Njé gə́ Rɔmə 1:8 - Maktub gə́ To gə Kəmee

⁸ Kédé gə́ dɔtar ɓa ma m’ra Ala ləm oiyo gə ri Jeju Kristi mbata lə sí lai mbata ta meekun lə sí lé nea̰ oso gə loo mbidi-mbidi ya.

Njé gə́ Rɔmə 1:8 Iomraidhean Croise

Matiyo 24:14

Ta gə́ maji nee gə́ wɔji dɔ ɓeeko̰ lé d’a kila ne mber gə loo mbidi-mbidi dɔ naŋg nee mba kar ginkoji dəwje gə raŋg lai d’oo ginee ɓa ndɔ gə́ rudu lé a teḛ ɓəi.

Lugu 2:1

Mee ndəaje’g neelé Sesar Auguste un ndia mba kar dee tura dəwje lai-lai dɔ naŋg nee kunda ne ri dee mee maktub-tura-dəwje’g.

Néra Njékaḭkulaje 11:28

Dəw kára mbuna dee’g ria lə Agabus uba naŋg ḭta pata gə́ Ndil ɓa aree pa pana: Ɓoo-boo a koso dɔ naŋg nee gə loo lai ya. Tɔgərɔ ɓoo-boo neelé oso mee ləb gə́ Klodə to ne njeko̰ɓee lé.

Néra Njékaḭkulaje 28:22

Jeḛ lé ta gə́ i ə̰ji məəi’g lé ɓa jeḛ ndigi koo tai’g ya, mbata jeḛ n’gər gao, looje lai gə́ njékɔrkəm rɔ deeje neelé d’isi keneŋ ndá d’ɔs dee rəw-rəw ya.

Njé gə́ Rɔmə 10:18

Nɛ ma m’pana: See Israɛlje d’oo ta neelé el wa. Deḛ d’oo ya. Ndu dee ɓar ɔr rudu naŋg nee rɔd ya ləm, Ta lə dee ɔr gwɔi naŋg nee njal ləm tɔ.

Njé gə́ Rɔmə 16:19

Ŋgonkoji lə sí-seḭ lé dəwje lai d’oo nea̰ mba̰ am m’ra ne rɔlel tɔ. Ma m’ndigi kar sí toje njékəmkàrje dɔ néje lai gə́ maji’g nɛ saaje rɔ sí rəw dɔ néra gə́ majel’g.

Njé gə́ Rɔmə 6:17

Maji kar dɔkaisəgərə nai gə Ala ya mbata kédé seḭ toje ɓərje lə kaiya nɛ ɓasinè seḭ ḭje gə meḛ sí ilaje ne ŋgonkoji dɔ ta gə́ d’ar sí gə́ né ndɔji sí dana par-par.

1 Njé gə́ Kɔrḭtə 1:4

M’ra Ala ləm oiyo ta-ta gə mbata lə sí mbata seḭ ɔmje na̰’d gə Jeju Kristi síje ne dan noji’g lə Ala.

2 Njé gə́ Kɔrḭtə 2:14

Maji ra Ala oiyo mbata mbɔl dɔ Kristi lé ɓa yeḛ ar sí n’dum ne loo ta-ta ləm, yeḛ ar sí j’unda ne baḭ gər ndiaa gə loo-loo ləm tɔ.

Njé gə́ Epesə 1:15

Gelee gə́ nee ɓa ma nja kara loo gə́ m’oo ta meekun lə sí gə́ seḭ unje arje Mbaidɔmbaije Jeju lé ləm, gə nojikwa gə́ seḭ waje gə deḛ lai gə́ to gə kəmee ləm tɔ

Njé gə́ Epesə 1:16

ndá loo gə́ ma m’ɓar ri sí loo ra tamaji ləm lé m’lal ra oiyo mbata lə sí el.

Njé gə́ Epesə 3:21

maji kula rɔnduba dəa’g mee Eglisə’g ləm, gə rɔ Jeju Kristi’g ləm tɔ ar ŋgaka dəwje-dəwje gə ləbee-ləbee saar-saar gə no̰. Amen.

Njé gə́ Epesə 5:20

Nénojije lai gə́ seḭ iŋgaje lé raje ne oiyo gə mbəa arje Ala Bɔ síje gə ri Jeju Kristi Mbaidɔmbaije lə sí lé.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Pilibə 1:3

Ma m’ra Ala ləm oiyo ta-ta loo gə́ məəm olé dɔ sí’g,

Njé gə́ Kolosə 1:3

Jeḛ n’ra Ala gə́ to Bɔ Mbaidɔmbaije lə sí Jeju Kristi lé oiyo ta-ta mbata lə sí ləm, jeḛ n’ra tamaji mbata lə sí ləm tɔ

1 Njé gə́ Tesalonikə 1:2

Jeḛ n’ra Ala oiyo ta-ta mbata lə sí lai, loo gə́ jeḛ m’ɓar ne ri sí loo-ra-tamaji lə sí lé.

1 Njé gə́ Tesalonikə 2:13

Gelee gə́ nee ɓa, jeḛ n’ra ne Ala oiyo ɓó j’əw ne rɔ sí el mbata loo gə́ seḭ taaje ta lə Ala gə́ jeḛ j’ula sí lé seḭ taaje gə meḛ sí, ooje gə́ kankəmta lə Ala gə́ ra kula meḛ sí-seḭ gə́ ɔmje meḛ sí dəa’g ɓó seḭ ooje gə́ tapa dəwje gə́ kari ba el.

2 Njé gə́ Tesalonikə 1:3

Ŋgako̰ síje, jeḛ j’oo loo gə mba ra Ala oiyo ta-ta mbata lə sí, yee ɓa to lée’g ya, mbata meekun lə sí teḛ boo, ḭ ne dɔ maree’g gə́ kédé-kédé ya ləm, seḭje kára kara lai seḭ undaje na̰ dan kəm na̰’d waje ne noji gə́ kédé-kédé ləm tɔ.

2 Timote 1:3

Ala gə́ kamje-je ra kula d’aree ləm, ma kara m’ra kula gə meekara m’aree ləm tɔ lé m’rəa oiyo mbata məəm olé dɔi’g am m’ɓar rii ta-ta loo ra tamaji’g ləm, loondul’g ləm, gə dan kàrá ləm tɔ.

Piləmɔ̰ 1:4

Ma m’ra Ala oiyo ta-ta m’ɓar ne rii loo ra tamaji’g ləm,

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

1 Piɛrə 4:11

Lé nana ɓa gə́ pata ndá maji karee pa kankəmta lə Ala ya. Lé nana ɓa gə́ ra kula ra Ala ndá maji karee ra gə goo siŋgamoŋ gə́ Ala a karee ya, togə́bè ɓa néje lai gə́ seḭ a raje lé Jeju Kristi a koo loo kula ne rɔnduba dɔ Ala’g tɔ. Rɔnduba ləm, gə siŋgamoŋ ləm tɔ lé to kea̰-yeḛ gə ləbee-ləbee saar-saar gə no̰ ya. Amen.