25:27

Ko̰ ubu tə̰ji yaa̰ lé to maji sur el, Nɛ saŋg rɔnduba lə njé gə́ raŋg lé yee ɓa gə́ nériɓar.

Gosota-Kəmkàrje 26:12

Ɓó lé i oo dəw gə́ oo rəa gə́ njekəmkàr ndá Né gə́ i askəm kunda məəi yel dɔ’g gə mba kiŋga rɔ mbə-dəw’g lé Ur dɔ kea̰-yeḛ’g.

Njekillamber 7:16

Arje né ra sí gə́ gə dɔ najee Al dɔ loo el ləm, Raje rɔ sí gə́ njékəmkàrje gə́ ur dɔ loo el ləm tɔ. See a tujije rɔ sí bèe gə mba ɗi wa.

Misee 6:8

I dəw lé d’ulai né gə́ maji gə́ wɔji dɔi Gə né gə́ Njesigənea̰ ndigi kiŋga rɔi’g to: To mba kari ra né gə́ to gə dɔ najee ləm, Gə unda meekɔrjol dan kəmi’g ləma, Gə njaa gə Ala ləi gə ŋgonkoji ləm tɔ.

Lugu 18:11

Parisiḛ lé ḭ aar tar gə ŋgalee dana ɗigi-ɗigi, pata gə mée pana: Oiyo Ala, ma m’rai oiyo mbata ma m’to asəna gə gar dəwje gə́ raŋg el. Deḛje neelé to gə́ njétɔ kó mar deeje ləm, gə njéra né gə́ gə goo rəbee elje ləm, gə njéndal mɔdkaiyaje ləma, əsé m’to asəna gə njétaa lar-gədɓee neelé el ləm tɔ.

Tagə́maji gə́ Ja̰ ndang 3:34

mbata yeḛ gə́ Ala ulá lé tapa Ala lé ɓa yeḛ pa mbata Ala lé aree Ndilee gə́ kar ɓó wɔji el.

Njé gə́ Rɔmə 1:5

Yee ɓa gə́ Jeju Kristi Mbaidɔmbaije lə síjeḛ. Mbɔl dəa-yeḛ nja ɓa j’isi ne dan noji’g ləm, j’iŋga ne kula ra njékaḭkulaje lé ləm tɔ mba kɔr ne ginkoji dəwje gə raŋg gə́ njépole-magəje ree ne sə dee kar dee d’un ne meḛ dee d’ila ne ŋgonkoji dəa’g mba kar ria ɓar ne.

Njé gə́ Rɔmə 11:20

Yee neelé to lée’g ya, deḛ tuga kəmkagje neelé mbata deḛ to njémeekɔs ŋgwɔḭje nɛ i lé mbɔl dɔ meekun ləi ɓa i nai ne keneŋ ɓəi. Ar məəi to kəgəgə dɔ rɔi’g ɓó beelé ne dɔ meekun’g ləi el.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

Njé gə́ Rɔmə 12:16

Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

1 Njé gə́ Kɔrḭtə 3:10

Mbɔl dɔ noji gə́ Ala wa səm ɓa ma m’tum ne gin kəi asəna gə gɔŋgé-tum-gin-kəi ɓa dəw gə́ raŋg rɔd maree dɔ’g ɓəi. Nɛ maji kar nana kara tɔs kəmee dɔ kəi gə́ rɔd dɔ maree’g tar.

1 Njé gə́ Kɔrḭtə 7:17

Nɛ maji kar nana kara njaa gə panjaa ləa gə́ Mbaidɔmbaije tɔjee loo gə́ Ala ɓaree keneŋ. Yee gə́ bèe ɓa m’un ndum m’ar Eglisəje gə́ loo lai.

2 Njé gə́ Kɔrḭtə 10:13

Nɛ jeḛ lé jeḛ ndigi ti rɔ sí karee al dɔ loo el. Jeḛ lé loo kula gə́ Ala unda kəmee ar sí j’aw ne saar n’teḛ ne rɔ sí’g lé yee ɓa, jeḛ j’a ti ne rɔ sí dɔ’g ya.

2 Njé gə́ Kɔrḭtə 12:13

See ri ɓa ma m’ra gə Eglisəje gə́ raŋg maji unda sí-seḭ lé wa. Ndoo né gə́ ram ɓa m’aw kabee ji dee’g nɛ m’aw kabee ji sí-seḭ’g el. Ɓó lé seḭ ooje gə́ né gə́ dana el gə́ m’ra sə sí ndá maji kar sí arje meḛ sí ti mbidi dɔm’g.

2 Njé gə́ Kɔrḭtə 12:7

Tɔɓəi gə mba kam m’beelé m’ti ne rɔm mbata lə néje gə́ dumkoo gə́ to loo-kiya’g gə́ deḛ riba dɔ dee’g d’am m’oo lé el ndá d’ar kun ɔs ne dakasrɔm, yee ɓa to njekula lə Njekurai gə a gə kɔsm ta-ta mba kɔgm ne loo ti ne rɔm mugugu-mugugu ya.

