Loo gə́ killa rea kəm Ja̰’g 3:2 - Maktub gə́ To gə Kəmee

² Teḛ kəmi ndá deḛ gə́ ta yoo dee nai tebdé bèe lé maji kari to gə́ kag gəd dee, mbata nérai lé m’oo gə́ né gə́ maji ɔr njoroŋ no̰ Ala’g el.

Loo gə́ killa rea kəm Ja̰’g 3:2 Iomraidhean Croise

1 Mbaije 11:4

Loo gə́ Salomo̰ ɓuga ndá denéje ləa tel mée gə́ dɔ magəje’g ndá yeḛ ar mée to kára ba sur dɔ Njesigənea̰, Ala’g lé ləa to gə́ bɔbeeje gə́ Dabid bèe lé el ŋga.

1 Mbaije 15:3

Yeḛ ya̰ rəa yag dan kaiyaje lai gə́ bɔbeeje ra kédé nea̰’g lé ndá yeḛ ar mée gə́ tḛ́ bèe ya kara to dɔ Njesigənea̰, Ala’g lé ləa to gə́ keaje Dabid bèe el.

2 Sôrta Gḭka Israɛlje 25:2

Yeḛ ra né gə́ danasur kəm Njesigənea̰’g nɛ lé togə́bè kara yeḛ ra gə mée gə́ kára ba sur el.

Maktub gə́ wɔji dɔ Jɔb 16:5

M’a kula diŋgam meḛ sí’g gə ta gə́ tam’g ləm, Dɔ tam gə́ o̰ ɗèm-ɗèm lé m’a gɔl ne meḛ sí ləm tɔ.

Esai 35:3

Ji síje gə́ d’unda ndolè lé Ar deeje ɓar mèr-mèr ləm, Kəji sí gə́ unda bala lé kara Aarje ne tar jigiri ləm tɔ.

Esai 56:10

Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 57:12

M’a gə kila mber néra sí gə́ gə dɔ najee Ndá kula ra síje lé A kiŋgaje ne né kára kara keneŋ el.

Ejekel 34:16

Yeḛ gə́ igi lé n’a saŋgee ləm, yeḛ gə́ ndəm lé kara n’a ndolee ree səa ləm, yeḛ gə́ iŋga doo lé n’a tɔ ta doo ləa ləma, yeḛ gə́ rəa tée lé n’a kar siŋgá ḭ dɔ maree’g ləm tɔ. Nɛ deḛ gə́ rɔ dee to ndəb-ndəb gə́ to njésiŋgaje lé n’a kar dee godo. Neḛ ndigi kul dee gə goo rəbee sur.

Loo gə́ killa rea kəm Daniel’g 5:27

TEKEL: Yeḛ wɔji kwɔi ləi dɔ nékwɔji kwɔi lə né’g ndá oo to gə́ i wɔilɔ pélé-pélé.

Jakari 11:16

Mbata aa oo, n’a kar njekulbadje gə́ raŋg kára ḭ mee ɓee’g neelé gə́ mée a to dɔ badje gə́ d’isi tuji lé el. Yeḛ a kaw saŋg ŋgan badje el ləm, yeḛ a tɔ ta doo lə deḛ gə́ d’iŋga lé el ləm, yeḛ a kaa dɔ deḛ gə́ rɔ dee to kari el ləm tɔ. Nɛ yeḛ a sɔ deḛ gə́ d’ər ndəb-ndəb ləm, yeḛ a sɔ deḛ gə́ d’ər ndəb-ndəb saar teḛ ne mèr gɔl dee gə́ naŋg ləm tɔ.

Matiyo 23:5

Deḛ ra né gə mba kəm dəwje ba. Yee gə́ bèe ɓa deḛ ndaŋg ji kubuje lə dee d’aree tad bəgə-bəgə ləm, deḛ tɔs kula ta kubuje’g d’aree ŋgal yao-yao ləm tɔ.

Matiyo 25:13

Maji kar sí síje kəmba mbata seḭ gərje ndəa əsé kàree el.

Matiyo 25:7

Yen ŋga deḛ ŋgama̰dje neelé d’ḭta gɔl néndogóje lə dee.

Néra Njékaḭkulaje 18:23

Loo gə́ Pool si Antiɔs waga ndá yeḛ un rəw aw gə loo-loo dəb ɓeeko̰ gə́ Galati ləm, gə Prigi ləm tɔ ula ne diŋgam meḛ njékwakiláje’g lai-lai ya.

Tel tura Godndu 3:28

Un ndui ar Juje ləm, ula diŋgam mée’g ləma, ar siŋgá ḭ dɔ maree’g ləm tɔ, mbata yeḛ nja ɓa a kaw no̰ koso-dəwje’g neelé ləm, yeḛ nja ɓa a kunda dee mee ɓee gə́ a gə kaa gə kəmi lé ləm tɔ.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.

Loo gə́ killa rea kəm Ja̰’g 16:15

Aa ooje, m’a gə teḛ dɔ sí’g asəna gə njeɓogo gə́ teḛ wai bèe. Yeḛ gə́ si kəmba gə si gə kubu rəa’g ɓó aw gə kudee dum ba ar dee d’oo rɔkul ləa el ndá rəa a lelee yaa̰.

Loo gə́ killa rea kəm Ja̰’g 2:4

Nɛ né kára gə́ to gə goo rəbee el lé yee ɓa ma m’ndaŋgi dɔ’g. Kédé lé i undam dan kəmi’g nɛ ɓasinè i ya̰ goom yɔgɔ.

Loo gə́ killa rea kəm Ja̰’g 3:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Sardes pana: Aa oo, yeḛ gə́ ndilje lə Ala gə́ siri gə kéréméje gə́ siri to jia’g lé yeḛ nja pana: Ma m’gər nérai ya. Deḛ d’ooi gə́ dəw gə́ si kəmba, nɛ ma m’gər gao i to gə́ nin dəw.

Loo gə́ killa rea kəm Ja̰’g 3:3

Ar məəi olé dɔ ta gə́ i ndoo’g taa gə məəi ləm, reḛ́ keneŋ rḛ́-rḛ́ ləm tɔ ndá wa ndòo rɔi dɔ kaiya’g ləi tɔ. Ɓó lé i teḛ kəmi el ndá m’a teḛ dɔi’g asəna gə njeɓogo bèe nɛ i a gər kàree gə́ m’a gə teḛ ne dɔi’g el.