Loo gə́ killa rea kəm Ja̰’g 7:17 - Maktub gə́ To gə Kəmee

¹⁷ Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.

Loo gə́ killa rea kəm Ja̰’g 7:17 Iomraidhean Croise

Pakɔsje 22:26

I a to gin pa pidije ləm loo-mbo̰-dɔ-na̰’g lə koso-dəwje, M’a tɔl ne ta ndukun ləm bém kəm dee-deḛ gə́ ɓəli’g.

Pakɔsje 23:5

I wa dɔ gɔl nésɔ unda nɔm’g Kəm njéba̰je’g ləm, I wa dɔm gə ubu ləm, Ŋgo-kai-ma̰ ləm lé Man rusu tub ləm tɔ.

Pakɔsje 28:9

Maji kari aji koso-dəwje ləi ləm, Gə tɔr ndui dɔ nédɔji’g ləi ləm tɔ! Maji kari to gə́ njekul dee ləm, Gə njegəd dee ləm tɔ saar gə no̰ ya!

Esai 12:3

Seḭ a toje mán gə rɔlel Mee kəm-rəw-manje gə́ wɔji dɔ kaji.

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Esai 30:19

Oiyo, seḭ koso-dəwje gə́ Sio̰ gə́ síje Jerusalem lé Seḭ a no̰je gə mán-no̰ kəm sí’g el ŋga! Yeḛ a koo ndu no̰ lə sí ndá Yeḛ a ra sə sí meemaji ləm, Léegəneeya gə́ yeḛ oo ndu sí ndá Yeḛ a tel kila sí keneŋ ləm tɔ.

Esai 30:25

Dɔ mbalje lai gə́ ŋgal léŋgé-léŋgé ləm, Gə dɔdərlooje gə́ ḭtar gə́ rara kara ləm tɔ lé Man baaje gə kəm-rəw-manje d’a to keneŋ Ndɔ ndum dəwje mburug-mburug ləm, Loo gə́ kəi-kaar-kɔgərɔje gə́ duu dɔ loo d’a təd ləm tɔ.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 49:9

Mba kula dee gə́ d’wa dee ɓər lé pana: Undaje loo teḛje ləm, Mba kula dee gə́ d’isi dan loondul’g pana: Aarje raga ndəgəsə ləm tɔ. Ndá d’a sɔ né dan kag-rəwje’g ləm, D’a kiŋga nékulrɔ dee dɔdərlooje’g lai ləm tɔ.

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Esai 60:20

Kàr ləi a kur naŋg el ŋga ləm, Naḭ ləi kara a kwa til el ŋga ləm tɔ. Mbata Njesigənea̰ ɓa a to lookàr ləi saar-saar gə no̰ ləm, Ndɔ-kwa-ndòo-yoo ləi a dəs ŋga ləm tɔ.

Esai 65:19

M’a kar Jerusalem to gə́ nékalrɔ ləm ləm, M’a kar koso-dəwje ləm tɔ gə́ nérɔlel ləm ləm tɔ, D’a koo ndu no̰ gə ndu kii keneŋ gogo el.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Ejekel 34:23

N’a kunda njekul dee kára ba dɔ dee’g karee ul dee, yee ɓa to kura lə neḛ Dabid, yeḛ a kar dee d’o̰ mu ləm, yeḛ a to njekul dee ləm tɔ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Misee 7:14

Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.

Matiyo 2:6

I Betlehem dɔ naŋg lə Juda lé Ɓee-booje gə́ to ɓeeko̰ gə́ Juda lé d’ur dɔi’g el, Mbata mbai gə́ a kul dəwje ləm gə Israɛl lé a kḭ keneŋ.

Matiyo 5:4

Deḛ gə́ d’isi dan kəmndooyoo’g lé rɔ dee lel dee, Mbata d’a gɔl meḛ dee ɓəi.

Tagə́maji gə́ Ja̰ ndang 10:11

Ma m’to njekulbadje gə́ gəd. Njekulbadje gə́ gəd lé ya̰ rəa yag mbata lə badje ləa.

