Loo gə́ killa rea kəm Ja̰’g 4:10 - Maktub gə́ To gə Kəmee

¹⁰ Ndá ŋgatɔgje gə́ rɔ-joo-gir-dee-sɔ lé d’unda barmba dəb kəm dee naŋg no̰ yeḛ gə́ si kalimbai’g lé gə́ si gə ləbee-ləbee gə nea̰ d’wá ne meḛ dee’g ləm, deḛ tɔr ne dɔgugu lə dee d’ɔm no̰ kalimbai’g lé ləm tɔ pana:

Loo gə́ killa rea kəm Ja̰’g 4:10 Iomraidhean Croise

1 Sôrta Gḭka-Israɛlje 29:20

Dabid ula koso-dəwje lai pana: Pidije Njesigənea̰, Ala lə sí. Ndá koso-dəwje lai lé pidi Njesigənea̰, Ala lə bɔ deeje-je ya tɔ. Tɔɓəi deḛ d’unda barmba dəb kəm dee naŋg no̰ Njesigənea̰’g ləm, gə no̰ mbai’g ləm tɔ.

2 Sôrta Gḭka Israɛlje 7:3

Israɛlje lai d’aa loo d’oo pər gə rɔnduba lə Njesigənea̰ gə́ ree dɔ kəi’g neelé ndá léegəneeya d’unda barmba dəb kəm dee naŋg d’wa Njesigənea̰ meḛ dee’g pidee ne pana: Yeḛ lé maji dum ləm, meekɔrjol ləa to saar-saar gə no̰ ləm tɔ.

Maktub gə́ wɔji dɔ Jɔb 1:20

Yen ŋga Jɔb ḭta til kubu ləa gə́ boi yul rəa’g ləm, ndisa dəa ŋgori-ŋgori ləm tɔ, tɔɓəi yeḛ oso naŋg bəbərə dəb kəmee naŋg

Pakɔsje 115:1

Ǝi Njesigənea̰, kəm kar síjeḛ ɓa j’iŋga riɓar el, Kəm kar síjeḛ ɓa jḭga riɓar el, Nɛ kəm kar dee d’ula rɔnduba dɔ rii-i’g ɓa Mbata meemaji ləi gə meenda londoŋ ləi lé.

Pakɔsje 47:8

Mbata Ala to mbai gə́ o̰ ɓee dɔ naŋg nee lai, Maji kar sí ɔsje pa kula rɔnduba dəa’g areeje ya!

Pakɔsje 72:11

Mbaije gə́ dɔ naŋg nee lai d’a kunda barmba nea̰’g ləm, Ginkoji dəwje gə raŋg lai lé d’a ra kula karee ya ləm tɔ.

Pakɔsje 95:6

Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

Esai 6:1

Mee ləb kwəi’g lə mbai Ojias lé, ma m’oo Mbaidɔmbaije gə́ si dɔ kalimbai gə́ to tar sab, ar ta kubu ləa gə́ ŋgal yududu taa loo mee kəi-Ala’g pəl-pəl.

Loo gə́ killa rea kəm Daniel’g 12:7

Ndá ma m’oo ndu dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé. Yeḛ odo jia bɔr par gə́ dara ndá yeḛ man rəa gə ri yeḛ gə́ njesi gə ləbee-ləbee gə nea̰ gə mba kar né neelé a to dɔkurloo kára ləm, gə dɔkurlooje ləma, gə ges dɔkurloo ləm tɔ. Loo gə́ siŋga dəwje gə́ to gə kəmee lé a gur rug-rug mba̰ ɓa néje neelé d’a godo ɓəi.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Matiyo 2:11

Deḛ d’andə mee kəi’g ndá d’oo ŋgonkas gə kea̰je gə́ Mari lé. Deḛ d’unda barmba dəb kəm dee naŋg nea̰’g. Tɔɓəi deḛ teḛ gə nébaoje lə dee d’wa ne səa noji, d’aree larlɔr ləm, gə no̰ kag gə́ ə̰də sululu ləma, gə timbá ləm tɔ.

