Loo gə́ killa rea kəm Ja̰’g 4:7 - Maktub gə́ To gə Kəmee

⁷ Nékunda lə Ala gə́ dɔtar lé to tana gə toboḭ ləm, yeḛ gə́ njekɔm’g joo to tana gə ŋgon maŋg ləm, yeḛ gə́ njekɔm’g munda lé to tana gə kəm dəw, yeḛ gə́ njekɔm’g sɔ lé to tana gə yel magəra gə́ nar bibibi ləm tɔ.

Loo gə́ killa rea kəm Ja̰’g 4:7 Iomraidhean Croise

Gḭ-Néje 49:9

Juda to ŋgon toboḭ. Ŋgonəm, i ḭ loo gə́ i tɔl né keneŋ lé tel ree! Yeḛ udu gɔlee ŋgon to naŋg to gə́ bɔ toboḭ bèe ləm, Asəna gə ko̰ toboḭ bèe ləm tɔ: Ŋga see na̰ ɓa a ndelee karee ḭta wa.

2 Samel 1:23

Sawul gə Jonatan ndigi na̰ D’unda na̰ dan kəm na̰’d Loo gə́ d’aw ne kəmba, Ndá ndɔ kwəi lə dee kara D’ya̰ na̰ el tɔ. Rɔ dee wɔilɔ pélé-pélé Unda niŋgatə̰dəje ləm, Siŋga dee kara unda ka̰ toboḭje ləm tɔ.

Gosota-Kəmkàrje 28:2

Loo gə́ ta to ɓee’g ndá mbaije bula digi-digi, Nɛ mbɔl dɔ njegosonégər gə gər gin né lé ləb ɓeeko̰ ləa Ḭ ne dɔ maree’d gə́ kédé-kédé.

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Ejekel 1:10

Deḛ lai lé loo gə́ kəm dee’g to tana gə kəm dəw bèe ləm, deḛ sɔ lai lé loo gə́ kəm dee gə́ dɔkɔl to tana gə kəm toboḭ bèe ləm, deḛ sɔ lai lé loo gə́ kəm dee gə́ dɔgel to tana gə kəm bɔ maŋg bèe ləma, deḛ sɔ lai lé loo gə́ kəm dee gə́ kára to tana gə kəm niŋgatə̰də bèe ləm tɔ.

Ejekel 1:8

Dəb rɔ deḛ gə́ sɔ-sɔ lé deḛ d’uba ji dee to gə́ ji dəw bèe gel bag dee’g bag dee’g keneŋ, deḛ sɔ lai lé kəm dee gə bag dee to keneŋ-keneŋ tɔ.

Ejekel 10:14

Nékundaje gə́ dara kára-kára lai lé kəm dee tɔ sɔ-sɔ, kəm deḛ gə́ dɔtar lé to kəm Nékunda gə́ dara ləm, kəm dee gə́ njekɔm’g joo lé to kəm dəw ləm, kəm dee gə́ njekɔm’g munda lé to kəm toboḭ ləma, kəm dee gə́ njekɔm’g sɔ lé to kəm niŋgatə̰də ləm tɔ.

Ejekel 10:21

Deḛ kára-kára lai lé kəm dee sɔ-sɔ ləm, bag dee sɔ-sɔ ləma, né gə́ to asəna gə ji dəw bèe to gel bag dee’g bag dee’g ləm tɔ.

Loo gə́ killa rea kəm Daniel’g 7:4

Yeḛ gə́ dɔtar lé to tana gə toboḭ nɛ bagee to keneŋ asəna gə ka̰ niŋgatə̰də bèe. Ma m’eaa gərərə saar loo gə́ deḛ tɔr bageeje ndá, d’unee naŋg d’uree tar gə gɔlee asəna gə dəw bèe ndá d’ar mée tel to asəna gə mee dəw bèe tɔ.

Abdias 1:4

Ɓó lé i ula kəi-sii tar to gə́ ka̰ niŋgatə̰də bèe Esé ula kəi ləi mbuna kéréméje’g kara M’a kɔsi kalaŋ kilai naŋg ya, Njesigənea̰ ɓa pa bèe.

Bula lə Israɛlje 23:24

Aa oo, to dəwje gə́ d’ḭta asəna gə ko̰ toboḭ ləm, Gə duu loo ɓururu asəna gə toboḭ gə́ ḭta bèe ləm tɔ, Yee a to naŋg el saar né gə́ yee wá lé a sɔ lai ləm, Yee a kai məs deḛ gə́ yee ar dee doo ləm tɔ.

Bula lə Israɛlje 24:9

Deḛ d’udu kəji dee ndugu to ne naŋg asəna gə toboḭ, asəna gə ko̰ toboḭ bèe: See na̰ ɓa a kar dee d’uba naŋg d’ḭ wa. Maji kar ndutɔr nai gə yeḛ gə́ tɔr ndia dɔ sí’g ləm, Maji kar ndɔl wa dɔ yeḛ gə́ pata ila ne ndɔl dɔ sí’g ləm tɔ!

1 Njé gə́ Kɔrḭtə 14:20

Ŋgakɔmje, ta gə́ wɔji dɔ kɔr kəm ta lé maji kar sí tɔgje dɔ’g kaŋ-kaŋ ɓó telje ŋganje keneŋ el. Ta gə́ yèr ɓa maji kar sí toje ŋganje gə́ kas dɔ’g.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,

Loo gə́ killa rea kəm Ja̰’g 4:6

Loo gə́ no̰ kalimbai’g lé asəna gə tɔnɔno̰ ləm, tad rəg-rəg ləma, ndɔḭ mbənənə-mbənənə asəna gə jər gə́ ɓaree Kristal bèe ləm tɔ. Loo gə́ dan kalimbai’g ləm, gə gir kalimbai’g ləm tɔ lé nékundaje lə Ala sɔ gə́ d’aw kəmba ləm, kəm dee bula taa rɔ dee par gə́ gogo gə par gə́ no̰ dee’g ləm tɔ lé d’aar keneŋ.

Loo gə́ killa rea kəm Ja̰’g 6:3

Loo gə́ Ŋgonbad lé ɔr nérḛdə gə́ njekɔm’g joo lé ndá m’oo ndu nékunda lə Ala gə́ njekɔm’g joo lé pana: Maji kari gə́ ree.

Loo gə́ killa rea kəm Ja̰’g 6:5

Loo gə́ Ŋgonbad lé ɔr nérḛdə gə́ njekɔm’g munda ndá m’oo ndu nékunda lə Ala gə́ njekɔm’g munda lé pana: Maji kari gə́ ree. M’aa loo gərərə ndá m’oo kunda-nduli. Njekubá lé nékwɔji kwɔi lə néje to jia’g.

Loo gə́ killa rea kəm Ja̰’g 6:7

Ŋgonbad lé ɔr nérḛdə ta maktub gə́ njekɔm’g sɔ lé ndá m’oo ndu nékunda lə Ala gə́ njekɔm’g sɔ lé pana: Maji kari gə́ ree.