Loo gə́ killa rea kəm Ja̰’g 9:2 - Maktub gə́ To gə Kəmee

² ndá yeḛ ɔr ta bwa-wəl neelé. Sa uba keneŋ ŋgɔg-ŋgɔg asəna gə sa pər mbo-boo bèe ndá sa gə́ ḭ bwa-wəl’g neelé udu kəm kàr rəd-rəd ar loondul ndiŋ-ndiŋ.

Loo gə́ killa rea kəm Ja̰’g 9:2 Iomraidhean Croise

Gḭ-Néje 15:17

Loo gə́ kàr andə mba̰ ndá loondul njudu-njudu. Ndá aa oo, loo-kula-bṵda gə́ sa pər teḛ keneŋ teḛ ləm, ndo̰ pərje gə́ ḭ keneŋ andə mbuna daje gə́ riba’g lé tɔ.

Gḭ-Néje 19:28

Yeḛ un kəmee aa loo par gə́ Sɔdɔm gə Gɔmɔr gə loo lai gə́ to ndag-loo’g lé ndá aa oo, yeḛ oo sa pər ḭ naŋg uba ŋgɔg-ŋgɔg asəna gə sa pər mbo-boo bèe.

Teḛ-Raga 19:18

Mbal gə́ Sinai lé sa pər taa pəl-pəl mbata Njesigənea̰ ḭ tar ree uru naŋg keneŋ dan pər’g, sa pər neelé uba ŋgɔg-ŋgɔg asəna gə sa pər mbo-boo bèe ndá mbal neelé bura ya yə ɓugu-ɓugu.

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Loo gə́ killa rea kəm Daniel’g 3:6

Nana ɓa gə́ unda barmba mba kwá mée’g el ndá léegəneeya d’a kwá kilá mee bwa pər gə́ o̰ bilim-bilim’g.

Joɛl 2:10

Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Néra Njékaḭkulaje 2:19

M’a kar néje gə́ dumkoo teḛ mee dara gə́ tar ləm, Nétɔjije d’a teḛ dɔ naŋg nee ləm tɔ: Məs ləm, gə pər ləma, gə sa pər gə́ uba ŋgɔg-ŋgɔg ləm tɔ.

Loo gə́ killa rea kəm Ja̰’g 14:11

Sa néurti gə́ ra dee lé tuu uba ŋgɔg-ŋgɔg gə ləbee-ləbee saar-saar gə no̰ ləm, deḛ gə́ d’wa darɔ da neelé gə néndaji da lé meḛ dee’g gə nana ɓa gə́ ar dee d’inja ndaji ria ŋgo nea̰’g lé loo-kwa-rɔ dee dan kàrá gə loondul’g godo ləm tɔ.

Loo gə́ killa rea kəm Ja̰’g 16:10

Kura gə́ dara gə́ njekɔm dee’g mi lé aw ɔm oŋg gə́ to mee bai’g ləa dɔ kalimbai’g lə dakɔb lé ndá loondul dəb dɔ ɓeeko̰’g ləa. Dəwje to̰ ndo̰ dee mbata né gə́ too ra dee.

Loo gə́ killa rea kəm Ja̰’g 8:12

Kura lə Ala gə́ dara gə́ njekɔm dee’g sɔ im to̰to̰ ləa ndá kàr ləm, gə naḭ ləma, gə kéréméje ləm tɔ lé né unda dee, tuji ne dəb ndɔḭ lə dee kára-kára nɛ debeeje nai joo-joo ɓəi mba kar dəb loo kára-kára dan kàrá gə loondul’g lé loo dəb rigim nɛ dəb loo nai joo-joo ɓəi.

Loo gə́ killa rea kəm Ja̰’g 9:1

Kura gə́ dara gə́ njekɔm’g mi lé im to̰to̰ ndá m’oo kérèmé gə́ ḭ dara oso naŋg. D’aree nékɔr tarəw gə́ wɔji dɔ bwa-wəl gə́ ɔr duu keḭ-keḭ ar suna godo

Loo gə́ killa rea kəm Ja̰’g 9:11

Mbai dɔ dee to kura gə́ njebwa-wəl gə́ suna godo gə́ d’unda ria gə́ ta Ǝbrə pana: Abadon tɔɓəi d’unda ria gə ta Grek pana: Apolyo̰.

Loo gə́ killa rea kəm Ja̰’g 9:17

Togə́bè ɓa m’oo kunda-kaw-rɔje lé gə́ némḭdi, m’oo njékuba gir deeje tɔ. Njékṵdaje neelé kubu-lar gə́ ŋgira kiŋ-kiŋ gə́ to rɔ dee’g lé kas asəna gə pər bèe ləm, gə ndul asəna gə jər gə́ ɓaree hyasintə ləma, gə kas asəna gə kṵji pər bèe ləm tɔ. Dɔ kundaje lé to asəna gə dɔ toboḭje. Pər teḛ ta dee’g gə sia ləm, gə kṵjee ləm tɔ.