Loo gə́ killa rea kəm Ja̰’g 3:19 - Maktub gə́ To gə Kəmee

¹⁹ Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.

Loo gə́ killa rea kəm Ja̰’g 3:19 Iomraidhean Croise

2 Samel 7:14

M’a to bɔbeeje ləm, yeḛ a to ŋgonəm ləm tɔ. Ɓó lé yeḛ ra majel ndá m’a kundá gə ndəi kwɔjee ne kəmkàr ləm, gə ndəi kunda ŋganje ya ləm tɔ.

Maktub gə́ wɔji dɔ Jɔb 5:17

Rɔlel nai gə dəw gə́ Ala wɔjee kəmkàr, Maji kari ɔs takwɔji-kəmkàr lə Bao-siŋgamoŋ rəw el.

Pakɔsje 39:11

Maji kari tel gə ndəije ləi dɔm’g gə́ raŋg! Jii gə́ undam neelé ɔsm naŋg ŋgɔsɔrɔ.

Pakɔsje 6:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-kag gə́ kulá jinaijoo.

Pakɔsje 69:9

Ma lé m’tel m’to gə́ mbá kəm ŋgakɔmje’g ləm, M’tel m’to dəw-dɔ-ɓee kəm ŋgalə kɔmeje-je’g ləm tɔ.

Pakɔsje 94:10

See yeḛ gə́ wɔji ginkoji dəwje gə raŋg kəmkàr ləm, Yeḛ gə́ ar dəw gosonégər ləm tɔ lé See yeḛ a kar bo̰ néra dəw ɔs təa’g el wa.

Gosota-Kəmkàrje 15:10

Yeḛ gə́ uba kila-rəw gə́ dana ya̰ lé Ndəi a kwá yaa̰ Yeḛ gə́ ə̰ji ta gə́ pa səa bəḭ-bəḭ lé A kwəi.

Gosota-Kəmkàrje 15:32

Yeḛ gə́ ɔs takwɔji-kəmkàr rəw lé Oo rəa-yeḛ nja gə́ né el, Nɛ yeḛ gə́ taa ta gə́ pa ne səa lé Iŋga gosonégər.

Gosota-Kəmkàrje 22:15

Mbə wa mee ŋgon, Ndá ndəi kwɔji kəmkàr a kɔree mée’g kilá əw.

Esai 26:16

Njesigənea̰, loo gə́ d’isi dan néurti’g lé Deḛ ndolè gooi ləm Deḛ no̰ nɔḭ’g gə tamaji Loo gə́ i ar bo̰ néra dee ɔs ta dee’g ləm tɔ.

Jeremi 10:24

Ǝi Njesigənea̰, maji kari wɔjim kəmkàr Nɛ gə goo rəbee ɓa, Ɓó gə oŋg el, nà a tujim pugudu.

Jeremi 2:30

Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 31:18

M’oo ndu no̰ lə Eprayimje gə́ pana: I wɔji sí kəmkàr ndá jeḛ j’ooje ya Asəna gə ŋgon maŋg Gə́ ndée né bèe. Maji kari ar sí n’tel n’reeje Ndá j’a tel reeje ya. Mbata i nja to Ala lə sí gə́ Njesigənea̰.

Jeremi 7:28

Bèe ɓa maji kari ula dee togə́bè pana: Seḭ toje ginkoji dəwje gə́ d’un mbi dee rəw dɔ ta’g lə Njesigənea̰, Ala lə dee ləm, deḛ ndigi taa tandooje ləa el ləm tɔ, kankəmta sané rɔ dee’g pa ɓó to ta dee’g el.

Soponi 3:2

Yeḛ oo ta lə dəw kára kara el ləm, Oo takwɔji-kəmkàr gə́ né el ləm, Ɔm mée dɔ Njesigənea̰’g el ləma, Yeḛ rəm pər gə́ rɔ Ala’g ləa el ləm tɔ.

Matiyo 25:7

Yen ŋga deḛ ŋgama̰dje neelé d’ḭta gɔl néndogóje lə dee.

Tagə́maji gə́ Ja̰ ndang 2:17

Yen ŋga mee njékwakiláje olé dɔ ta gə́ ndaŋg mee maktub’g pana: Ŋgur kəi ləi ram ŋgwɔd-ŋgwɔd ya.

Njé gə́ Rɔmə 12:11

Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije.

1 Njé gə́ Kɔrḭtə 11:32

Loo gə́ Mbaidɔmbaije gaŋgta dɔ sí’g ndá yeḛ ra gə mba kula sí ne kəmkàr ɓó mba kar tuji gə́ wa dɔ naŋg neelé wa dɔ sí el.

2 Njé gə́ Kɔrḭtə 6:9

ri sí ɓar yaa̰ nɛ deḛ gər sí gə́ dəwje el ləm, j’aw kɔgərɔ-kɔgərɔ nɛ d’oo sí gə́ yɔ-dəwje ləm, deḛ d’oo sí gə́ dəwje gə́ ta yoo wa dɔ dee nɛ jeḛ j’wəi ne el ɓəi ləm,

2 Njé gə́ Kɔrḭtə 7:11

Aa ooje, nékəmndoo nee gə́ gə goo rəw gə́ Ala wɔji lé see ar sí ɔsje ne rɔ sí ɓad el wa. Seḭ ɔsje rɔ sí ɓad gə mba kɔr ne naji dɔ sí’g ləm, seḭ osoje gə oŋg biriŋ ləm, seḭ síje gə meekaarkərm ləm, mal koo kəm ra sí ŋgwɔd-ŋgwɔd ləm, seḭ ula rɔ sí ndubu mba gɔl ta ləma, seḭ arje bo̰ néra dəw lé ɔs təa’g ləm tɔ. Seḭ amje m’oo to gə́ ta neelé né kára kara taŋ sí keneŋ el.

Njé gə́ Galati 4:18

Tədkag loo mbata lə né gə́ maji lé to né gə́ kəm ra ta-ta ɓó to mba ra loo gə́ ma m’isi mbuna sí’g lé ba el.

Tel tura Godndu 8:5

Maji kar sí gərje gao to gə́ Ala lə sí gə́ Njesigənea̰ wɔji sí kəmkàr, to gə́ dəw wɔji ne ŋgonee kəmkàr bèe tɔ.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

Loo gə́ killa rea kəm Ja̰’g 2:5

Bèe ndá maji kari ar məəi olé dɔ loo gə́ i ḭ keneŋ oso lé ɓa ɔs badm tel dɔ nérai gə́ kédé lé, ɓó lé bèe el ndá m’a ree kiŋgai kɔr ne kag pərndɔ ləi gə́ gogo. Ɓó lé i a kəw el ndá m’a ra bèe ya.