Loo gə́ killa rea kəm Ja̰’g 4:2 - Maktub gə́ To gə Kəmee

² Léegəneeya Ndil taa məəm yal-yal. Aa ooje, kalimbai to dara ndá dəw kára si keneŋ.

Loo gə́ killa rea kəm Ja̰’g 4:2 Iomraidhean Croise

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

Pakɔsje 11:4

Njesigənea̰ si mee kəi’g ləa gə́ to gə kəmee doi lé ya. Njesigənea̰ lé kalimbai ləa to mee dara’g, Kəmee ɓa aa ne loo gərərə ləm, Kəmee lé tən ne dəwje soo-soo ləm tɔ.

Esai 6:1

Mee ləb kwəi’g lə mbai Ojias lé, ma m’oo Mbaidɔmbaije gə́ si dɔ kalimbai gə́ to tar sab, ar ta kubu ləa gə́ ŋgal yududu taa loo mee kəi-Ala’g pəl-pəl.

Jeremi 17:12

Kalimbai rɔnduba gə́ d’ɔree d’unda ɗaŋg kédé gə́ dɔtar lé to keneŋ, Yee ɓa to loo gə́ kəi lə sí gə́ to gə kəmee to keneŋ.

Ejekel 1:26

Dɔ dara gə́ tar gə́ ɔn dɔ dee lé né kára to keneŋ tana gə mbal gə́ ɓaree sapir gə́ ndajee gə́ kalimbai, tɔɓəi dɔ né gə́ ndajee gə́ kalimbai lé né teḛ keneŋ asəna gə dəw gə́ d’unda dɔ’g tar ndoi bèe.

Ejekel 1:28

Né gə́ ndogó ɔr jol-jol gə́ gugu dəa sub lé kunda rɔ ləa to asəna gə ŋgaoburandi gə́ teḛ dan kil-lə-ndi ndɔ kər’g lə ndi bèe, yee ɓa to né gə́ ndaji rɔnduba lə Njesigənea̰. Loo gə́ m’oo né neelé ndá m’oso m’dəb kəm naŋg ləm, m’oo ndu dəw gə́ pa ne ta ləm tɔ.

Ejekel 10:1

Ma m’aa loo gərərə ndá aa oo, pən-loo gə́ tar gə́ to dɔ Nékundaje gə́ dara’g lé né gə́ to asəna gə mbal gə́ ɓaree sapir bèe to keneŋ. Tɔɓəi né gə́ to asəna gə kalimbai bèe to dɔ dee’g tar.

Loo gə́ killa rea kəm Daniel’g 7:9

Loo gə́ m’aw m’aa loo ɓəi ndá, m’oo kalimbaije gə lée-lée ndá d’ar Dəw gə́ ɓuga yaa̰ si dɔ’g. Kubu ləa tɔ ndá kələw-kələw asəna gə kəwje ləm, yiŋga dəa to asəna gə bḭ badə gə́ àr ŋgad-ŋgad ləm tɔ. Kalimbai ləa to asəna gə ndo̰ pərje ləm, gɔl kalimbaije gə́ to asəna gə gɔl pusu lé o̰ bilim-bilim to gə́ pər bèe ləm tɔ.

Matiyo 22:43

Jeju tel dəji dee pana: Bèe ŋga see ban ɓəi ɓa Dabid ɓaree Mbaidɔmbaije loo gə́ Ndil ula ta mée’g aree pana:

Ǝbrəje 8:1

Ŋgaw dan ta gə́ jeḛ m’pa lé ɓa nee: Ŋgɔ-njekinjanéməs lə sí lé si gən, yeḛ si dɔ jikɔl Bao gə́ njesisémdara gə́ si kalimbai’g dan dara’g dana bab.

Loo gə́ killa rea kəm Ja̰’g 1:10

Ndɔ lə Mbaidɔmbaije lé Ndil taa məəm yal-yal ndá m’oo ndu dəw ɓar girm’g wəl asəna gə ndu to̰to̰ gə́ ɓar bèe,

Loo gə́ killa rea kəm Ja̰’g 12:5

Yeḛ oji ŋgon gə́ diŋgam gə́ a ko̰ ginkoji dəwje gə raŋg lai gə́ kag-lar. Ŋgonee lé d’undá d’unee d’aw səa par gə́ rɔ Ala’g ləm, gə no̰ kalimbai’g ləa ləm tɔ.

