Loo gə́ killa rea kəm Ja̰’g 4:5 - Maktub gə́ To gə Kəmee

⁵ Ndi gə́ tel ləm, gə ndaŋg ləma, gə ndu dəwje gə́ ɓar ləm tɔ lé teḛ dan kalimbai’g lé. Néje d’asəna gə pərŋgelje siri ndɔḭ no̰ kalimbai’g lé ndɔḭ wər-wər, deḛ nja to ndilje lə Ala gə́ siri lé.

Loo gə́ killa rea kəm Ja̰’g 4:5 Iomraidhean Croise

Gḭ-Néje 15:7

Njesigənea̰ ulá tɔɓəi pana: Ma nja m’to Njesigənea̰ gə́ m’ari unda loo mee ɓee gə́ Ur, ɓeeko̰ gə́ Kalde teḛ lé gə mba kari naŋg neelé gə́ kaḭ ya.

2 Sôrta Gḭka Israɛlje 4:20

Gə kag pərndɔje gə néndogóje lə dee gə́ ra gə larlɔr gə́ àr ŋgad-ŋgad Gə mba kɔs pər keneŋ gə goo ndukun Gə́ wɔji dɔ kəi gə́ to gə kəmee ləm,

Pakɔsje 68:35

Ulaje rɔnduba dɔ Ala’g lé ya, Boo-ronduba ləa o̰ ɓee dɔ Israɛlje’g ləm, Siŋgamoŋ ləa ḭ sém loo gə́ tar ləm tɔ.

Teḛ-Raga 19:16

Ndɔ gə́ njekɔm’g munda teḛ gə ndɔ lé ndi ndaŋg ləm, ndi tel ləma, ndi ḭ ŋgwɔḭ-ŋgwɔḭ ɔn dɔ mbal ləm tɔ, ndu to̰to̰ ɓar po̰-po̰, ar koso-dəwje lai gə́ d’isi loo-si dee’g neelé ɓəl unda dee badə gaŋg dee .

Teḛ-Raga 20:18

Koso-dəwje lai d’oo ndu ndaŋg lə ndi ləm, gə telje lə ndi ləma, gə ndu to̰to̰ gə́ ɓar ləm tɔ, deḛ d’oo ndo̰ pərje gə sa pər gə́ tuu dɔ mbal’g lé. Koso-dəwje d’oo néje neelé ndá ar dee d’unda bala ləm, ar dee d’ɔr rɔ dee d’aar ne əw ləm tɔ.

Teḛ-Raga 25:37

D’a ra pərndɔje siri mba kunda dee dəa’g tar gao-gao mba kar dee ndogó nea̰’g.

Teḛ-Raga 37:23

Yeḛ ra pərndɔje siri gə́ wɔji dəa ləm, gə nétɔl pərje ləma, gə né kɔm bu pərje keneŋ ləm tɔ lé ra dee gə larlɔr gə́ àr ŋgad-ŋgad ya.

Ejekel 1:13

Kunda rɔ lə nékundaje neelé to asəna gə kɔr pər gə́ taa gəgəgə bèe ləm, to asəna gə pərŋgelje bèe ləm tɔ ndá pər neelé aw mbuna nékundaje’d gə́ yo gə́ nee, ndogó ləa tèl wərə-wərə tɔ.

Jakari 4:2

Yeḛ dəjim pana: See ɗi ɓa m’oo wa. Ma m’ilá keneŋ pana: M’aa loo m’oo ndá aa oo, kag pərndɔ gə́ ra gə larlɔr ya lai gə́ kuée to dɔ’g ar pərndɔje siri to keneŋ ləm, kulaje gə́ ka̰ kunda pər ta’d gə́ aw un ubu gə́ wɔji dɔ pərndɔje lé as siri to dɔ kagee gə́ tar ləm tɔ.

Matiyo 25:1

Ɓeeko̰ gə́ dara lé to asəna kára ba gə ŋgama̰dje gə́ dɔg gə́ d’odo néndogóje lə dee teḛ d’aw gə mba tila kəm njedené-sigi.

Matiyo 3:11

Ma m’ra sí batɛm gə mán gə mba kar sí waje ne ndòo rɔ sí dɔ kaiya’g lə sí nɛ yeḛ gə́ si ree goom’g lé siŋgá ur dɔm’g, m’askəm kodo markob ləa lé kaw kɔm el. Yeḛ nja ɓa a ra sí batɛm gə Ndilmeenda gə pər tɔ.

Néra Njékaḭkulaje 2:3

Yen ŋga ndo̰ néje asəna gə ndo̰ pər teḛ kəm dee’g təsərə-təsərə kai na̰ d’aar dɔ dee’g kára-kára lai.

Loo gə́ killa rea kəm Ja̰’g 1:4

Ma Ja̰ m’ula gə maktub m’ar Eglisəje gə́ siri gə́ to Asi. Maji kar meemaji gə meelɔm nai sə sí ya, ka̰ yeḛ gə́ si gən, gə si dɔtar lé, si ree ləm, ka̰ ndilje gə́ siri gə́ d’aar no̰ kalimbai’g ləa ləma,

Loo gə́ killa rea kəm Ja̰’g 10:3

ndá yeḛ pata gə ndia gə́ boi wəl asəna gə ndu no̰ lə toboḭ bèe. Loo gə́ yeḛ pata mba̰ ndá ndi ndaŋg asəna gə gɔl siri.

Loo gə́ killa rea kəm Ja̰’g 11:19

Kəi-Ala gə́ to dara lé təa ɔr to tag, ar sa̰duk-manrɔ gə́ yeḛ man ne rəa lé to raga ndəgəsə. Ndi tel ləm, dəwje d’unda bula ləm, ndi ndaŋg ləm, naŋg yə ɓugu-ɓugu ləma, ndi kwɔji kara ər ɓai-ɓai ləm tɔ.

Loo gə́ killa rea kəm Ja̰’g 3:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Sardes pana: Aa oo, yeḛ gə́ ndilje lə Ala gə́ siri gə kéréméje gə́ siri to jia’g lé yeḛ nja pana: Ma m’gər nérai ya. Deḛ d’ooi gə́ dəw gə́ si kəmba, nɛ ma m’gər gao i to gə́ nin dəw.

Loo gə́ killa rea kəm Ja̰’g 5:6

M’aa loo ndá loo gə́ dan kalimbai’g ləm, gə mbuna nékundaje lə Ala sɔ gə́ d’aw kəmba ləma, gə mbuna ŋgatɔgje’g ləm tɔ lé m’oo Ŋgonbad gə́ to asəna gə ŋgonbad gə́ d’inja gə́ məs ya aar keneŋ. Ŋgonbad neelé lé gajee siri ləm, kəmee siri ləm tɔ. Deḛ ɓa gə́ ndilje lə Ala gə́ siri gə́ yeḛ ula deḛ gə́ d’un loo lad-lad dɔ naŋg nee.

Loo gə́ killa rea kəm Ja̰’g 8:5

Kura gə́ dara lé un bai-larlɔr, odo ne yel pər gə́ to dɔ loo-nékinjaməs’g ɔm mée’g aree rusu ɓa unda ilá dɔ naŋg nee. Ndu dəwje ɓar yi-yi ləm, ndi tel ləm, ndi ndaŋg ləma, naŋg yə ləm tɔ.