Loo gə́ killa rea kəm Ja̰’g 9:3 - Maktub gə́ To gə Kəmee

³ Beedéje teḛ kəm sa’g neelé digi-digi ndá d’aw dɔ naŋg nee dèm-dèm. D’ar dee siŋga dee asəna gə ka̰ siŋga mbai-yḭje gə́ naŋg nee bèe.

Loo gə́ killa rea kəm Ja̰’g 9:3 Iomraidhean Croise

1 Mbaije 12:11

Ɓasinè lé bɔmje unda nékodo gə́ wɔi dɔ sí’g ya nɛ ma lé m’a kila maree dɔ’g karee wɔi unda nje gə́ kédé ɓəi, bɔmje unda sí gə ndəije nɛ ma ndá m’a kunda sí gə mbai-yḭje ɓa.

2 Sôrta Gḭka Israɛlje 10:11

Ɓasinè, bɔbije unda nékodo gə́ wɔi dɔ dee’g nɛ i lé a kila maree dɔ’g karee wɔi dee unda njé gə́ kédé, bɔbije unda dee gə ndəije nɛ i ndá a kunda dee gə mbai-yḭje ɓa.

2 Sôrta Gḭka Israɛlje 10:14

yeḛ ila dee keneŋ gə goo ta gə́ basaje d’ulá lé togə́bè pana: Bɔm unda nékodo gə́ wɔi dɔ sí’g nɛ ma lé m’a kila maree dɔ’g mba karee wɔi sí unda njé gə́ kédé, bɔm unda sí gə ndəije nɛ ma ndá m’a kunda sí gə mbai-yḭje ɓa.

Esai 33:4

Deḛ mbo̰ nébanrɔje lə sí To gə́ beedéje tuji ne né bèe ləm, Deḛ d’al d’ur dɔ’g To gə́ beedéje d’ḭ d’ɔm ne dɔ né’g bèe ləm tɔ.

Ejekel 2:6

Nɛ ma ŋgon-dəw lé lé kun pɔrɔrɔje gə kunje to mbɔrm’g ləm, m’isi gə mbai-yḭje na̰’d ləm tɔ kara maji kam m’ɓəl dee el ləm, maji kam m’ɓəl tapa dee el ləm tɔ. Deḛ to gel-bɔje lə njékɔsta-rəwje ya nɛ lé bèe kara maji kam m’ɓəl tapa dee el ləm, m’ɓəl kəm dee el ləm tɔ.

Joɛl 1:4

Né gə́ beedé-ma̰daŋje d’ya̰ ndá Beedé-booje d’o̰ lai, Né gə́ beedé-booje d’ya̰ ndá Baigo̰je d’o̰ lai, Né gə́ baigo̰je d’ya̰ ndá Lámje to̰ lém-lém tɔ.

Joɛl 2:25

Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Nahum 3:15

Nɛ lé neelé ɓa pər a roo sí keneŋ ləm, Kiambas a tuji sí pugudu ləma, A tuji sí to gə́ beedéje bèe ləm tɔ. Maji kar sí toje dɔ na̰’d rib-rib to gə́ ndirikɔrje bèe ləm, Toje dɔ na̰’d rib-rib to gə́ beedéje bèe ləm tɔ!

Nahum 3:17

Dəwje lə sí gə́ boo to d’asəna gə beedéje bèe ləm, Mbaije lə sí kara to d’asəna gə beedéje gə́ bula digi-digi Gə́ to dɔ ŋgalaŋje’g loo gə́ kul o̰ bèe ləm tɔ. Loo gə́ kàr teḛ ndá deḛ d’ḭ d’aw Nɛ dəw oo loo gə́ d’ḭ d’aw gə́ keneŋ el.

Lugu 10:19

Aa ooje, ma m’ar sí siŋgamoŋ gə mba kar sí tubaje ne dɔ lije ləm, gə dɔ mbai-yḭje ləma, gə dɔ siŋgamoŋ lə njeba̰ bura ləm tɔ. Né kára kara a ra sí karee al dɔ siŋga sí el.

Tel tura Godndu 8:15

yeḛ gə́ ar sí njaaje dan boo-dɔdilaloo gə́ to ɓəl’g, to loo gə́ lije gə́ to̰ too to gə́ pər bèe to keneŋ ləm, mbai-yḭje to keneŋ ləm, to looje gə́ tudu kurum-kurum gə́ lal mán ndá yeḛ ar mán uba kaar mbal gə́ kədərə’g tir-tir mbata lə sí ləma,

Loo gə́ killa rea kəm Ja̰’g 9:5

D’un ndu dee mba kar beedéje d’ula kəm dee ndòo gə́ kula as naḭ mi nɛ tɔl ɓa d’a tɔl darɔ dee el. Nékəmndoo gə́ d’a kula ne kəm dee ndòo lé a to asəna gə kəmndoo mbai-yḭ gə́ aw unda dəw lé.

Loo gə́ killa rea kəm Ja̰’g 9:7

Beedéje neelé to tana gə kunda-kaw-rɔje bèe. Dɔgugu gə́ asəna gə larlɔr to dɔ dee’g ləm, kəm dee to tana gə kəm dəwje ləm tɔ.

Njéga̰g-Rəwtaje 7:12

Madianje ləm, Amalekje ləma, gə njé gə́ Bər ləm tɔ lé yal na̰ pə mee wəl-loo’g, bula digi-digi to gə́ beedéje bèe ləm, jambalje lə dee kara dum tura to gə́ nagəra gə́ ta baa-boo-kad’g bèe ləm tɔ.