Loo gə́ killa rea kəm Ja̰’g 4:8 - Maktub gə́ To gə Kəmee

⁸ Nékundaje gə́ d’aw kəmba sɔ lé deḛ kára-kára lai lé bag dee misa̰-misa̰ ləm, kəm dee taa rɔ dee gə meḛ dee pəl-pəl ləm tɔ. Deḛ pata nee dan kàrá gə loondul’g ɓó d’əw rɔ dee el pana: Mbaidɔmbaije Ala gə́ Njedumnéje lai, Njerɔkunda, Njerɔkunda, Njerɔkunda, yeḛ gə́ si dɔtar lé yeḛ si gən, yeḛ si ree tɔ.

Loo gə́ killa rea kəm Ja̰’g 4:8 Iomraidhean Croise

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Pakɔsje 91:1

Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 3:14

Ala ula Moyis pana: MA M’TO YEḚ GƎ SI GƎN. Tɔɓəi yeḛ pa pana: Yee ɓa i a kula Israɛlje pana: Yeḛ gə́ ria lə MA M’TO YEḚ GƎ SI GƎN lé ɓa ulam rɔ sí’g ya.

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 62:1

Gə goo kunda gə́ m’unda Sio̰ dan kəm’g lé ɓa M’a si ne dɔ mundu el ləm, Gə goo kunda gə́ m’unda Jerusalem dan kəm’g lé ɓa M’a kwa ne rɔm nda̰ el ləm tɔ Saar kar kaji ləa teḛ To gə́ kàr gə́ uba kuji’g bèe ləm, Saar kàr kɔr dɔ kúla’g ləa teḛ Asəna gə pərŋgel gə́ ndogó bèe ləm tɔ.

Ejekel 1:18

Gɔl pusuje neelé kəm kəi dee gə ŋgal dee gə́ tar to ɓəl kədm-kədm ləm, kəm kəi deḛ gə́ sɔ lé né gə́ asəna gə kəm dəw gə́ ndɔḭ bèe gugu sub-sub ləm tɔ.

Ejekel 1:5

Loo gə́ dana bab lé nékundaje sɔ gə́ d’aw kəmba gə́ to tana gə dəwje teḛ keneŋ.

Ejekel 1:6

Deḛ kára-kára lai lé loo gə́ kəm dee’g lé tɔ loo sɔ-sɔ ləm, bag dee kara yee sɔ-sɔ ləm tɔ.

Ejekel 10:12

Rɔ Nékundaje gə́ dara lai lé, bargir dee ləm, gə ji dee ləma, gə bag dee ləm tɔ lé kəm dee taa pəl-pəl asəna kára ba gə gɔl pusuje gə́ sɔ gə́ kəm dee gugu sub-sub lé.

Joɛl 1:15

Ai, ndɔ nee a to ndɔ gə́ ban wa! Mbata ndɔ lə Njesigənea̰ nai dəb ba. Yee a ree asəna gə nétuji gə́ ḭ rɔ Bao-siŋgamoŋ’d.

Néra Njékaḭkulaje 20:31

Yen ŋga sije kəmba jəgəgə, arje meḛ sí olé dɔ ta gə́ ma m’ndəji sí kára-kára lai gə mán-no̰ kəm’g as ləb munda, dan kàrá gə loondul’g m’ar tam wəi el.

2 Njé gə́ Kɔrḭtə 6:18

N’a kwa sí gə́ rɔ neḛ’g, n’a to bɔ síje ləm, Seḭ a toje ŋgan neḛje gə́ diŋgam gə njé gə́ dené ləm tɔ Mbaidɔmbaije gə́ njesiŋgamoŋ ɓa pa bèe.

