Loo gə́ killa rea kəm Ja̰’g 3:15 - Maktub gə́ To gə Kəmee

¹⁵ Ma m’gər néraije ya. Ma m’gər gao i lé to mán gə́ kul el ləm, i to mán gə́ wolé el ləm tɔ. Gə́ kul ɓa maji ləm, gə wolé ɓa maji ləm tɔ.

Loo gə́ killa rea kəm Ja̰’g 3:15 Iomraidhean Croise

1 Mbaije 18:21

Yen ŋga Eli rəm pər gə́ rɔ koso-dəwje’g ndá yeḛ pana: See ndɔ gə́ ra ɓa seḭ a kəwje rɔ sí kulaje panjaa sí na̰’d lé wa. Ɓó lé Njesigənea̰ ɓa to Ala ndá awje gée’g, ŋga ɓó lé to Baal tɔ ndá awje gée’g tɔ. Koso-dəwje tel d’ilá keneŋ el.

Gosota-Kəmkàrje 23:26

Ŋgonəm, ya̰ məəi am ləm, Maji kar rəw-kabm lé taa kəmi ləm tɔ.

Ojee 10:2

Meḛ dee tɔ joo ndá d’a koo kea̰ ya. Njesigənea̰ a gə tɔs loo-pole-magje lə dee tila ləm, A gə tuji néndajije lə dee gə́ to kɔr mbalje lé ləm tɔ.

Ojee 7:8

Eprayimje pélé na̰ Gə ginkoji dəwje gə́ raŋg ləm, Eprayimje tel to d’asəna gə bina gə́ d’ila Lal tel gelee bèe ləm tɔ.

Matiyo 10:37

Yeḛ gə́ ndigi bɔbeeje əsé kea̰je undam-ma ndá ḭ ɓee ləm el ləm, yeḛ gə́ ndigi ŋgonee gə́ diŋgam əsé ŋgonee gə́ dené undam-ma kara ḭ ɓee ləm el ləma,

Matiyo 24:12

Néra dəwje gə́ kori-kori a kḭ dɔ maree’g gə́ kédé-kédé ndá yee ɓa a kar goo meenoji lə dəwje kul ne ɗəŋ-ɗeŋ.

Matiyo 6:24

Dəw kára askəm ra kula kar ɓéeje joo el, nà banelə a kwa gə yeḛ gə́ kára mée’g nɛ a kunda yeḛ gə́ kára ɓa dan kəmee’g tɔ, əsé yeḛ a ki rəa kər-kər gə́ rɔ yeḛ gə́ kára’g nɛ a ɓaar yeḛ gə́ kára tɔ. Seḭ asjekəm kundaje-kunda Ala lé ləm, gə kundaje-kunda néhulaije gə́ dɔ naŋg nee ləm tɔ ɓa korèje ne na̰ el.

Njé gə́ Rɔmə 12:11

Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije.

1 Njé gə́ Kɔrḭtə 16:22

Nana ɓa gə́ ndigi Mbaidɔmbaije gə meekɔr jol-jol el ndá maji kar ndɔl nai dəa’g ya. Mbaidɔmbaije si ree!

2 Njé gə́ Kɔrḭtə 12:20

Mbata məəm to kərm mbata m’ə̰ji məəm’g m’pana: Loo gə́ m’a gə teḛ dɔ sí’g ndá m’a kiŋga sí to gə́ məəm wɔji lé el ləm, seḭje kara seḭ a kiŋgamje to gə́ meḛ sí-seḭ wɔji lé el ləm tɔ. Meem to kərm nà banelə m’a kiŋga takɔl ləm, gə kəmkəḭ ləm, gə ba̰ ta ləm, gə ta tḭ-na̰ ləm, gə kunda nani ləm, gə kunda ta ta na̰’g ləm, gə kəsta ləma, gə panjaa gə́ kori-kori gə́ ɓəd-ɓəd ləm tɔ lé mbuna sí’g.

Tel tura Godndu 5:29

Né kára ba lé ɓó lé deḛ d’wɔji meḛ dee’g njaŋg gə mba ɓəlm ləm, gə mba kaa dɔ torndumje kər-kər ləm tɔ ndá deḛ ləm, gə ŋgan deeje ləm tɔ lé d’a si gə rɔlel saar-saar gə no̰ ya.

Njé gə́ Pilibə 1:9

Aa ooje, né gə́ ma m’kwɔi Ala loo ra tamaji’g ləm ɓa to nee: Maji kar meenoji lə sí ḭ dɔ maree’g gə́ kédé-kédé gə goo négər ləm, gə goo gosonégər ləm tɔ

2 Njé gə́ Tesalonikə 1:3

Ŋgako̰ síje, jeḛ j’oo loo gə mba ra Ala oiyo ta-ta mbata lə sí, yee ɓa to lée’g ya, mbata meekun lə sí teḛ boo, ḭ ne dɔ maree’g gə́ kédé-kédé ya ləm, seḭje kára kara lai seḭ undaje na̰ dan kəm na̰’d waje ne noji gə́ kédé-kédé ləm tɔ.

Maktub gə́ Jak ula ne ar ngan-Allaje 1:8

Mbata yeḛ to dəw gə́ njemeebəŋgərə ya, lé rəw gə́ rara gə́ a kaw keneŋ ndá mée a bəŋgəree kunda ka̰ gə no̰ ya.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

Loo gə́ killa rea kəm Ja̰’g 2:2

Ma m’oo nérai ləm, gə kula rai ləma, gə meekai sam-sam ləi ləm tɔ. Ma m’gər gao i oo loo gə mba kwa njémeeyèrje gə́ rɔi’g el ləm, deḛ gə́ ɓar rɔ dee njékaḭkulaje nɛ d’unda rɔ dee keneŋ gə́ kunda lé i naa dee oo dee gə́ njéŋgɔmje ləm tɔ.

Loo gə́ killa rea kəm Ja̰’g 2:4

Nɛ né kára gə́ to gə goo rəbee el lé yee ɓa ma m’ndaŋgi dɔ’g. Kédé lé i undam dan kəmi’g nɛ ɓasinè i ya̰ goom yɔgɔ.

Loo gə́ killa rea kəm Ja̰’g 3:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Sardes pana: Aa oo, yeḛ gə́ ndilje lə Ala gə́ siri gə kéréméje gə́ siri to jia’g lé yeḛ nja pana: Ma m’gər nérai ya. Deḛ d’ooi gə́ dəw gə́ si kəmba, nɛ ma m’gər gao i to gə́ nin dəw.

Loo gə́ killa rea kəm Ja̰’g 3:16

Bèe ndá to gə́ i to mán gə́ to dujuru ba ɓó i kul el ləm, i wolé el ləm tɔ ndá m’a tɔmi naŋg.