Loo gə́ killa rea kəm Ja̰’g 6:11 - Maktub gə́ To gə Kəmee

¹¹ D’ar dee kubu gə́ nda gə́ ŋgal yududu-yududu kára-kára lai ndá yeḛ ula dee mba kar dee d’isi d’wa rɔ dee waga saar kar dɔkal deeje gə́ nai d’a ree kiŋga dee ɓəi, yee ɓa wɔji dɔ njéboakulaje lə dee ləm, gə ŋgako̰ deeje gə́ d’a kɔs yoo kwəi to gə́ deḛ bèe ləm tɔ.

Loo gə́ killa rea kəm Ja̰’g 6:11 Iomraidhean Croise

Loo gə́ killa rea kəm Daniel’g 12:13

Nɛ i ɓa yḛ̀, maji kari aw kəmi gə́ kédé saar teḛ ne mee rudu ndɔ’g ləi. I a kwa rɔi ləm, a kaar tar mba taa nédɔji ləi mee rudu ndɔje’g lé ləm tɔ.

Matiyo 10:21

Noji na̰je gə́ diŋgam d’a tuji na̰ gə yoo ləm, bɔ ŋgon deḛ gə ŋgonee d’a ra bèe ləma, ŋganje kara d’a kḭ dɔ njékoji deeje’g gə mba tɔl dee ləm tɔ.

Lugu 15:22

Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ.

Tagə́maji gə́ Ja̰ ndang 16:2

D’a kun sí tɔb sí mee kəi-kwa-dɔ-na̰je’g, nana ɓa gə́ tɔl sí kara mee ndəa gə́ a gə ree lé a kḛji mée’g pana: Neḛ n’ra né n’ar Ala ya.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

2 Njé gə́ Tesalonikə 1:7

a kar sí-seḭ gə́ d’ula kəm sí ndòo lé a kwaje rɔ sí sə sí na̰’d loo gə́ Mbaidɔmbaije Jeju a kḭ dara ree gə kuraje ləa gə́ njésiŋgamoŋje lé ləm tɔ.

2 Timote 4:7

Ma m’rɔ rɔ maji ləm, ma m’ɔr suna rəw ləm njal ləma, m’aar dɔ meekun’g kɔgərɔ ləm tɔ.

Ǝbrəje 11:40

Ala nja wɔji-kwɔji kar sí né gə́ maji unda nje gə́ kédé mba kar jeḛ sə deeje na̰’d ɓa j’a tel to ne dəwje gə́ maji j’ɔr njoroŋ ɓəi.

Ǝbrəje 12:23

gə́ loo-mbo̰-dɔ-na̰ lə ŋgandərje gə́ ndaŋg ri dee goo na̰’g ɗəŋ-ɗeŋ mee ɓee gə́ dara ləm, gə́ rɔ njegaŋ-rəwta gə́ to Ala lə dəwje lai ləm, gə́ rɔ ndil njémeekarabasurje gə́ teḛ dəwje gə́ maji d’ɔr njoroŋ ləm,

Ǝbrəje 4:10

Mbata yeḛ gə́ andə loo-kwa-rɔ’g lə Ala lé yeḛ wa rəa dɔ kula’g ləa to gə́ Ala kara wa ne rəa dɔ kea̰-yeḛ’g bèe tɔ.

Loo gə́ killa rea kəm Ja̰’g 10:6

ndá yeḛ ubu rəa gə ri yeḛ gə́ si kəmba gə ləbee-ləbee saar-saar gə no̰ lé yeḛ gə́ unda dara gə néje lai gə́ to keneŋ ləm, gə unda naŋg nee gə néje lai gə́ to keneŋ ləma, gə unda baa-boo-kad gə néje lai gə́ to keneŋ ləm tɔ pana: Lée godo ŋga.

Loo gə́ killa rea kəm Ja̰’g 13:15

Yeḛ iŋga siŋga gə mba kar néndaji da neelé tel si kəmba mba kar néndaji da neelé pata ləm, yeḛ ra né mba kar deḛ lai gə́ d’wa néndaji da neelé meḛ dee’g el lé d’a tɔl dee ləm tɔ.

Loo gə́ killa rea kəm Ja̰’g 14:13

Ma m’oo ndu dəw ɓar dara pana: Maji kam m’ndaŋg ta nee mee maktub’g pana: Un kudee ɓasinè lé deḛ gə́ d’wəi gel Mbaidɔmbaije’g ndá rɔ dee a lel dee ya. Ndil lé pa bèe to pana: Oiyo, mba kar dee d’wa rɔ dee ta kula’g lə dee mbata kula ra dee gə́ maji lé orè goo dee ndəŋ.

Loo gə́ killa rea kəm Ja̰’g 17:6

Ma m’oo dené lé, məs deḛ gə́ to gə kəmee ləm, gə ka̰ njékɔrgootaje lə Jeju gə́ d’wəi mbata ləa ləm tɔ tɔl dené lé asəna gə mán-nduú gə́ mḭ gə́ ai.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.