1 Njé gə́ Tesalonikə 2:9

Ŋgako̰ síje, kula ra sí gə́ jeḛ j’ula ne rɔ sí ndubu dṵda’d gə dan kàrá mba kar sí j’wɔi ne dəw kára kara mbuna sí’g el lé meḛ sí a kolé dɔ’g ya, togə́bè ɓa, j’ɔr ne gin Tagə́maji lə Ala lé j’ar sí.

1 Timote 4:16

Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

Ǝbrəje 13:8

Jeju Kristi lé loo rəa gə́ tagə́nè ya ləm, to bèe ɓogənè ləma, to bèe ya saar-saar gə no̰ ləm tɔ.

Loo gə́ killa rea kəm Ja̰’g 1:4

Ma Ja̰ m’ula gə maktub m’ar Eglisəje gə́ siri gə́ to Asi. Maji kar meemaji gə meelɔm nai sə sí ya, ka̰ yeḛ gə́ si gən, gə si dɔtar lé, si ree ləm, ka̰ ndilje gə́ siri gə́ d’aar no̰ kalimbai’g ləa ləma,

Loo gə́ killa rea kəm Ja̰’g 1:8

Ma m’to Alpa ləm, gə Omega ləm tɔ, Ala Mbaidɔmbaije ɓa pa bèe. Ma m’to yeḛ gə́ si gən gə si dɔtar lé ləm gə si ree ləm tɔ. Ma m’to Bao-siŋgamoŋ ya.

Loo gə́ killa rea kəm Ja̰’g 11:17

Deḛ pana: Mbaidɔmbaije Ala gə́ njesiŋgamoŋ, i gə́ si keneŋ kédé gə́ dɔtar lé jeḛ n’rai oiyo yaa̰ mbata i ḭ gə boo-siŋgamoŋ ləi taa ne ɓeeko̰ ləi o̰ ya.

Loo gə́ killa rea kəm Ja̰’g 14:11

Sa néurti gə́ ra dee lé tuu uba ŋgɔg-ŋgɔg gə ləbee-ləbee saar-saar gə no̰ ləm, deḛ gə́ d’wa darɔ da neelé gə néndaji da lé meḛ dee’g gə nana ɓa gə́ ar dee d’inja ndaji ria ŋgo nea̰’g lé loo-kwa-rɔ dee dan kàrá gə loondul’g godo ləm tɔ.

Loo gə́ killa rea kəm Ja̰’g 14:3

Deḛ d’ɔs pa gə́ sigi no̰ kalimbai’g ləm, gə no̰ nékundaje gə́ d’aw kəmba sɔ lé ləma, gə no̰ ŋgatɔgje’g lé ləm tɔ. Dəw kára kara askəm ndoo pa neelé el, nɛ deḛ gə́ tɔl-dɔg-loo-tɔl gə dɔ dee 44 lé deḛ gə́ dɔ naŋg nee gə́ d’uga dɔ dee ɓa d’askəm ndoo pa nee ya.

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,

Loo gə́ killa rea kəm Ja̰’g 15:7

Yeḛ gə́ kára mbuna nékundaje’g lə Ala gə́ d’aw kəmba sɔ lé odo bai-larlɔrje siri gə́ oŋg lə Ala gə́ njesikəmba gə ləbee-ləbee gə no̰ lé rusu tub-tub ndá yeḛ ar kuraje gə́ dara kára-kára siri lé.

Loo gə́ killa rea kəm Ja̰’g 16:14

Deḛ gə́ ndilje gə́ yèr, deḛ ra nékɔbje d’aw rɔ mbaije gə́ dɔ naŋg nee’g lai mbo̰ dee mba kɔm dee loo-rɔ’g ndɔ boo-oŋg lə Ala yeḛ gə́ njedum dɔ néje lai lé.

Loo gə́ killa rea kəm Ja̰’g 16:7

M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.

Loo gə́ killa rea kəm Ja̰’g 19:4

Ŋgatɔgje rɔ-joo-gir-dee-sɔ gə nékundaje lə Ala gə́ d’aw kəmba sɔ lé d’ula dɔ dee naŋg d’wa Ala gə́ si kalimbai’g lé meḛ dee’g, deḛ pana: Amen! Aleluia!

