Loo gə́ killa rea kəm Ja̰’g 21:12 - Maktub gə́ To gə Kəmee

¹² Ndògo gə́ dəree ŋgal lé gugu dɔ ɓee-boo lé sub. Tarəbeeje dɔg-giree-joo to keneŋ ləm, kuraje gə́ dara dɔg-gir-dee-joo d’isi tarəbeeje’g ləm tɔ. Deḛ ndaŋg ri ginkoji Israɛlje dɔg-gir-dee-joo tarəbee kára-kára dɔg-giree-joo ya tɔ.

Loo gə́ killa rea kəm Ja̰’g 21:12 Iomraidhean Croise

2 Sôrta Gḭka Israɛlje 9:19

néndaji toboḭje gə́ raŋg dɔg-gir-dee-joo to loo-kuba-ɗao-ɗao’d gə́ tar lé misa̰ kelee gə́ kára ləm, gə misa̰ kelee gə́ kára ləm tɔ. Kalimbai neelé ra togə́bè mee ɓeeko̰ gə́ raŋg kára kara el ɓəi.

Esdras 9:9

Mbata jeḛ n’toje ɓərje ya nɛ Ala uba sí ya̰ sí dan loo ra kula ɓər’g lə sí el. Yeḛ wa sə sí noji kəm mbaije gə́ Persə ar sí n’tel j’isije ne kəmba ləm, ar sí j’undaje kəi-Ala lə sí ləm, ar sí n’gɔlje looje gə́ tuji karee to lée’g gogo ləma, gə mba kar sí loo-kula-dɔ sí keneŋ dɔ naŋg gə́ Juda gə ɓee-boo gə́ Jerusalem ləm tɔ.

Nehemi 12:27

Ndɔ kunda ndògo-bɔrɔ gə́ Jerusalem gə kəmee lé deḛ ɓar Ləbije gə looje lai gə́ d’isi keneŋ mba kar dee ree Jerusalem mba ra naḭ gə́ wɔji dɔ kunda ndògo-bɔrɔ gə kəmee gə paje gə pa pidije ləm, gə kaa ma̰də gə́ saga səgə-səgə ləm, gə kṵdu-ko̰déje ləma, gə kṵdu-kagje ləm tɔ.

Pakɔsje 122:7

Maji kar loo to lɔm mee gad ndògo-bɔrɔ’g ləi ləm, Maji kar loo to lɔm mee kəi-mbaije’g ləi ləm tɔ.

Pakɔsje 51:18

Ɓó lé i ndigi kam m’inja nékinjanéməsje m’ari ndá M’a kinja kari ya, Nɛ nékinjanéməsje gə́ roo lé taa kəmi el.

Teḛ-Raga 28:21

Jərje neelé d’a kas dɔg-gir-dee-joo gə goo ri Israɛlje gə́ diŋgam tɔ, d’a tḭja dee to gə́ tḭja ne nétorjije bèe, jər kára wɔji dɔ gin koji Israɛl kára-kára bèe ya saar as gin dee gə́ dɔg-gir-dee-joo lé.

Esai 54:12

M’a ra kəmbolè ndògo ləi Gə jər gə́ ria lə rubis ləm, Tarəwkɔgje ləi d’a to jərje Gə́ ri dee lə eskarbuklə ləma, Dan mee gadloo ləi lé M’a ra gə jərje gə́ gad dee to yaa̰ ləm tɔ.

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Lugu 15:10

Togə́bè ɓa ma m’ula sí təsərə, kaiya-dəw kára ba kiao gə́ wa ndòo rəa dɔ kaiya’g ləa lé ndá d’a ra rɔlel yaa̰ dəa’g no̰ kuraje lə Ala gə́ dara lé tɔ.

Lugu 16:22

Njendoo lé wəi ndá kuraje lə Ala gə́ dara ree d’unee d’aw d’unda mbɔr Abrakam’g. Bao lé kara wəi tɔ ndá deḛ dubee tɔ.

Néra Njékaḭkulaje 26:7

Ndukun neelé ginkoji síjeḛ gə́ aḭ dɔg-giree-joo lé kara ndiŋga ne rɔ dee ləm, d’wa ne Ala lé meḛ dee’g ta-ta dan kàrá gə loondul’g ləm tɔ. Wah mbai, ta lə kṵdameeyel neelé nja ɓa Jibje səgm ne gə mbəa.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Loo gə́ killa rea kəm Ja̰’g 21:13

Tarəbeeje gə́ kel bər munda ləm, tarəbeeje gə́ kel dɔ-gó munda ləm, gə kel dɔkɔl munda ləma, gə gə́ kel dɔgel munda ləm tɔ.

Loo gə́ killa rea kəm Ja̰’g 21:15

Yeḛ gə́ ulam ta lé aw gə kag-kwɔji-né gə́ ra gə larlɔr mba kwɔji ne ɓee-boo lé ləm, gə tarəbeeje ləma, gə ndògo gə́ gugu dəa lé ləm tɔ.

Loo gə́ killa rea kəm Ja̰’g 21:25

D’a kudu tarəwje neelé el mbata loo gə́ ndul ɗigi godo keneŋ.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.