Loo gə́ killa rea kəm Ja̰’g 8:5 - Maktub gə́ To gə Kəmee

⁵ Kura gə́ dara lé un bai-larlɔr, odo ne yel pər gə́ to dɔ loo-nékinjaməs’g ɔm mée’g aree rusu ɓa unda ilá dɔ naŋg nee. Ndu dəwje ɓar yi-yi ləm, ndi tel ləm, ndi ndaŋg ləma, naŋg yə ləm tɔ.

Loo gə́ killa rea kəm Ja̰’g 8:5 Iomraidhean Croise

1 Mbaije 19:11

Njesigənea̰ pana: Gə́ teḛ raga, aar dɔ mbal’g no̰ Njesigənea̰’g! Nɛ aa oo, Njesigənea̰ lé dəs tar. Loo gə́ no̰ Njesigənea̰’g lé lel-boo gə́ to ɓəl kədm-kədm ula ar mbalje ta̰ ləm, təd mbalje njigi-njigi ləm tɔ nɛ Njesigənea̰ godo dan lel-boo’g lé. Goo lel-boo’g ndá naŋg yə nɛ Njesigənea̰ godo dan naŋg gə́ yə’g lé tɔ.

Pakɔsje 18:13

Loo gə́ ndogó nea̰’g lé sané mumje Gə kwɔji gə kɔr pərje kad-kad.

Teḛ-Raga 19:16

Ndɔ gə́ njekɔm’g munda teḛ gə ndɔ lé ndi ndaŋg ləm, ndi tel ləma, ndi ḭ ŋgwɔḭ-ŋgwɔḭ ɔn dɔ mbal ləm tɔ, ndu to̰to̰ ɓar po̰-po̰, ar koso-dəwje lai gə́ d’isi loo-si dee’g neelé ɓəl unda dee badə gaŋg dee .

Esai 29:6

Ndá Njesigənea̰ gə́ njeboo-néje a ree rɔi’g Gə ndije gə́ ndaŋg ləm, Gə́ naŋg gə́ yə ɓugu-ɓugu ləm, Gə kaa né gə́ ɓar gə́ to ɓəl kədm-kədm ləm, Gə ko̰ ndi gə lel-boo ləma, Gə ndo̰ pər gə́ roo loo dula-dula ləm tɔ.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Esai 66:6

Ndu dəw gə́ ɓar pénéné gə́ ḭ mee ɓee-boo’g ləm, Ndu dəw gə́ ɓar gə́ ḭ mee kəi gə́ to gə kəmee’g ləm tɔ lé, To ndu Njesigənea̰ Gə́ njekoga-dɔ-ji njéba̰je ləa ya.

Jeremi 51:11

Olje ndo̰ kag ɓandaŋgje lə sí ləm, Waje dərje lə sí kègègè ləm tɔ! Njesigənea̰ ɔs kudu mbaije gə́ Médi ɓɔḭ-ɓɔḭ, Mbata yeḛ wɔji mée’g Gə mba tuji Babilɔn, Mbata to dalba̰ lə Njesigənea̰, To dalba̰ gə́ wɔji dɔ kəi ləa Gə́ to gə kəmee.

Ləbije 16:12

Yeḛ a kun əb gə́ kul gə́ taa pər gəgəgə rusu gə́ d’ɔr loo-nékinjaməs’g no̰ Njesigənea̰’g lé ləm, gə nduji né gə́ ə̰də sululu as ŋgo jia joo ləm tɔ, yeḛ a kodo néje neelé kaw ne njal gir kubu gə́ gaŋg ne mee kəi gə́ to gə kəmee doi’g lé.

Jakari 14:5

Togə́bè ɓa seḭ a kaḭje kawje kəm wəl mbalje’g, Mbata wəl mbalje neelé d’a kaw njal teḛ Asel ya. Seḭ a kaḭje to gə́ seḭ aḭje ne no̰ naŋg gə́ yə’g Mee ləbee gə́ Ojias to ne mbai gə́ Juda lé bèe. Ndá Njesigənea̰, Ala ləm, a ree gə njémeendaje ləa lai na̰’d.

Matiyo 24:7

Ginkoji dəwje gə raŋg d’a kḭ gə na̰ ləm, njéɓeeko̰je kara d’a kḭ gə na̰ ləm tɔ. Loo gə́ na̰je bula ɓoo-boo a koso dɔ dəwje’g ləm, naŋg kara a yə ləm tɔ.

Lugu 12:49

Ma m’ree gə mba kila pər dɔ naŋg nee, nɛ ɓó lé yel pər keneŋ d’aree taa mba̰ ŋga see ɗi ɓa m’a ndiŋga ne rɔm ɓəi wa.

Néra Njékaḭkulaje 16:26

Léegəneeya dɔ naŋg yə ɓugu-ɓugu, gin kəi-daŋgai yə gə́ léegəneeya ar takəije lai teḛ bələŋ-bələŋ. Kula gə́ gɔl daŋgaije’g lé jura naŋg wururu-wururu.

Néra Njékaḭkulaje 4:31

Loo gə́ deḛ ra tamaji neelé mba̰ ndá kəi yə ula déréré-dèrèrè. Ndilmeenda taa meḛ dee pəl-pəl, ar dee d’ɔr ta lə Ala gə kəm ŋgon diŋgam tɔ.

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 11:19

Kəi-Ala gə́ to dara lé təa ɔr to tag, ar sa̰duk-manrɔ gə́ yeḛ man ne rəa lé to raga ndəgəsə. Ndi tel ləm, dəwje d’unda bula ləm, ndi ndaŋg ləm, naŋg yə ɓugu-ɓugu ləma, ndi kwɔji kara ər ɓai-ɓai ləm tɔ.

Loo gə́ killa rea kəm Ja̰’g 4:5

Ndi gə́ tel ləm, gə ndaŋg ləma, gə ndu dəwje gə́ ɓar ləm tɔ lé teḛ dan kalimbai’g lé. Néje d’asəna gə pərŋgelje siri ndɔḭ no̰ kalimbai’g lé ndɔḭ wər-wər, deḛ nja to ndilje lə Ala gə́ siri lé.

Loo gə́ killa rea kəm Ja̰’g 6:12

M’aa loo gərərə ndá loo gə́ Ŋgonbad lé ɔr nérḛdə ta maktub gə́ njekɔm’g misa̰. Naŋg yə ɓugu-ɓugu ləm, kàr tel ndul asəna gə wul-kunda gə́ d’ṵji gə́ ɓɔl ləma, naḭ gə kuburee kara tel məs ləm tɔ.

Loo gə́ killa rea kəm Ja̰’g 8:3

Kura gə́ dara gə́ raŋg ree aar no̰ loo-nékinjaməs’g gə bai-larlɔr jia’g. Deḛ d’aree néje gə́ ə̰də sululu ɓəd-ɓəd gə mba karee tuu dee ne na̰’d gə tamajije lə dəwje lai gə́ to gə kəmee loo-tuu-né gə́ ra gə larlɔr gə́ to no̰ kalimbai’g.