Loo gə́ killa rea kəm Ja̰’g 21:22

M’oo kəi-Ala mee ɓee-boo’g neelé el, mbata Ala gə́ to Mbaidɔmbaije gə́ Bao-siŋgamoŋ deḛ gə Ŋgonbad lé deḛ nja to gə́ kəiyee.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana:

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.

Loo gə́ killa rea kəm Ja̰’g 4:6

Loo gə́ no̰ kalimbai’g lé asəna gə tɔnɔno̰ ləm, tad rəg-rəg ləma, ndɔḭ mbənənə-mbənənə asəna gə jər gə́ ɓaree Kristal bèe ləm tɔ. Loo gə́ dan kalimbai’g ləm, gə gir kalimbai’g ləm tɔ lé nékundaje lə Ala sɔ gə́ d’aw kəmba ləm, kəm dee bula taa rɔ dee par gə́ gogo gə par gə́ no̰ dee’g ləm tɔ lé d’aar keneŋ.

Loo gə́ killa rea kəm Ja̰’g 4:9

Nékundaje gə́ d’aw kəmba lé loo gə́ deḛ d’ila riɓar dɔ yeḛ gə́ si kalimbai’g gə́ sí gə ləbee-ləbee gə nea̰ lé ɓa d’ula ne rɔnduba dəa’g ləm, deḛ rəa oiyo ləm tɔ

Loo gə́ killa rea kəm Ja̰’g 5:6

M’aa loo ndá loo gə́ dan kalimbai’g ləm, gə mbuna nékundaje lə Ala sɔ gə́ d’aw kəmba ləma, gə mbuna ŋgatɔgje’g ləm tɔ lé m’oo Ŋgonbad gə́ to asəna gə ŋgonbad gə́ d’inja gə́ məs ya aar keneŋ. Ŋgonbad neelé lé gajee siri ləm, kəmee siri ləm tɔ. Deḛ ɓa gə́ ndilje lə Ala gə́ siri gə́ yeḛ ula deḛ gə́ d’un loo lad-lad dɔ naŋg nee.

Loo gə́ killa rea kəm Ja̰’g 6:1

M’aa loo gərərə m’oo Ŋgonbad ɔr nérḛdə ta maktub gə́ kára, nékundaje lə Ala gə́ sɔ lé m’oo ndu gar dee gə́ kára mbuna dee’g pata gə ndia gə́ boi wəl asəna gə ndi gə́ ndaŋg pana: Maji kari gə́ ree!

Loo gə́ killa rea kəm Ja̰’g 6:6

Ma m’oo ndu ɓar mbuna nékundaje lə Ala gə́ sɔ lé pana: Ko-wa mee ŋgo kára, lar gə́ nda kára ləm, kó-ɔrj mee ŋgo munda ya lar gə́ nda kára ləm tɔ, nɛ ubu gə mán-nduú lé d’ɔrɔ yèree el lé godo.

Loo gə́ killa rea kəm Ja̰’g 7:11

Kuraje lə Ala gə́ dara lai gugu dɔ kalimbai lé sub ləm, gə dɔ ŋgatɔgje lé ləma, gə dɔ nékundaje lə Ala gə́ sɔ gə́ d’aw kəmba lé ləm tɔ. Deḛ d’unda barmba d’ula dɔ dee naŋg no̰ kalimbai’g, d’wa Ala meḛ dee’g

Loo gə́ killa rea kəm Ja̰’g 7:15

Gelee gə́ nee ɓa d’aar ne no̰ kalimbai’g lə Ala, deḛ d’wa ne səa bua kula dan kàrá gə loondul’g mee kəi-siée’g ya. Yeḛ gə́ si kalimbai’g lé a la kəi-kubu ləa dɔ dee’g.