Loo gə́ killa rea kəm Ja̰’g 9:9 - Maktub gə́ To gə Kəmee

⁹ Kubu-rɔ gə́ ŋgira kiŋ-kiŋ asəna gə lar to rɔ dee’g ləm, gir bag dee ɓar bir-bir asəna gə gɔl pusu-rɔje gə́ kundaje bula ndɔr dee d’aḭ ne ŋgwɔd gə́ loo-rɔ’g bèe ləm tɔ.

Loo gə́ killa rea kəm Ja̰’g 9:9 Iomraidhean Croise

Maktub gə́ wɔji dɔ Jɔb 39:25

Loo gə́ ndu to̰to̰ ɓar ndá yee pana: J’awje kəm sí kédé, Loo gə́ rɔ nai əw ɓəi kara yee taa baḭyee pir-pir ləm, Yee oo ɓé-njérɔje gə baŋga njérɔje gə́ ɓar yi-i-i ləm tɔ.

Maktub gə́ wɔji dɔ Jɔb 40:18

Siŋgaje lé to asəna gə larkas gə́ bolè to keneŋ ləm, Siŋga kaareeje to to gə́ kag-larndul bèe ləm tɔ.

Esai 9:5

Mbata d’oji ŋgon d’ar sí ləm, D’ar sí ŋgon gə́ diŋgam ləm tɔ, Ko̰ɓee lé a to dɔ tamee’g, D’a kunda ria lə Njemaji dum ləm, Gə Njekwɔji ta kəmkàr ləm, Gə Ala gə́ njesiŋgamoŋ ləm, Gə Bɔ gə́ Njesigənea̰ ləma, Gə Mbai gə́ njemeelom ləm tɔ.

Jeremi 47:3

Mbata kaa ŋgo gɔl kundaje ləa Gə́ siŋga dee to kɔgərɔ-kɔgərɔ Gə́ ɓar ləm, Gə mbata gir pusu-rɔje ləa Gə gir gɔl pusu-rɔje gə́ ɓar ləm tɔ, Ndá bɔ ŋganje d’ɔm rəd Gə́ dɔ ŋgan deeje’g el Mbata ji dee unda ndolé.

Loo gə́ killa rea kəm Ja̰’g 9:17

Togə́bè ɓa m’oo kunda-kaw-rɔje lé gə́ némḭdi, m’oo njékuba gir deeje tɔ. Njékṵdaje neelé kubu-lar gə́ ŋgira kiŋ-kiŋ gə́ to rɔ dee’g lé kas asəna gə pər bèe ləm, gə ndul asəna gə jər gə́ ɓaree hyasintə ləma, gə kas asəna gə kṵji pər bèe ləm tɔ. Dɔ kundaje lé to asəna gə dɔ toboḭje. Pər teḛ ta dee’g gə sia ləm, gə kṵjee ləm tɔ.