Loo gə́ killa rea kəm Ja̰’g 3:9 - Maktub gə́ To gə Kəmee

⁹ Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.

Loo gə́ killa rea kəm Ja̰’g 3:9 Iomraidhean Croise

Este 8:17

Mee dəb ɓeeko̰je kára kára lai ləm, gə mee ɓee-booje kára kára lai ləm tɔ lé loo gə́ d’ila mber ndukun lə mbai keneŋ ndá loo gə́ mbuna Jibje’g lé rɔlel gə boo-rɔkal gə ra muru-gad gə ra naḭje ɓa to keneŋ ya. Tɔɓəi dəwje bula mbuna koso-dəwje gə́ mee ɓee’g tel rɔ dee gə́ Jibje mbata ɓəl gə́ deḛ ɓəl Jibje lé ɓa unda dee badə gaŋg dee tɔ.

Teḛ-Raga 11:8

Togə́bè ɓa kuraje ləi lai gə́ d’aar neelé d’a rəm pər gə́ rɔm’g ləm d’a kunda barmba nɔm’g ndá d’a kulam pana: Maji kam m’teḛ, ma ləm gə dəwje lai gə́ d’wa kilam lé. Gée gə́ gogo m’a teḛ kaw ya. Moyis unda loo mee kəi’g lə Parao̰ teḛ gə oŋg gə́ aw səa biriri-biriri ya.

Esai 43:4

To gə́ seḭ toje né gə́ to ŋgonkəm ləm, To gə́ seḭ toje nériɓar gə́ m’unda sí dan kəm’g ləm tɔ Ndá ma m’ar dəwje m’taa ne tor sí ləm, M’ar koso-dəwje mba kaji sí ne ləm tɔ.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Tagə́maji gə́ Ja̰ ndang 17:23

Ma lé m’isi meḛ dee’g ləm, i kara si məəm’g ləm tɔ, yee ɓa d’a kɔm na̰’d kára ba téréré ya ndá njé gə́ naŋg nee lé d’a gər gao to gə́ i ɓa gə́ njekulam ləm, i unda dee dan kəmi’g to gə́ i undam-ma dan kəmi’g bèe ya ləm tɔ.

Loo gə́ killa rea kəm Ja̰’g 2:9

Ma m’oo néurti gə́ rai ləm, gə ndòo gə́ teḛ dɔi’g ləm tɔ, nɛ i to gə́ bao ɓəi. Deḛ gə́ gaŋgta d’ɔm tai’g ləm, gə deḛ gə́ ɓar rɔ dee Jibje ɓa deḛ to gə́ Jibje el nɛ deḛ nja to gə́ kəi-kwa-dɔ-na̰ lə Njekurai ləm to lé ma m’oo dee gao ya tɔ.

1 Samel 2:36

Nana ɓa gə́ nai mee kəi’g ləi ndá a ree kɔs kəjee naŋg nea̰’g ɓa gə́ mba taa ne ŋgon larnda əsé goŋ muru, tɔɓəi a pana: M’ra ndòo rɔi’g mba kari am kula mee kəi nékinjaməs’g mba kam m’iŋga ne goŋ muru m’o̰ ya.