Loo gə́ killa rea kəm Ja̰’g 22:2 - Maktub gə́ To gə Kəmee

² Dan mee ɓee-boo gə́ dana bab ləm, gə dɔ koŋgo baa-boo’g loo joo bɔr ya ləm tɔ lé kag kəmə to keneŋ. Kag kəmə neelé andə gə ka̰dee gə lée-lée gə naḭ kára-kára naḭ dɔg-giree-joo ləm, kamee ɓa to gə́ kuma̰ kaji ginkoji dəwje gə raŋg dɔ naŋg nee ləm tɔ.

Loo gə́ killa rea kəm Ja̰’g 22:2 Iomraidhean Croise

Gḭ-Néje 2:9

Njesigənea̰ Ala ar kagje gə́ gə gel dee gel deḛ lai d’uba dɔ naŋg’d lé, njé gə́ maji kəm dəw’g ləm, gə njé gə́ maji gə́ ka̰ sɔ ləm tɔ. Kag kəmə lé to dan loo-ndɔ’g lé dana bab ləm, kag gə́ wɔji dɔ gər né gə́ maji əsé né gə́ majel kara to keneŋ ləm tɔ.

Pakɔsje 147:3

Yeḛ aji deḛ gə́ ɓəŋgərə dee ti dus ləm, Yeḛ tɔ ta dooje lə dee ləm tɔ.

Gosota-Kəmkàrje 3:18

Yee to kag-kəmə mbata deḛ lai Gə́ d’wá gə ji dee ləm, Deḛ gə́ d’wá ga̰ lé kara Rɔ dee lel dee ne ləm tɔ.

Esai 6:10

Ar meḛ koso-dəwje neelé ndər ləm, Ar mbi dee udu ləma, Ar kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ginee ləma, D’a kɔs badm tel kar neḛ n’aji dee ləm tɔ.

Jeremi 17:14

Njesigənea̰, maji kari ajim Ndá m’a si kəmba ləm, Taam ta yoo’g ndá m’a kaji ləm tɔ, Mbata i ɓa to rɔnduba ləm.

Ejekel 47:1

Yeḛ tel ree səm par gə́ tarəw kəi gə́ to gə kəmee doi’g. Ndá aa oo, mán ḭ gin tarəwkəi gə́ naŋg teḛ ula gə́ bər mbata kəi lé təa to par gə́ bər. Man lé ula par gə́ dɔkɔl lə kəi gə́ to gə kəmee ləm, gə dɔkɔl lə loo-nékinjaməs ləm tɔ.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Jakari 14:8

Mee ndəa’g neelé manje gə́ d’aḭ teḛ kuji-kuji d’a kḭ Jerusalem Kar gesee a kula par gə́ baa-boo-kad gə́ par gə́ bər ləm, Kar Gesee gə́ raŋg a kula par gə́ baa-boo-kad gə́ dɔ-gó ləm tɔ. A to togə́bè gə naḭ kàr ləm, gə naḭ ɓar ləm tɔ.

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

Loo gə́ killa rea kəm Ja̰’g 2:7

Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.

Loo gə́ killa rea kəm Ja̰’g 21:21

Tarəwkəije gə́ dɔg-giree-joo neelé to mərkwɔjije ya. Tarəwkəije kára-kára lai lé to gə́ mərkwɔji ya doŋgɔ kára-kára. Tɔɓəi ndag-loo gə́ dan mee ɓee’g lé to gə́ larlɔr gə́ gəd ya, yee ndɔḭ asəna gə mán gə́ ndusu ɗəḭ-ɗəḭ bèe tɔ.

Loo gə́ killa rea kəm Ja̰’g 21:24

Ginkoji dəwje gə raŋg dɔ naŋg nee d’a njaa dan lookàr’g ləa tɔɓəi mbaije gə́ dɔ naŋg nee d’a kḭ gə rɔnduba lə dee koso ne gelee’g tɔ.

Loo gə́ killa rea kəm Ja̰’g 22:1

Yeḛ am m’oo baa gə́ ḭ gin kalimbai’g lə Ala gə ka̰ Ŋgonbad’g lé tɔ. To mán kəmə gə́ ndul konono asəna gə mán gə́ ndil ku’g bèe.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.

Loo gə́ killa rea kəm Ja̰’g 22:19

Ɓó lé nana ɓa tuji ta gə́ a gə teḛ gə goo ta gə́ to mee maktub’g neelé ndá Ala a kɔgee dɔ kandə kag kəmə’g neelé gə́ wɔji dəa ləm, a kɔgee loo-siée mee ɓee gə́ to gə kəmee gə́ d’ɔr goo taree mee maktub’g neelé ya ləm tɔ.