Tagə́maji gə́ Ja̰ ndang 10:14

Ma m’gər badje ləm, dee kara dee gərm gao ləm tɔ.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 4:11

Dené lé tel dəjee pana: Mbai, i aar gə nékɔrman el nɛ bwa-mán lé uru yaa̰. See i a kḭ gə mán gə́ aḭ teḛ kuji-kuji lé ra wa.

Tagə́maji gə́ Ja̰ ndang 4:14

Nɛ nana ɓa a kai mán gə́ m’a karee neelé ndá kunda a tɔlee gogo el ŋga. Man gə́ m’a karee lé a tel to ŋgira mán mée’g gə́ a kaḭ teḛ kuji-kuji ndá yeḛ a si gə kəmə gə́ gə no̰ lé mée’g.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

1 Piɛrə 5:2

Ulje badə-kosoje lə Ala gə́ yeḛ ɔm dee ji sí’g, ḭje gə meḛ sí raje to gə́ mee Ala wɔji lé ɓó arje dəw njaŋg sí keneŋ el, raje gə meenda ɓó raje gə meekas gə mba kiŋga ne né ji dəwje’g korè gə ji meeyèr el.

Loo gə́ killa rea kəm Ja̰’g 14:4

Deḛ neelé ra kaiya gə denéje d’ar rɔ dee mina̰ ne el mbata deḛ to gə́ ŋgaw-buaje. Deḛ nja to gə́ njéboalookawje lə Ŋgonbad ləm, deḛ to njé gə́ d’uga dɔ dee mbuna dəwje gə́ dɔ naŋg nee asəna gə né gə́ doŋgɔr mba kar Ala ləm, gə mba kar Ŋgonbad lé ləm tɔ.

Loo gə́ killa rea kəm Ja̰’g 21:22

M’oo kəi-Ala mee ɓee-boo’g neelé el, mbata Ala gə́ to Mbaidɔmbaije gə́ Bao-siŋgamoŋ deḛ gə Ŋgonbad lé deḛ nja to gə́ kəiyee.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.

Loo gə́ killa rea kəm Ja̰’g 21:4

Yeḛ a bɔr mán-no̰ kəm dee’g ləm, yoo a ɓar ri dee gogo el ləm, kəmndooyoo kara a godo ləm, no̰ yoo a godo ləma, meeko̰ kara a godo ləm tɔ mbata néje gə́ dɔtar lé sané pá mba̰.

Loo gə́ killa rea kəm Ja̰’g 21:6

Tɔɓəi yeḛ ulam pana: Neḛ n’tɔlee bém. Neḛ n’to Alpa gə Omega, yeḛ gə́ dɔtar gə yeḛ gə́ rudu tɔ. Yeḛ gə́ kṵdaman tɔlee ndá n’a karee mán kəmə gə́ aḭ kəm-rəw-mán gə́ teḛ kuji-kuji lé ai, n’a karee gə́ kar ɓó yeḛ a ndogo el.

Loo gə́ killa rea kəm Ja̰’g 22:1

Yeḛ am m’oo baa gə́ ḭ gin kalimbai’g lə Ala gə ka̰ Ŋgonbad’g lé tɔ. To mán kəmə gə́ ndul konono asəna gə mán gə́ ndil ku’g bèe.

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.

Loo gə́ killa rea kəm Ja̰’g 5:6

M’aa loo ndá loo gə́ dan kalimbai’g ləm, gə mbuna nékundaje lə Ala sɔ gə́ d’aw kəmba ləma, gə mbuna ŋgatɔgje’g ləm tɔ lé m’oo Ŋgonbad gə́ to asəna gə ŋgonbad gə́ d’inja gə́ məs ya aar keneŋ. Ŋgonbad neelé lé gajee siri ləm, kəmee siri ləm tɔ. Deḛ ɓa gə́ ndilje lə Ala gə́ siri gə́ yeḛ ula deḛ gə́ d’un loo lad-lad dɔ naŋg nee.