Loo gə́ killa rea kəm Ja̰’g 21:3 - Maktub gə́ To gə Kəmee

³ Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.

Loo gə́ killa rea kəm Ja̰’g 21:3 Iomraidhean Croise

1 Mbaije 8:27

Nɛ see Ala a si dɔ naŋg nee tɔgərɔ ya wa. Aa oo, dara gə́ to dɔ na̰’d dɔ na̰’d lé kara d’asi el nɛ ɓəd ɓa see kəi gə́ m’ra m’ari nee ɓa a k’asi ɓəi wa.

2 Sôrta Gḭka Israɛlje 6:18

Nɛ see Ala a si na̰’d gə dəwje gə́ dɔ naŋg nee tɔgərɔ ya wa. Aa oo, dara gə́ tad rəg-rəg lé asi el, nɛ ɓəd ɓəi ɓa kəi gə́ m’ra nee wa.

Teḛ-Raga 25:8

Deḛ d’a ra kəi gə́ to gə kəmee ɓəd mbata ləm ndá m’a si mbuna dee’g ya.

Teḛ-Raga 29:45

M’a si mbuna Israɛlje’g ləm, m’a to Ala lə dee ya ləm tɔ.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Jeremi 32:38

D’a to koso-dəwje ləm ndá m’a to Ala lə dee tɔ.

Ejekel 37:27

Loo-si neḛ a to mbuna dee’g ləm, n’a to Ala lə dee ləma, deḛ d’a to koso-dəwje lə neḛ ləm tɔ.

Ejekel 43:7

Yeḛ ulam pana: Ma ŋgon-dəw lé loo gə́ neelé to loo kunda kalimbai lə neḛ keneŋ ləm, lée neelé n’a kila dabla gɔl neḛ keneŋ ləm tɔ, n’a si keneŋ mbuna Israɛlje’g saar-saar gə no̰. Gel-bɔje lə Israɛl gə mbaije lə dee d’a kula sul dɔ ri neḛ gə́ to gə kəmee gə néra dee gə́ mina̰ gə nin mbaije lə dee gə́ dubu dee dɔ looje gə́ ndəw’g el ŋga.

Ejekel 48:35

Loo gə́ gugu dəa as kəmkil dəw tɔl-dɔg-loo dɔg giree-jinaijoo (18000). Bèe ɓa un kudee mee ndəa’g neelé, ɓee-boo neelé d’a ɓaree pana: Njesigənea̰ si loo gə́ nee ya.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Jakari 8:8

N’a ree sə dee ndá d’a si Jerusalem, D’a to koso-dəwje lə neḛ ləm, N’a to Ala lə dee Gə goo kankəmta gə néra gə́ danasur ləm tɔ.

Bula lə Israɛlje 9:16

To togə́bè ta-ta ya, mum lé ɔn dɔ kəi-kubu gə́ to gə kəmee dɔi, tɔɓəi loondul ndá yee to asəna gə pər bèe tɔ.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

2 Njé gə́ Kɔrḭtə 6:18

N’a kwa sí gə́ rɔ neḛ’g, n’a to bɔ síje ləm, Seḭ a toje ŋgan neḛje gə́ diŋgam gə njé gə́ dené ləm tɔ Mbaidɔmbaije gə́ njesiŋgamoŋ ɓa pa bèe.

1 Njé gə́ Tesalonikə 3:11

Maji kar Ala Bɔ síjeḛ ləm, gə Mbaidɔmbaije lə sí Jeju ləm tɔ lé gɔl rəw no̰ sí gə́ par gə́ rɔ sí’g.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

Ǝbrəje 8:10

Aa ooje, man gə́ m’a man rɔm kar gel-bɔje lə Israɛlje Loo gə́ ndɔje neelé dəs mba̰ ɓa nee: M’a kula godndumje meḛ dee’g ləm, M’a ndaŋg dee dɔɓəŋgərə dee’g ləm tɔ. Mbaidɔmbaije ɓa pa bèe. N’a to Ala lə dee ləm, Deḛ kara d’a to koso-dəwje neḛ ləm tɔ.

Ǝbrəje 8:2

Yeḛ ra kula mee kəi-Ala gə́ to gə kəmee gə́ to kəi-kiŋga-na̰ gə́ gəd gə́ Mbaidɔmbaije ɓa unda ɓó ji dəw ɓa ra el.

Loo gə́ killa rea kəm Ja̰’g 10:4

Loo gə́ ndi ndaŋg gɔl siri mba̰ ndá m’a gə ndaŋg mee maktub’g, nɛ m’oo ndu dəw gə́ ḭ dara pana: Ta lə ndi gə́ ndaŋg gɔl siri lé rḛdə ta maktub ɓó ndaŋg taree mée’g el ɓəi.

Loo gə́ killa rea kəm Ja̰’g 10:8

Ndu dəw gə́ ɓar dara gə́ m’oo lé ulam ta gə́ raŋg pana: Aw taa ŋgon maktub gə́ təa to tag gə́ to ji kura gə́ tad galee dɔ baa-boo-kad’g lé ləm, gə dɔ naŋg neelé ləm tɔ.

Loo gə́ killa rea kəm Ja̰’g 12:10

Ma m’oo ndu dəw gə́ ḭ dara ɓar ɔr loo lɔi-lɔi pana: Kaji lé ɓasinè kàree teḛ mba̰ ndá siŋgamoŋ gə tɔgmbaŋ ləm, gə ko̰ɓee lə Ala lə sí ləma, gə dɔmoŋ lə Kristi ləa ləm tɔ lé ndəa teḛ mba̰ tɔ. Mbata yeḛ wa njegaŋgta gə́ gaŋgta badə-badə ɔm ta ŋgako̰ síje no̰ Ala’g lə sí gə ndəa-ndəa dan kàrá ləm gə loondul’g ləm tɔ lé yeḛ wá ilá naŋg nee ya.

Loo gə́ killa rea kəm Ja̰’g 21:7

Yeḛ gə́ a kun baŋga ndá a kiŋga néje neelé: n’a to gə́ Ala ləa ləm, yeḛ a to gə́ ŋgon neḛ ləm tɔ.

Loo gə́ killa rea kəm Ja̰’g 22:3

Ndɔl yoo a godo mee ɓee’g neelé. Kalimbai lə Ala gə ka̰ Ŋgonbad a to keneŋ ya. Kuraje ləa d’a kaar gə kula ra dee yéŋgé-yéŋgé gə mba karee ləm, d’a koo kəmee ləma,

Loo gə́ killa rea kəm Ja̰’g 7:15

Gelee gə́ nee ɓa d’aar ne no̰ kalimbai’g lə Ala, deḛ d’wa ne səa bua kula dan kàrá gə loondul’g mee kəi-siée’g ya. Yeḛ gə́ si kalimbai’g lé a la kəi-kubu ləa dɔ dee’g.