Loo gə́ killa rea kəm Ja̰’g 17:3

Ndil unm aw səm dɔdilaloo’g. M’oo dené si gir da-kas’g, da lé ri néndɔlje taa rəa pəl-pəl. Dəa siri ləm, gajee dɔg ləm tɔ.

Loo gə́ killa rea kəm Ja̰’g 19:4

Ŋgatɔgje rɔ-joo-gir-dee-sɔ gə nékundaje lə Ala gə́ d’aw kəmba sɔ lé d’ula dɔ dee naŋg d’wa Ala gə́ si kalimbai’g lé meḛ dee’g, deḛ pana: Amen! Aleluia!

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Loo gə́ killa rea kəm Ja̰’g 21:10

Ndil taa məəm yal-yal ndá unm aw səm dɔ mbal gə́ boi gə́ ŋgal léŋgé-léŋgé’g. Yeḛ am m’oo ɓee-boo gə́ to gə kəmee, Jerusalem gə́ ḭ dara rɔ Ala’g lé ree naŋg nee.

Loo gə́ killa rea kəm Ja̰’g 21:5

Yeḛ gə́ si kalimbai’g lé pana: Aa ooje, neḛ n’tum gin néje lai sigi. Tɔɓəi yeḛ ulam pana: Maji kam m’ndaŋg ta neelé mee maktub’g mbata ta neelé to kankəmta gə́ to njaŋg.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.

Loo gə́ killa rea kəm Ja̰’g 4:10

Ndá ŋgatɔgje gə́ rɔ-joo-gir-dee-sɔ lé d’unda barmba dəb kəm dee naŋg no̰ yeḛ gə́ si kalimbai’g lé gə́ si gə ləbee-ləbee gə nea̰ d’wá ne meḛ dee’g ləm, deḛ tɔr ne dɔgugu lə dee d’ɔm no̰ kalimbai’g lé ləm tɔ pana:

Loo gə́ killa rea kəm Ja̰’g 4:5

Ndi gə́ tel ləm, gə ndaŋg ləma, gə ndu dəwje gə́ ɓar ləm tɔ lé teḛ dan kalimbai’g lé. Néje d’asəna gə pərŋgelje siri ndɔḭ no̰ kalimbai’g lé ndɔḭ wər-wər, deḛ nja to ndilje lə Ala gə́ siri lé.

Loo gə́ killa rea kəm Ja̰’g 4:9

Nékundaje gə́ d’aw kəmba lé loo gə́ deḛ d’ila riɓar dɔ yeḛ gə́ si kalimbai’g gə́ sí gə ləbee-ləbee gə nea̰ lé ɓa d’ula ne rɔnduba dəa’g ləm, deḛ rəa oiyo ləm tɔ

Loo gə́ killa rea kəm Ja̰’g 5:1

Tɔɓəi ma m’oo maktub jikɔl yeḛ gə́ si dɔ kalimbai’g gə́ ndaŋg ta mée’g toroŋ ləm, gə giree’g toroŋ ləm tɔ. Maktub lé rḛdə təa loo-siri.

Loo gə́ killa rea kəm Ja̰’g 5:13

Nékundaje lə Ala gə́ gə ri dee ri dee mbuna dara’g ləm, gə dɔ naŋg nee ləm, gə gin naŋg’d ləm, gə dan baa-boo-kad’g ləma, gə néje gə́ gə ria-ria gə́ to keneŋ ləm tɔ lé ma m’oo ndu dee ɓar pana: Yeḛ gə́ si kalimbai’g ləm, Gə Ŋgonbad ləm tɔ lé Maji kar dɔ ri dee ai səgərə-səgərə ləm, Maji kar ta pidi gə riɓar gə rɔnduba gə siŋgamoŋ To ka̰ dee gə ləb dee ləb dee saar gə no̰.

Loo gə́ killa rea kəm Ja̰’g 6:16

Deḛ ra ndòo rɔ mbalje’g gə pil mbalje’g pana: Juraje, juraje dɔ sí’g, mba kar kəm yeḛ gə́ si kalimbai’g lé oo sí el ləm, mba kar oŋg gə́ ḭ gə Ŋgonbad lé wa dɔ sí el ləm tɔ.