Njé gə́ Galati 6:3

Ɓó lé dəw ə̰ji ta mée’g pana: Neḛ n’to gə́ dəw, nɛ yeḛ to gə́ dəw gə́ əḭ el ndá yeḛ nja kogo rəa ya.

Njé gə́ Epesə 3:2

Ma m’gər gao, seḭ ooje to gə́ Ala ɔm ta noji ləa jim’g mbata lə sí lé. Yee ɓa yeḛ ɔrm ne gə mbəa.

Njé gə́ Epesə 3:4

Loo gə́ seḭ turaje taje neelé ndá a kasjekəm gərje gin gosonégər ləm gə́ wɔji dɔ né ka̰ Kristi gə́ to loo-kiya’g ɓəi lé ya.

Njé gə́ Epesə 4:16

Mbɔl dəa-yeḛ nja ɓa kagrɔ sí unda ne gə kəmee-kəmee, tɔ ne barkəmrɔ sí na̰’d nəji-nəji, ar barkəmrɔ sí gə́ kára-kára lai ra ne kula gə́ wɔji dəa-dəa. Yee ɓa kagrɔ sí tɔg ne dan meenoji’g.

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

Njé gə́ Kolosə 1:29

Yee ɓa, m’ra ne kula m’təd ne loo, gə goo siŋgamoŋ ləa gə́ yeḛ ula məəm’g ɔsm ne ɓɔḭ-ɓɔḭ.

Njé gə́ Kolosə 2:13

Seḭ lé seḭ wəije yoo-kalta lə sí lé ləm, gə yoo-néra sí gə́ wɔji dɔ goré gə́ deḛ goré ne dakasrɔ sí el ləm tɔ nɛ Ala nja ar sí tel sije kəmba gə Kristi na̰’d loo gə́ yeḛ ar mée oso lemsé dɔ kaltaje’g lə sí.

1 Timote 1:14

Noji lə Mbaidɔmbaije lə sí tur dɔ loo mbata ləm-ma ar meekun gə meenoji gə́ ḭ rɔ Jeju Kristi’g lé taa ne rɔm pəl-pəl tɔ.

1 Timote 2:15

Lé kalta nai dəa’g ɓəi kara ɓó lé yeḛ aw yururu ai mée sam-sam dɔ meekun’g ləm, gə dɔ meenoji’g ləma, gə dɔ meenda’g lé ləm tɔ ndá a kaji ne loo koji ŋganeeje’g ya.

1 Timote 2:9

Denéje kara ma m’ndigi kar dee d’ula kubu gə́ ka̰ kon rɔ dee ɓó gə ka̰ tər kəm loo el ləm, əsé gə tula dɔ dee d’aree yen pə gə larlɔr el ləm, əsé gə mərje el ləma, əsé gə kubuje gə́ ndoolé yḛd-yḛd gə́ lar dee uru kugu ndor-ndor el ləm tɔ.

Titə 2:12

Noji neelé ndɔ sí mba kar sí mbad néje gə́ aw gə goo ka̰ meenda lə Ala lé el ləm, gə mbad mal néje gə́ ra dəwje ləm tɔ. Yee ndoo sí mba kar sí j’isi mbuna dəwje gə́ dɔ naŋg nee ɓasinè lé j’unda ne kəmkàr dɔ rɔ sí’g ləm, n’ra ne né gə́ to gə dɔ najee ləma, gə n’ra ne né gə́ to gə goo ka̰ meenda lə Ala lé ləm tɔ.

Titə 2:2

Maji kar tɔg-dəwje d’isi lɔm ləm, d’ai meḛ dee sam-sam ləma, d’a tɔ meḛ dee ga̰-ga̰ ləm tɔ. Maji kar dee to bao-meekunje ləm, gə bao-meenojije ləma, gə bao-meekilaje ləm tɔ.

Titə 2:4

Yee ɓa d’a ndoo ne njéŋgao-sigije kar dee d’unda ŋgaw deeje gə ŋgan deeje dan kəm dee’g ləm,

Titə 2:6

Basaje kara maji kari tɔg dee to mba kar dee d’aa rɔ dee kər-kər.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.

1 Piɛrə 1:13

Gelee gə́ nee ɓa maji kar sí ɔmje mina̰ wur sí’g go̰je ne loo soo-soo undaje meḛ sí yel ŋginaje ne noji gə́ d’a gə kwa sə sí ndɔ gə́ Jeju Kristi a kila rəa gə́ raga.

1 Piɛrə 4:11

Lé nana ɓa gə́ pata ndá maji karee pa kankəmta lə Ala ya. Lé nana ɓa gə́ ra kula ra Ala ndá maji karee ra gə goo siŋgamoŋ gə́ Ala a karee ya, togə́bè ɓa néje lai gə́ seḭ a raje lé Jeju Kristi a koo loo kula ne rɔnduba dɔ Ala’g tɔ. Rɔnduba ləm, gə siŋgamoŋ ləm tɔ lé to kea̰-yeḛ gə ləbee-ləbee saar-saar gə no̰ ya. Amen.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.

3 Ja̰ 1:9

Ma m’ndaŋg maktub nee bəl m’ar Eglisə, nɛ Diotrepə gə́ ndigi kaar gə́ ŋgaw-ta dee kédé lé ɔs sí rəw.