Loo gə́ killa rea kəm Ja̰’g 7:1 - Maktub gə́ To gə Kəmee

¹ Gée gə́ gogo, m’oo kuraje lə Ala gə́ dara sɔ gə́ d’aar tar dɔ kum naŋg gə́ sɔ’g lé d’wa lel gə́ tel kəmee ula ɓəd-ɓəd loo-sɔ dɔ naŋg nee gə mba karee ula dɔ naŋg nee el ləm, əsé gə dɔ baa-boo-kad’g el ləma, əsé gə dɔ kagje gə́ rara kara el ləm tɔ.

Loo gə́ killa rea kəm Ja̰’g 7:1 Iomraidhean Croise

Esai 11:12

Yeḛ a kun nétɔji gə́ tar kar ginkoji dəwje gə raŋg neelé d’oo To gə́ yeḛ a gə mbo̰ Israɛlje gə́ d’wa dee gə́ ɓər lé ləm, Yeḛ a mbo̰ Judaje gə́ sanéna̰ ləm tɔ Kar dee d’ḭ dɔ kum naŋg gə́ sɔ lé tel ree.

Esai 27:3

Ma Njesigənea̰ m’to gə́ njeŋgəmee, Ma m’saga mán dɔ’g ta-ta Nà dəw a ree tujee, Ma m’ŋgəm loondul’g gə dan kàrá.

Esai 27:8

I wɔji dee kəmkàr aree as lé Loo gə́ i ar dee d’wa dee d’aw sə dee ɓee-ɓər’g Asəna gə lel-boo gə́ ḭ bər Ɔr dee aw sə dee bèe.

Jeremi 49:36

M’a kar lelje sɔ d’ḭ kəm daraje gə́ sɔ’g Ree gigigi gə́ dɔ njé gə́ Elam’g. Lelje lai neelé ɓa m’a sané dee ne ndá ginkoji dəwje gə́ njé gə́ Elam d’a lal kaḭ kaw keneŋ lé a godo.

Ejekel 37:9

Yeḛ ulam pana: Ma ŋgon-dəw lé maji kam m’tegginta m’ar kəmə, maji kam m’tegginta m’ula kəmə lé m’pana: Mbaidɔmbaije gə́ Njesigənea̰ pa togə́bè pana: I kəmə lé maji kari ḭ dɔ kum naŋg gə́ sɔ’g lé ree ula kəmə meḛ dee gə́ tɔl dee lé ar dee tel d’isi kəmba gogo.

Ejekel 7:2

I ŋgon-dəw lé ta gə́ Mbaidɔmbaije gə́ Njesigənea̰ pa wɔji ne dɔ dəwje gə́ Israɛl lé ɓa nee: Aa ooje, rudee un ɗiao ŋga! Rudee si ree dɔ kum naŋg gə́ sɔ’g lé ŋga!

Loo gə́ killa rea kəm Daniel’g 11:4

Loo gə́ yeḛ a kḭ mba̰ ndá d’a təd siŋga ɓeeko̰ ləa rém-rém kunda kəmee dana kai kwɔji ne dɔ dɔkum naŋg gə́ sɔ. D’a kaiyee kar ŋgakeaje el ləm, siŋgá a kas gə yee gə́ kédé lé el ləm tɔ. Mbata d’a kunda kəm ɓeeko̰ ləa dana gaŋg ndá yee a tel to ka̰ njé gə́ raŋg ɓó ka̰ dee-deḛ el.

Loo gə́ killa rea kəm Daniel’g 7:2

Daniel un ta pa pana: Loo gə́ né ram gə́ mḭdi loondul’g lé m’aa loo gərərə ndá aa oo, lelje gə́ dara sɔ d’ḭ d’ula mbḭ-mbḭ dɔ baa-boo-kad’g.

Loo gə́ killa rea kəm Daniel’g 8:8

Bàl bya̰ lé siŋgá tel to yaa̰, nɛ loo gə́ siŋgá to yaa̰ ndá gajee gə́ ŋgal lé təd. Gajeje gə́ boi-boi sɔ d’uba toree’g aree wɔji dɔ kum naŋg gə́ sɔ.