Lugu 24:52

Deḛje neelé loo gə́ deḛ d’wá meḛ dee’g mba̰ ndá deḛ d’ɔs tel gə boo-rɔlel meḛ dee’g d’aw Jerusalem.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

Tel tura Godndu 32:40

Mbata m’odo jim par gə́ dara ndá, Ma m’pana: M’isi kəmba gə ləbm ləbm Saar-saar gə no̰.

Loo gə́ killa rea kəm Ja̰’g 10:6

ndá yeḛ ubu rəa gə ri yeḛ gə́ si kəmba gə ləbee-ləbee saar-saar gə no̰ lé yeḛ gə́ unda dara gə néje lai gə́ to keneŋ ləm, gə unda naŋg nee gə néje lai gə́ to keneŋ ləma, gə unda baa-boo-kad gə néje lai gə́ to keneŋ ləm tɔ pana: Lée godo ŋga.

Loo gə́ killa rea kəm Ja̰’g 11:16

Ŋgatɔgje gə́ rɔ-joo-gir-dee-sɔ gə́ d’isi no̰ Ala’g dɔ kalimbaije’g lə dee lé deḛ d’unda barmba dəb kəm dee naŋg d’wa ne Ala meḛ dee’g.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.

Loo gə́ killa rea kəm Ja̰’g 15:7

Yeḛ gə́ kára mbuna nékundaje’g lə Ala gə́ d’aw kəmba sɔ lé odo bai-larlɔrje siri gə́ oŋg lə Ala gə́ njesikəmba gə ləbee-ləbee gə no̰ lé rusu tub-tub ndá yeḛ ar kuraje gə́ dara kára-kára siri lé.

Loo gə́ killa rea kəm Ja̰’g 19:4

Ŋgatɔgje rɔ-joo-gir-dee-sɔ gə nékundaje lə Ala gə́ d’aw kəmba sɔ lé d’ula dɔ dee naŋg d’wa Ala gə́ si kalimbai’g lé meḛ dee’g, deḛ pana: Amen! Aleluia!

Loo gə́ killa rea kəm Ja̰’g 4:2

Léegəneeya Ndil taa məəm yal-yal. Aa ooje, kalimbai to dara ndá dəw kára si keneŋ.

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.

Loo gə́ killa rea kəm Ja̰’g 4:9

Nékundaje gə́ d’aw kəmba lé loo gə́ deḛ d’ila riɓar dɔ yeḛ gə́ si kalimbai’g gə́ sí gə ləbee-ləbee gə nea̰ lé ɓa d’ula ne rɔnduba dəa’g ləm, deḛ rəa oiyo ləm tɔ

Loo gə́ killa rea kəm Ja̰’g 5:14

Nékundaje lə Ala gə́ sɔ gə́ d’aw kəmba lé pana: Amen! Ndá ŋgatɔgje lé d’unda barmba d’ula dɔ dee naŋg d’wa ŋgon badə lé meḛ dee’g sudu.

Loo gə́ killa rea kəm Ja̰’g 5:8

Loo gə́ yeḛ taa maktub lé mba̰ ndá nékundaje lə Ala sɔ gə́ d’aw kəmba ləm, gə ŋgatɔgje rɔ-joo-gir-dee-sɔ ləm tɔ d’unda barmba d’ula dɔ dee naŋg no̰ Ŋgonbad’g lé. Deḛ kára-kára lai d’isi gə kṵdu-kagje ləm, bai-larlɔrje gə́ né ə̰də sululu rusu mee dee tub-tub to ji dee’g kára-kára lai ləm tɔ. Yee ɓa gə́ tamaji ra lə deḛ gə́ to gə kəmee.

Loo gə́ killa rea kəm Ja̰’g 7:11

Kuraje lə Ala gə́ dara lai gugu dɔ kalimbai lé sub ləm, gə dɔ ŋgatɔgje lé ləma, gə dɔ nékundaje lə Ala gə́ sɔ gə́ d’aw kəmba lé ləm tɔ. Deḛ d’unda barmba d’ula dɔ dee naŋg no̰ kalimbai’g, d’wa Ala meḛ dee’g