Loo gə́ killa rea kəm Ja̰’g 7:12 - Maktub gə́ To gə Kəmee

¹² pana: Amen! maji kar pa pidi ləm, gə rɔnduba ləm, gə kəmkàr ləm, gə ta ra oiyo ləm, gə riɓar ləm, gə siŋgamoŋ ləma, gə dɔmoŋ ləm tɔ lé d’ula dɔ Ala lə sí gə ləbee-ləbee saar-saar gə no̰. Amen!

Loo gə́ killa rea kəm Ja̰’g 7:12 Iomraidhean Croise

Nehemi 12:46

Mbata kédé gə́ mee ndəa’g lə Dabid gə Asap lé bao-paje d’isi keneŋ mba kɔs pa pidije ləm, gə paje gə́ ka̰ ra Ala oiyo kar ria ɓar ne ləm tɔ.

Nehemi 12:8

Ləbije ɓa nee: Juje gə Binui gə Kadmiel gə Serebia gə Juda gə Matania yeḛ gə ŋgakea̰je na̰’d to bao-pa pidije,

Pakɔsje 100:4

Maji kar sí a̰dje tarəwkəije’g ləa gə pa pidije ləm, A̰dje gadlooje’g ləa gə pakɔsje ləm tɔ. Ilaje riɓar dəa’g arje dɔ ria ai səgərə.

Pakɔsje 106:48

Maji kar dɔkaisəgərə nai gə Njesigənea̰, Ala lə Israɛlje lé Gə ləbee-ləbee saar-saar gə no̰. Maji kar koso-dəwje lai lé pata pana: Bèe ya! Pidije Njesigənea̰!

Pakɔsje 107:22

Maji kar dee d’inja nékinjanéməsje Gə́ ka̰ kɔm na̰’d sad ləm, Maji kar dee d’ila mber kula reaje lé Gə ndu rɔlel ləm tɔ.

Pakɔsje 116:17

M’a kinja nékinjaməs gə́ ka̰ kɔm na̰’d sad kari ləm, M’a ɓar ne rii-i Njesigənea̰ lé ya ləm tɔ.

Pakɔsje 147:7

Ɔsje pa arje Njesigənea̰ reaje ne oiyo ləm, Ilaje riɓar dɔ Ala’g lə sí gə kṵdu-kagje ya ləm tɔ.

Pakɔsje 41:13

I gədm mbata i oo néram gə́ to gə goo rəbee, Yee ɓa i undam ne nɔḭ’g ta-ta ya.

Pakɔsje 50:14

Maji kar néra oiyo ɓa to gə́ nékinjaməs gə́ seḭ injaje arje Ala Gə mba tɔl ne ta ndukunje lə sí bém kar Njekurdɔloo’g.

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 89:52

Ǝi Njesigənea̰, ar məəi olé dɔ boo-nérɔkulje’g lə njéba̰je ləi ləm, Dɔ boo-rɔkulje’g lə deḛ gə́ d’ila dɔ yeḛ gə́ i wa dəa gə ubu lé ləm tɔ.

Pakɔsje 95:2

Ar sí j’awje nea̰’g gə pa pidee ləm, Maji kar ndu paje gə́ ka̰ kila riɓar dəa’g lé Ɓar ɔr loo lɔi-lɔi ləm tɔ,

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Junas 2:9

Deḛ gə́ d’unda rɔ dee mbo̰-mbo̰ rɔ magə-poleje’d gə́ kari ba lé D’ɔs meekoso lemsé rɔ dee’g rəw.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Njé gə́ Rɔmə 11:36

Yeḛ nja ɓa néje lai ḭ rəa’g ləm, mbɔl dəa ɓa néje lai to gən ləma, néje lai to gə mba kila riɓar dəa’g ləm tɔ. Maji kula rɔnduba dəa’g gə ləbee-ləbee saar-saar gə no̰. Amen!

1 Njé gə́ Kɔrḭtə 14:16

Tɔgərɔ ya, ɓó lé i ra Ala oiyo gə ndili ndá see deḛ gə́ d’isi gə mba koo ta lé see d’a koo loo ndigi ta ləi gə Amen loo gə́ ra’g wa. Mbata deḛ gər ta gə́ i pa lé el.

2 Njé gə́ Kɔrḭtə 4:15

Mbata néje lai neelé teḛ mbata lə sí-seḭ ya ɓó gə mba kar loo gə́ noji lé a taa ne loo yéŋgé-yéŋgé ndá ta ra oiyo gə́ a koji ne na̰ ta dəwje’g bula unda njé gə́ kédé lé a kula ne rɔnduba dɔ Ala’g ya.

Njé gə́ Kolosə 2:7

Ulaje ŋgira sí naŋg rəa’g kiŋ-kiŋ, ɓa meekun lə sí a ɓəbərə ne dɔ’g kaw-kaw ɓəi gə goo ta gə́ deḛ ndoo sí ləm, arje ta ra Ala oiyo oji ne na̰ ta sí’g dḛ̀gé-dḛ̀gé ləm tɔ.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

Jude 1:25

yeḛ nja ɓa gə́ Ala kára ba kiao, gə́ j’aji ne gin Jeju Kristi Mbaidɔmbaije lə sí lé maji kula rɔnduba dəa’g ləm, gə maji karee ur dɔ dəwje’g lai ləm, maji karee dum dɔ loo gə siŋgamoŋ ləa kédé par-par gə ɓasinè ləma, gə saar-saar gə no̰ ləm tɔ. Amen!

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 19:4

Ŋgatɔgje rɔ-joo-gir-dee-sɔ gə nékundaje lə Ala gə́ d’aw kəmba sɔ lé d’ula dɔ dee naŋg d’wa Ala gə́ si kalimbai’g lé meḛ dee’g, deḛ pana: Amen! Aleluia!