Junas 1:4

Nɛ Njesigənea̰ ar lel-boo ḭ gigigi dɔ baa-boo’g ndá lel-boo neelé ula mbḭ-mbḭ tɔ. Nai lam bèe mba kar bato lé tuji mán ya.

Jakari 6:1

Ma m’un kəm gə́ tar gɔl kára ya tɔɓəi m’aa loo ndá aa oo, pusu-rɔje sɔ teḛ mbuna mbalje gə́ ŋgal léŋgé-léŋgé’g joo, nɛ mbalje neelé to gə́ mbalje gə́ to gə́ larkas.

Jakari 6:5

Kura gə́ dara lé tel ilam keneŋ pana: Deḛ to lelje gə́ d’ḭ dɔkum looje gə́ sɔ gə́ d’ḭ loo-kaar dee’g no̰ mbai gə́ to mbai dɔ naŋg nee lai.

Matiyo 24:31

Yeḛ a kula kuraje ləa gə́ dara kar dee d’im to̰to̰ gə́ a ɓar kɔr loo lɔi-lɔi ndá yeḛ a mbo̰ dəwje ləa gə́ yeḛ unda dee gə kəmee doi bər gə dɔ-gó ləm, dɔkɔl gə dɔgel ləm tɔ mba mbo̰ dee dɔ na̰’d loo kára ba.

Mark 13:27

Tɔɓəi yeḛ a kula kuraje ləa gə́ dara mba kar dee mbo̰ dəwje gə́ yeḛ ɔr dee unda dee gə kəmee, deḛ gə́ d’isi bər gə dɔ-gó ləm, dɔkɔl gə dɔgel ləma, gə rudu naŋg’d gə dara ləm tɔ.

Loo gə́ killa rea kəm Ja̰’g 20:8

Yeḛ a teḛ gə mba su kəm ginkoji dəwje gə raŋg gə́ d’isi dɔ kum naŋg gə́ sɔ’g lé ləm, Gɔg gə Magɔg ləm tɔ gə mba mbo̰ dee ne loo-rɔ’g. Deḛ bula d’asəna gə nagəra gə́ ta baa-boo-kad’g bèe.

Loo gə́ killa rea kəm Ja̰’g 6:6

Ma m’oo ndu ɓar mbuna nékundaje lə Ala gə́ sɔ lé pana: Ko-wa mee ŋgo kára, lar gə́ nda kára ləm, kó-ɔrj mee ŋgo munda ya lar gə́ nda kára ləm tɔ, nɛ ubu gə mán-nduú lé d’ɔrɔ yèree el lé godo.

Loo gə́ killa rea kəm Ja̰’g 7:3

Naŋg əsé baa-boo-kad əsé kagje lé raje sə dee né gə́ majel kára kara el saar j’a tɔs né ŋgono̰ kuraje’g lə Ala lə sí gə nétorjia ɓa.

Loo gə́ killa rea kəm Ja̰’g 8:7

Kura gə́ dɔtar im to̰to̰ ləa ndá ndi ər gə kwɔji ləm, pər gə́ pələ na̰’d gə məs ɔm dɔ naŋg nee ləm tɔ. Pər o̰ dəb naŋg kára nɛ debee nai joo ɓəi ləm, kagje gə́ dɔ naŋg nee d’o̰ pər dəb kára nɛ dəb dee nai joo ɓəi ləma, muje gə́ təb lé pər o̰ dee kənənə-kənənə ləm tɔ.

Loo gə́ killa rea kəm Ja̰’g 9:14

Ndu neelé ula kura gə́ dara gə́ njekɔm dee’g misa̰ lé pana: Tudu kuraje gə́ dara sɔ gə́ tɔ dee dɔ baa-boo’d gə́ ɓaree Epratə lé.

Loo gə́ killa rea kəm Ja̰’g 9:4

D’ula beedéje neelé mba kar dee ra majel gə muje el ləm, əsé gə pudu néje el ləma, əsé gə kagje kara el ləm tɔ nɛ dəwje gə́ tɔs né ŋgono̰ dee’g gə nétorji Ala el lé ɓa d’a ra dee meeyèr ya.